2 Petrus 1:8 - Muna Southern Dialect

⁸ Ane kosasawiꞌae podiu saꞌituini makesieꞌomu dhulu oleo dhulu kantuhu, tetewei nakumaꞌende-ende totono lalomiu kumahadhaaꞌomu bhe nakohasili metaa, sampe sedhuluꞌa dua mandeꞌaaneomu Yesus Kristus Ompuntoomu.

2 Petrus 1:8 Referans Kwoze

Titus 3:14

Mientoomu tabeano dapoguhu dua dakumahadhaa metaaꞌano so kafaraluundo mentae mohondo, koe dembali mie tapa kofahalaa.

Kolose 3:16

Naetaa bhoasaono Kristus bhe sabhaha kabarakatino nakumabhinti totono lalomiu, neanomo naembali pofoi-foinaꞌu bhe potanga-tangahiomu maiꞌao ne totono lalo kotimbangi. Pudhiomu Lahataꞌala, mepakeomu lagu mazmur ne Kitabino Daud, lagu-laguno kapudhi bhe lagu-lagu lumebeno. Melaguomu bhe mefoampeomu katumpuno lalo ne Lahataꞌala.

Yohanes 15:2

Sasuka haꞌaku tapa kobhakeno nolakoe, tamaka sasuka haꞌaku kobhakeno nofekanggelaꞌie so nodhuluꞌao kabhahino bhakeno.

Ibrani 6:12

Takiido membaliomu mie mantawa, tamaka gao mani mangkafiomu sandahano mie tumahimano nedhandiꞌaono Lahataꞌala hampano kaparasaea bhe kakosabahando.

Filipi 1:9

Sambaheaku sio-siomo kanini kaasimiu sadhulu-dhulu kabhahi ampa napontalabhi-labhi, nasedhuluꞌa dua mandeꞌaoꞌomu kabanara bhe meꞌawaomu fekihi kotimbangi.

1 Tesalonika 4:1

Panda-pandano bhahitieꞌi, padamo tatangahikoomu nada amai dadumadi damekaꞌia lalono Lahataꞌala. Anaꞌa daanumo habuemoomu. Tamaka aitu taesalo mpuu weo neano Ompu Yesus, nasedhuluꞌa dua kakampuu-mpuuno habumiu naꞌa.

1 Korintus 15:58

Dadiꞌanomo, bhahitieꞌiku timoasiꞌaono, fekatangka kofindamiu, koise meando-andoa, sadhia foma-fomaiꞌomu lalomiu weo kahadhaano Ompu! Ingka pandeꞌaaneomu weo kaseꞌisemiu bhe Ompu kawulemiu pae nasumia-siaꞌa.

2 Petrus 1:2

Sio-siomo sadhia namaꞌangkoomu kabarakati bhe katohopono dadi pontalabhi-labhino, hampano kaparasaeamiu ne Lahataꞌala bhe ne Yesus Ompuntoomu.

Filemon 1:6

Asambahea sio-siomo dadi pobhahitie weo kaparasaeantoomu nakohasili metaa, maꞌanano nasedhuluꞌa dua dalumosangie sabhaha kabarakati netahimantoomu hampano doseꞌisemo bhe Kristus.

2 Tesalonika 1:3

Bhahitieꞌiku, insaodi tabeano sadhia taefoampe katumpuno lalo ne Lahataꞌala mbaꞌinomo hintimiu. Daanumo nopantasimo peda anaꞌa, kapaꞌamo kaparasaeamiu saꞌende-ende, pomoni-moniniꞌa sapada-pada hintimiu seemieno bhe seemieno dhulu kamatangka.

Filipi 2:5

Lalomiu tabeano napototo bhe lalono Kristus Yesus.

2 Korintus 13:5

Tiisangi totono lalomiu bhahaꞌi kotu-kotuꞌu parasaeaꞌomu ne Kristus. Udhi wutomiu! Miina mandeꞌaaneomu gahaꞌa putae Kristus Yesus nodadi weo totono lalomiu? Ane pae nada naꞌa, ingka miina mooliomu kaꞌudhi anaꞌa.

Kolose 2:7

Kaparasaeamiu ne Anoa tabeano nakopahaka, bhe wutono Kristus naembalimo kaengkohaꞌano dadimiu. Kaparasaeamiu tabeano dhulu kamatangka, noposahataa bhe kafoinaꞌu netahimamiu. Totono lalomiu nakaꞌende-ende mefoampeomu katumpuno lalo.

2 Korintus 9:14

Andoa dasumambaheaꞌangkoomu bhe naokamba mpuu lalondo damohakoomu, hampano rahamatino Lahataꞌala pontalabhi-labhino ne hintimiu.

2 Korintus 8:2

Mahinggamo doꞌudhianda kasabha mobhie, nokaꞌende-ende kawulano lalondo; mahinggamo notolau kakaendo, tamaka nopontalabhi-labhi kalalesano lalondo dofowaꞌao.

1 Timotius 5:13

Pakademo dua, andoa ini domantawa, tadelili-lilimo doala seꞌonue lambua. Suano kaowu anaꞌa, maka dopandemo dua doꞌumbu bhaindo, desampuru urusundo mie bhaindo bhe detula-tulaꞌao sabhaha tapa mantasiꞌano.

1 Tesalonika 3:12

Sio-siomo dua Ompu namodhulu kabhalano kanini kaasimiu sapada-pada hintimiu bhe ne sabhaha mie ampa napontalabhi-labhi, pedamo dua kanini kaasi mani ne hintimiu.

2 Korintus 8:7

Hintimiu hangkaeamoomu weo kaparasaea, hangkaeamoomu weo folimbaꞌano fekihi bhe kapande, hangkaeamoomu dua weo kakampuu-mpuu so potulu-tulumiꞌa, hangkaeamoomu weo kanini kaasi ne insaodi. Naetaa mpuu ane humangkaeaꞌomu dua weo kahadhaano kanini kaasi ini.

Roma 12:11

Fekakokosoomu kahadhaaꞌomu, koise mantawaomua! Naetaa nakamai-mai totono lalomiu ondofaoꞌomu Ompu.

Yohanes 5:42

Apandeꞌaangkoomu, weo totono lalomiu miina sepaliꞌa bhe kaasimiu ne Lahataꞌala.

Matius 25:26

Nopugaumo kafeompuꞌa naꞌa, ‘Hintu ini bhatua modai bhe mantawano! Ingka pandeꞌaanemo atobhe ne kaampo pata kaeꞌewiꞌaku, akape ne kaampo pata kamontisaꞌaku.

Matius 20:6

Hambi-hambi lima mata maꞌoleo, nokalamo toha maka newoha dua mie sigaoꞌano deehe-ehe. Nofeenadamo ambano, ‘Noafa gahaꞌa seꞌoleomo taꞌomeehe-eheomu ne ini miina bhe kaha-kahadhaamiu?’

Matius 20:3

Hambi-hambi siua mata hangkowine nokalamo toha, gahaꞌa newohamo mie tapa kokaha-kahadhaano tadeehe-ehemo we daoa.

Matius 13:22

Wine mondawuꞌano weo kahoku kokihi, maꞌanano mie metingkeno bhoasaono Lahataꞌala, tamaka nobhahi dofekihi so kadadiꞌando bhe nobhohe-bhoheꞌida kahangkaeano dhunia. Kosasawiꞌae naꞌa nopesua weo totono lalondo noꞌontiꞌi bhoasaono Lahataꞌala sampe miina nakohasilia.

Yohanes 17:3

Dadi suhue dhamani maitu, maꞌanano manusia dopandeꞌaane Hintumo Kaseemie-mieꞌano, Lahataꞌala banarano, bhe dopandeꞌaane dua Yesus Kristus netudumu.

Filipi 3:8

Suano kaowu taꞌo anaꞌa, tamaka kosasawiꞌae maitu akonaemo kahugi mpuu ane apototoane bhe neꞌawaku ampa aini: apopandeꞌao bhe Kristus Yesus Ompuku. Hampano Anoa kaengkohaꞌano kamanusiaku bhe habu metaaku madaꞌano ini ahunsaemo, akonaꞌidamo dua hewu, neanomo aꞌumawa Kristus,

Kolose 1:10

Ane nada naꞌa, dadimiu namantasimo peda mie mangkafino Ompu bhe mekaꞌiano lalono Lahataꞌala. Kobhakeomu weo habu metaamiu, sampe sedhuluꞌa dua mandeꞌaoꞌomu Lahataꞌala.

2 Petrus 1:3

Lahataꞌala nopakemo kuasa Kaseemie-mieꞌano, nowaꞌa kaita sabhaha maraluuꞌano so dadumadi lumebeꞌao. Kafowaꞌaoꞌano hampano dopandeꞌaanemoomu Kristus, Anoamo fobhasino so daealaꞌao dawu weo kakalabhiano bhe kataano lalono.

2 Petrus 2:20

Kapaꞌamo ane o mie nopandeꞌaomo Ompu bhe Omputo Fosalamatino Yesus Kristus, ingka nolapamo maiꞌao ne sabhaha kuasano dhunia pokahakuno. Tamaka ane suli toha dotigogantu bhe dotalo ne sabhaha kuasa naꞌa, ingka sedhuluꞌa kadahano bhe endefiꞌini.

2 Petrus 3:18

Naetaa mpuu modhuluomu kabhala bhe kamatangkamiu weo kanini kaasino Yesus Kristus, Ompu bhe Fosalamatino, bhe nasedhuluꞌa dua mandeꞌaaneomu. Nopantasi mpuu damosibhalae haꞌoleo ini ampa suhue dhamani! Amin.