2 Korintus 9:2 - Muna Southern Dialect

² Apandeꞌaanemo kahelasino fotulumiomu, ingka padamo dua afowoseangkoomu bhakeku ne miendo Makedonia. Ambaku peda aini, “Umati we kadieno Akaya ⸤ we kotano Korintus⸥ domantaa-ntaamo dafowaꞌao mpini ne taꞌu itu.” Dofetingke kakaꞌende-endeno lalomiu itu dobhahi dua tisangkeno totono lalo.

2 Korintus 9:2 Referans Kwoze

2 Korintus 8:10

Naetaa amolimbaangkoomu fekihiku, bhahaꞌi kaowu nakofahalaa dua so hintimiu: naetaa motokaeꞌomu kahadhaa toka nefetompunaꞌimiu itu. Ingka ne taꞌumo itu hintimiumo kabhao-bhaono humelasino fowaꞌaono maka daanumo fodhalaemoomu.

2 Korintus 8:8

Apugau peda aini suano kanggetu pahinta, tamaka afotiwohaangkoomu kaowu kakampuu-mpuundo bhahitie sigaoꞌano dofotulumi, neanomo amandeꞌaanemo dua kahelasino kanini kaasimiu.

2 Korintus 8:24

Dadiꞌanomo fotiwohaeꞌomu kanini kaasimiu ne andoa ini, neanomo tombudo umati sigaoꞌano damandeꞌaanemo bhe kawoseno bhake mani kaomponae ini tapulaoꞌao hintimiu itu nakobukutiimo.

Ibrani 10:24

Fodo-fodoli kaitaomu fekihi so dapofeka-fekatangka lalo, neanomo sedhuluꞌa dua kabhalano kanini kaasi bhe habu metaantoomu.

1 Korintus 16:15

Bhahitieꞌiku, tasehonda dua kamesaloku. Ingka pandeꞌaaneomu Stefanus bhe polambuno; andoamo mie kabhao-bhaono marasaeano we Akaya, dokahadhaa sampuu-mpuuno lalondo doꞌondofao umati marasaeano sigaoꞌano.

1 Tesalonika 1:7

Dadiꞌanomo hintimiu membaliomu sandaha so kosasawindo marasaeano we kadieno Makedonia bhe Akaya.

2 Korintus 8:19

Suano kaowu taꞌanaꞌa, tamaka mie aini padamo dua dopilie umati marasaeano so pobhai kainsami weo kala-kala mani ⸤ we Yerusalem⸥ . Kapaꞌamo takumala we naꞌa taewowoꞌo kawaꞌaono kanini kaasi ini, somo kakalabhiano Ompu, somo dua bukutiino kahelasino lalo mani.

2 Korintus 7:4

Aokado apugau mentalea-mentalea ne hintimiu, bhe nowoseangkoomu bhakeku. Weo sabhaha kakadee-dee mani notilawesi mpuu laloku bhe nopontalabhi-labhi kawulano laloku.

2 Korintus 1:1

Suha aini nomaiꞌao ne idi, Paulus, rasuluno Kristus Yesus hampano kapoindalono Lahataꞌala, bhe nomaiꞌao dua ne Timotius bhahitientoomu. Apakatue so umatino Lahataꞌala we Korintus bhe kosasawindo umati mongkilono we kosekaꞌewaꞌae kadieno Akaya.

Tula-tulando rasulu 18:12

Tamaka saeheno Galio mbali gubernur we Akaya, miendo Yahudi dowanusaomo doewangi Paulus maka doowae ne wiseno pande bhitaha.

Tula-tulando rasulu 24:17

Ntini taꞌu-taꞌumo akala, maka asuli toha we Yerusalem aewowoꞌo sadhakaa so saliwuku, bhe kapopanga so Lahataꞌala.

Roma 15:26

Kapaꞌamo umati we Makedonia bhe Akaya dosekabhotumo daefoꞌonu dhoi so datumulumiꞌao umati mokaeno we Yerusalem.

2 Korintus 7:14

Afowoseangkoomu bhakeku ne anoa, ingka miina mekandidikiomu lalokua. Endefiꞌini insaodi sadhia tapugauꞌao kumotuꞌuꞌano ne hintimiu, pedamo dua pugau mani tafowoseangkoomu bhake mani ne Titus, ingka saneamo kumotuꞌuꞌano.

2 Korintus 8:11

Dadiꞌanomo aitu fotokaemoomu. Naetaa nakaꞌende-ende lalomiu motokaeꞌomu naposahataa bhe kahelasino lalomiu pakatitandakino, ampa so nepoo-poolimiu.