2 Korintus 9:13 - Muna Southern Dialect

¹³ Kawaꞌaomiu naꞌa bukutiinomo kaꞌondofaomiu, maka ⸤ umati marasaeano we Yudea⸥ damekakalabhia Lahataꞌala, hampano dowoha kakampuu-mpuumiu angkafiomu Bhihita Metaano Kristus neparasaeamiu. Damudhi dua Lahataꞌala hampano bhe kalalesano lalomiu podawu-dawuomu bhe andoa bhe sabhaha mie.

2 Korintus 9:13 Referans Kwoze

Ibrani 13:16

Koise molimpuomu habu metaaꞌomu bhe fotulumiomu, kapaꞌamo anaꞌaemo kapopanga mekaꞌiano lalono Lahataꞌala.

Matius 5:16

Pedamo aitu dua tilangamiu tabeano naentalea ne wisendo mie bhaimiu, dowohaꞌao podiumiu metaaꞌano so damudhiꞌao Amamiu te surugaa.”

Galatia 1:24

Dadiꞌanomo andoa dofekakalabhia Lahataꞌala mbaꞌinomo kumadhadhiaꞌano ne idi ini.

2 Korintus 2:12

Ahato we Troas, patudhuku aefolele Bhihita Metaano Kristus, gahaꞌa wutono Ompu padamo nelengka kanau kasalawa metaa so kahadhaa anaꞌa.

1 Petrus 4:11

Ane seemie neowa kafoinaꞌu, naetaa napugau kanggetumo wambano wutono Lahataꞌala. Ane seemie nofoꞌondofao, naetaa namake kaꞌosa newaꞌaono Lahataꞌala, neanomo ne sabhaha nehabumiu Lahataꞌala damekakalabhiaꞌe namangka ne Yesus Kristus. Ingka Anoamo kokalabhiano bhe kokuasano ampa suhue dhamani. Amin.

1 Petrus 2:9

Tamaka hintimiu bansano liwu tipilino, imamu meompuno ne Omputo, bansano liwu mongkilono, umati fehebuaꞌano wutono Lahataꞌala. Lahataꞌala nopilikoomu bhe nobhasikoomu maiꞌao weo kahohondo pesuaꞌomu weo kantalea kumalabhiano, neanomo moleleeꞌomu sabhaha habuno timenteꞌaono.

Ibrani 10:23

Fintaha motangka kaitaomu ne kaposahunaꞌao neꞌakuintoomu, kapaꞌamo Lahataꞌala notiparasaea, tetewei namekoꞌulae dhandino.

Ibrani 5:9

Nosangka kaowu dadino, Yesus nembalimo meowano kasalamati suhue dhamani so kosasawindo mie meangkano ne Anoa.

Ibrani 4:14

Kanandooꞌanomo tetewei damintahakieꞌomu mpuu kaparasaea neꞌakuintoomu, kapaꞌamo bhe imamuntoomu, Imamu Bhalano kumalabhiano toka mangkano surugaa ampa te wiseno Lahataꞌala. Anoamo itu ingka Yesus, Anano Lahataꞌala.

Ibrani 3:1

Dadiꞌanomo bhahitieꞌiku mongkilono toka nebhasino Lahataꞌala so menamisino surugaa! Fekihi kaitaomu nehabuno Yesus, Rasulu bhe Imamu Bhalano neparasaeantoomu.

1 Timotius 6:12

Uleiꞌe lalomu weo dadimu peda seemie sarani metaano, tapedamo pogolono, neanomo moolie dadi sakotuꞌuno ampa suhue dhamani. Ingka ainimo katibhasiꞌamu ne Lahataꞌala, wakutuuno kosuahaane ne wiseno umati putae parasaeamo mpuu ne Kristus bhe dobhahi sumakusiiangko.

2 Korintus 10:5

Sabhaha akalando manusia tadai-daiꞌe, kalangkeno diundo manusia potagalino bhe kafoinaꞌuno Lahataꞌala tafohansurue kanggetu taesansa bente melangke. Sabhaha fekihindo manusia takuhumae maka tafotuhue ne wiseno Kristus.

2 Korintus 8:4

Weo kahelasino lalondo, desalo bhe adho dofosuhu kainsami gaondo damolalesada dua daeala dawu weo katulumi so umati marasaeano ⸤ we Yudea⸥ .

Roma 16:26

Tamaka ampa aitu, nopoangkafi bhe pahintano Lahataꞌala dumadino suhue dhamani, patudhuno ini dofekantaleaꞌiemo bhe bhihitano padamo dofolelee ne sabhaha bansano liwu, noangka ne nebuhi weo Kitabindo ana-anabii, neanomo kosasawindo damarasaea bhe daeangka ne Lahataꞌala.

Tula-tulando rasulu 11:18

Dofetingke peda maitu miinamo dakodiua, tadopudhimo kakalabhiano Lahataꞌala. Ambado, “Ingka gahaꞌa mie suano Yahudi nowaꞌanda dua kadawu Lahataꞌala dametompaꞌao dhosando so dadumadiꞌao suhue dhamani!”

Tula-tulando rasulu 4:21

Sedhuluꞌa dua kaꞌosano dolambada, tamaka panda-pandano dofolapada dua mbaꞌinomo miina daewohaa dhala so katihukumuꞌandoa. Pakade doteꞌi dua mie bhahi mudhino neano Ompu hampano dowoha kadhadhia amaitu.

Yohanes 15:8

Ane nabhahi bhakemiu, natiwohamo kakalabhiano Amaku. Nadamo anaꞌa hintimiu kotu-kotuꞌumo anaguhuꞌiku.”

Lukas 6:46

“Noafa kona kanauꞌomu, ‘Ompu, Ompu’, gahaꞌaitu miina mangkafieꞌomu pugauku?

Matius 9:8

Mie bhahi mohano kadhadhia aitu doteꞌi bhe dopudhi Lahataꞌala maꞌaono kuasa bhalano pedando aitu ne manusia.

Roma 10:16

Tamaka miina kosasawindo miendo Israel dotahima Bhihita Metaa maitu. Anabii Yesaya nokowamba peda ini, “Ompu, nandoo bhahaa marasaeano bhihita neowa mani?”

Roma 12:8

Meꞌawano kapooli nafotangahi, naetaa nafotangahi. Meꞌawano kapooli so nadumawu-dawuꞌao kanandoono ne mie bhaino, naetaa nahumabue weo kahelasino lalo. Meꞌawano kapooli naembali neangka, naetaa naꞌumulei lalono nadhumalangie. Meꞌawano kapooli so metulumino mie weo kasabha, naetaa nadhumalangie weo kawulano lalo.

Roma 15:31

Sambahea kanauꞌomu sio-siomo Lahataꞌala namolapa kanau maiꞌao ne limando mie tapa marasaeano we Yudea. Sambahea kanauꞌomu dua sio-siomo sabhaha taka kaꞌondofaoku we Yerusalem datumahima metaaꞌe umati marasaeano ne watu.

2 Korintus 9:14

Andoa dasumambaheaꞌangkoomu bhe naokamba mpuu lalondo damohakoomu, hampano rahamatino Lahataꞌala pontalabhi-labhino ne hintimiu.

1 Timotius 6:13

Aitu, ne wiseno Lahataꞌala maꞌaono dadi ne sabhaha ndumandoono, ne wiseno dua Kristus Yesus mada sumakusiiꞌaono kabanara ne Pontius Pilatus, aefeꞌulaiangko: