2 Korintus 8:9 - Muna Southern Dialect

⁹ Ingka pandeꞌaanemoomu rahamatino Ompuntoomu Yesus Kristus: mahinggamo nohangkaea, nohelasimo nembali mie mokae so hintimiu, neanomo noangka ne kakaeno hintimiu humangkaeaꞌomu.

2 Korintus 8:9 Referans Kwoze

Roma 8:32

Sanginomo Anano wutono ingka miina naooloanea noowae dopongkoe so kasalamatiꞌantoomu, bhemo toha bhahi-bhahiꞌae sigaoꞌano, bhahaa pae nafowaꞌanea?

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

Roma 5:8

Tamaka Lahataꞌala nofotiwohamo kanini kaasino ne intaodiomu peda aini: Kristus nomate so intaodiomu wakutuuno nandoo dokodhosaomu.

2 Korintus 6:10

mahinggamo nokompeaha lalo mani sadhia taoꞌia, mahinggamo taokae tamaka dobhahimo mie nefekahangkaea mani, mahinggamo wohaꞌano miina takoꞌae-aea tamaka sakotuꞌuno nandoo bhahi-bhahiꞌae.

Efesus 2:7

Patudhuno Lahataꞌala neanomo ne dhamani te wise namotiwoha kabhalano kataano lalono ne intaodiomu ini. Kataano lalono bhe kanini kaasino nofosampue ne intaodiomu noangka ne Kristus Yesus.

Yohanes 1:14

Bhoasao amaitu nembalimo manusia neate bhe intaodiomu; dowohaemoomu kakalabhiano, dadino noponoꞌao kanini kaasi bhe kabanara. Kakalabhia naꞌa notahimae peda seemie Ana Kaenseemieno Lahataꞌala.

Yakobus 2:5

Bhahitieꞌiku timoasiꞌaono, fetingke kanauꞌomu! Mie mokae ne pomatano dhunia ingka nofepilida Lahataꞌala, dembali mie hangkaea weo kaparasaeando. Andoamo dua so kohakuꞌaono metahimano kadawu weo Kafopahintaꞌano Lahataꞌala, peda nedhandiꞌaono Lahataꞌala ne mie moasiane.

Efesus 3:8

Idi ini mie we pandano panda ne olotando umati mongkilono Lahataꞌala. Mahinggamo pedamo aini, Lahataꞌala nofotiwoha kanau rahamatino nowaꞌa kanau takaku ini: aefolele Bhihita Metaa ne mie suano Yahudi, aefebhihitaianda kabhalano kabarakatino Kristus pata tikiha-kihano so intaodiomu.

1 Timotius 6:18

Mesaloida dahumabu metaa, dahumangkaea weo podiu metaa, nahumelasi lalondo dafowaꞌao bhe dafotulumi.

Lukas 16:11

Dadiꞌanomo ane pae naembali daposahunaꞌaangkoomu kahangkaeano dhunia, ingka tetewei pae dua daposahunaꞌaangkoomu kahangkaea sakotuꞌuno, ⸤ maꞌanano dadi buꞌou⸥ .

Ibrani 1:2

Ne pandano dhamani ini Lahataꞌala nokobhoasao ne intaodiomu noangkamo ne Anano. Anoamo toka nefotantuno mbali kohakuꞌaono bhahi-bhahiꞌae ndumandooꞌano. Noangkamo dua ne Anano ini, Lahataꞌala nofokonandoo alamu bhalano.

Lukas 9:58

Yesus notobhoosimo ambano, “Daꞌu ngkahoku bhe liano, kaꞌuhi lumola bhe kaufeno, tamaka Anano Manusia miina sepaliꞌa bhe katifekalaaꞌiꞌano towuno.”

Powoha 3:18

Dadiꞌanomo atangahikoomu meꞌoli bulawa toka nefekangkilo ne efi maiꞌao ne Idi neanomo humangkaeaꞌomu. Meꞌoli dua pakea kapute neanomo naembali makee keana notiwoha katilembimiu timoambanoꞌaono itu. Meꞌoli dua kaago so tumei ne matamiu neanomo fowohaomu.

Efesus 3:19

Sio-siomo kanini kaasi anaꞌa lumosangieꞌomu, mahinggamo sakotuꞌuno pae damondoiꞌe damahamue, neanomo dadimiu nakumabhintiemo sifatino Lahataꞌala foliuno kasumangka.

1 Korintus 1:4

Sadhia aefoampe katumpuno lalo ne Lahataꞌala hampano padamo nofosampuangkoomu rahamatino noangka ne Kristus Yesus.

Lukas 2:7

Nokoanaꞌaomo seemie moꞌane, titiisano, nowaweꞌianemo kabhini maka nofondolee weo kampomaaꞌando kadadi, kapaꞌamo miinamo datooleaꞌa ne lambu kabutuꞌa.

Yohanes 16:15

Kosasawiꞌae ndumandooꞌano ne Amaku nandoo dua ne Idi, kapugauꞌakumo putae Rohi maitu namebhihitaiꞌangkoomu sabhaha netahimano ne Idi.”

Yohanes 1:17

Tubhono agama Yahudi dotahimaeꞌomu ne anabii Musa, tamaka kanini kaasi bhe kabanara notiwoha ne Yesus Kristus.

Yohanes 1:10

Bhoasao amaitu nonandoomo we dhunia; dhunia nofokonandooꞌe Lahataꞌala noangka ne Anoa, tamaka dhunia miina namandeꞌaanea.

Matius 8:20

Yesus notobhoosimo ambano, “Daꞌu ngkahoku bhe liano, kaꞌuhi lumola bhe kaufeno, tamaka Anano Manusia - Idimo ini - miina sepaliꞌa bhe katifekalaaꞌiꞌano towuno.”

Powoha 21:7

Sasuka fotalono natumahima kosasawiꞌae ini. Idi aembali Lahataꞌalano, anoa somo anaku.

1 Korintus 15:47

Manusia kabhao-bhaono nomaiꞌao we dhunia, mbadhano nomaiꞌao we bungahasi; manusia mbuhumaino nomaiꞌao te surugaa.

Roma 11:12

Dadiꞌanomo dhosando miendo Yahudi neowamo kabarakati so dhunia ini, kakaeno ⸤ kaparasaeando⸥ neowamo kabarakati pontalabhi-labhino ne bansano liwu sigaoꞌano. Ane peda anaꞌa, ingka mangke-mangkemo sedhuluꞌa dua kataa, ane nasumangka kabhahindo miendo Yahudi so sumalamatino.

Yohanes 17:19

Somo andoa afotawakala Wutoku ne Hintu, neanomo andoa daeꞌawa kabanara, maka damotawakala dua wutondo ne Hintu, daembali fehebuaꞌamu mongkilono.

Yohanes 12:30

Ambano Yesus, “Suaha anaꞌa notifetingke suano so Idi, tamaka so hintimiu.

Markus 6:3

Ingka Anoa ini o tuka, anano Maria, bhahitieꞌino ndo Yakobus, Yoses, Yudas bhe Simon. Bhahitieꞌino hobhine deate dua ne ini.” Sampe nondidikiane lalondo.

Matius 17:27

Tamaka koemo dofekalea lalondo. Dadiꞌanomo kala mekabua kaita we teꞌi. Kenta kabhao-bhaono so nepoolimu, hakoe maka weo wobhano mewoha dhoi pera nakumapomo so sewanto dahodua. Ala dhoi aitu maka tanduao kaita sewano Lambuno Lahataꞌala ne andoa maitu.”

Kolose 1:24

Aitu nowula laloku akadee-dee so hintimiu. Kapaꞌamo weo kakadee-deeno mbadhaku ini, ingka afopansuhu kakadee-dee nenamisino Kristus mbali mbadhano, maꞌanano umati marasaeano.

Lukas 8:3

Yohana hobhineno Kusa, Susana bhe hobhineꞌi sigaoꞌano. Kusa naꞌa mandeꞌaonomo kamalino kolaki Herodes. Hobhine andoa ini doꞌondofao kafaraluuno Yesus bhe sabhangkaꞌino dopake kanandoodo wutondo.

Roma 15:3

Kapaꞌamo Kristus miina dua namekihi kaoꞌiaꞌano Wutono. Weo Kitabi notibuhi ⸤ wambano Kristus ne Lahataꞌala⸥ , “Sabhaha wamba kafekaꞌaebu nefolimbando so Hintu nokangkanaimo Idi.”

Powoha 2:9

Apandeꞌaane kasabha bhe kakaemiu, tamaka sakotuꞌuno hangkaeaꞌomu. Apandeꞌaane dua kaꞌumbundo mie kumonano wutondo miendo Yahudi, gahaꞌaitumo suano, andoa maitu umatino Kafeompuꞌando seetani.