2 Korintus 8:4 - Muna Southern Dialect

⁴ Weo kahelasino lalondo, desalo bhe adho dofosuhu kainsami gaondo damolalesada dua daeala dawu weo katulumi so umati marasaeano ⸤ we Yudea⸥ .

2 Korintus 8:4 Referans Kwoze

Tula-tulando rasulu 24:17

Ntini taꞌu-taꞌumo akala, maka asuli toha we Yerusalem aewowoꞌo sadhakaa so saliwuku, bhe kapopanga so Lahataꞌala.

Galatia 6:10

Tinangke bhe kasalawamiu, habu metaa ne kosasawindo mie, mangke-mangkemo ne bhahitie marasaeano ne Kristus.

2 Korintus 9:1

Pokaiꞌano bhe kaꞌondofao so umati marasaeano ⸤ we Yudea⸥ , ingka miinamo namaraluu abuhiangkoeꞌomua.

Ibrani 6:10

Lahataꞌala suano Lahataꞌala tapa umadhilinoa. Ingka pae naolimpuꞌaanea sabhaha kahadhaa bhe kanini kaasimiu ne Anoa nefotiwohamiu wakutuuno ondofaoꞌomu umati marasaeano endefiꞌini taꞌampamo aitu.

1 Korintus 16:15

Bhahitieꞌiku, tasehonda dua kamesaloku. Ingka pandeꞌaaneomu Stefanus bhe polambuno; andoamo mie kabhao-bhaono marasaeano we Akaya, dokahadhaa sampuu-mpuuno lalondo doꞌondofao umati marasaeano sigaoꞌano.

Galatia 2:10

Ampamo sehonda kamesalondo, taꞌumondofao mie mokae, maka daanumo aitumo nempuu-mpuuniku kaomponae ini.

1 Timotius 5:10

Weo dadino tabeano notiende-ende o hobhine humabu metaano, ibahano padamo nofekabhala metaada anaꞌino, nolalesa lalono nefotiampe mie ne lambuno, noꞌondofao umati marasaeano peda seemie kantudu-ntudu, netulumi mie mosabha, tangkanomo nokampuu-mpuu nohabu metaaꞌano.

1 Korintus 16:1

Aitu apugauꞌao foꞌonuꞌano dhoi so umati marasaeano ⸤ we Yerusalem⸥ ; naetaa angkafiomu atora nefohatoꞌaoku ne sabhaha tombudo umati we kadieno Galatia.

Roma 15:31

Sambahea kanauꞌomu sio-siomo Lahataꞌala namolapa kanau maiꞌao ne limando mie tapa marasaeano we Yudea. Sambahea kanauꞌomu dua sio-siomo sabhaha taka kaꞌondofaoku we Yerusalem datumahima metaaꞌe umati marasaeano ne watu.

Tula-tulando rasulu 16:15

Pada takadiu saranie bhe kosasawindo mie weo lambuno, nosaliꞌi kainsamimo ambano, “Ane fekihi kanauꞌomu idi ini aparasaeamo mpuu ne Yesus, mai butuomu se lambuku.” Nofosuhu kainsami sampe taangkafie kamesalono.

Tula-tulando rasulu 11:29

Dadiꞌanomo mie mangkafino Yesus dobhotusiemo daetawunao dhoi ampa so nepoo-poolindo seemie-seemiea maka damakatuandae bhahitie marasaeano we Yudea.

Markus 14:7

Ingka o mie mokae sadhia deate bhe hintimiu, ane moindaloomu sadhia naembali tumulumidaomua. Tamaka Idi ini pae aeate kansuhua bhe hintimiu.

Matius 25:40

Omputo anaꞌa natumobhoosi ambano, ‘Amohatokoomu, kotu-kotuꞌu sabhaha nehabumiu ne bhahitieku foliuno kandidiki ini, ingka nopototomo habueꞌomu ne Idi.’

Matius 12:50

Kapaꞌamo laꞌae mangkafino kapoindalono Amaku te surugaa, anoamo bhahitieku moꞌane, anoamo bhahitieku hobhine, anoamo dua inaku.”

Matius 10:42

Laꞌae fowaꞌaono oe kafohoꞌu mahingga nasekampohoꞌuꞌa kaowu so mie mepandano kaengkohaꞌa ini mbaꞌinomo mie aitu anaguhuku, kotu-kotuꞌu pae namiinaea ponambonoa.”