2 Korintus 8:23 - Muna Southern Dialect

²³ Titus ini ingka sabhangkaku pobhai kanau takahadhaa so hintimiu; pedamo dua bhahitie ⸤ hoduano⸥ mangkafie itu, ingka andoa katudundo umati, mie meowano kafosibhala so Kristus.

2 Korintus 8:23 Referans Kwoze

Filipi 2:25

Ampa aitu ponamisiku nofaraluu amosuliangkoomu bhahitientoomu Epafroditus. Anoa ini tudueꞌomu nomai noꞌondofao faraluuku. Padamo nopobhai kanau weo kahadhaaku, nembali dua tantara peda idi ini ⸤ so Bhihita Metaa⸥ .

Filemon 1:17

Dadiꞌanomo ane kona kanau pobhaiꞌamu weo kahadhaano Ompu, suli tahimae kanggetumo tahima idi.

2 Korintus 8:6

Kanandooꞌanomo taesalomo Titus namai we hintimiu namotoka kahadhaano kanini kaasi toka nefetompunaꞌino ne olotamiu itu.

3 Yohanes 1:8

Dadiꞌanomo intaodiomu tabeano nahumelasi lalontoomu damotiampe bhahitieꞌintoomu peda andoa itu. Nadamo aitu intaodiomu dealamo dua dawu weo foleleꞌano bhihitano kabanara.

Filemon 1:24

Salam nomaiꞌao dua ne Markus, Aristarkus, Demas bhe Lukas, andoa sanea sabhangkaꞌiku weo kahadhaano Ompu we ini.

1 Tesalonika 2:2

Ingka pandeꞌaaneomu dua miinaꞌo tamai te hintimiu, padamo dofodee-dee bhe dofompina-mpina kainsami we Filipi. Tamaka bhe katulumino Lahataꞌalantoomu, insaodi taokado taowaangkoomu Bhihita Metaa maiꞌaono ne Lahataꞌala, mahingga dobhahi mewangi kainsami.

Kolose 1:7

Bhahi-bhahiꞌae naꞌa ingka pandeꞌaanemoomu maiꞌao ne Epafras, bhahitie mani timoasiꞌaono, sabhangka mani weo kahadhaano Ompu. Anoa ini nokampuu-mpuu weo kaꞌondofao ne Kristus so hintimiu.

Filipi 4:3

Hintu dua, posabhangkaꞌaku mpuu, aesaloiko tulumida hobhine hoduano maitua. Kapaꞌamo andoa ini dokahadhaa mobhie bhe idi weo foleleꞌano Bhihita Metaa, pedamo dua Klemens bhe sabhangkaꞌiku sigaoꞌano kumahadhaano bhe idi. Neando andoa ini notibuhi weo Kitabindo Mie Dumadi.

2 Korintus 12:18

Ingka padamo atudu Titus bhe seemie bhahitie damai we hintimiu itu. Bhahaa Titus ini mealano laba ne hintimiu? Ingka kohodua mani takahadhaa tasepatudhu bhe tasekaangkaꞌa.

2 Korintus 8:19

Suano kaowu taꞌanaꞌa, tamaka mie aini padamo dua dopilie umati marasaeano so pobhai kainsami weo kala-kala mani ⸤ we Yerusalem⸥ . Kapaꞌamo takumala we naꞌa taewowoꞌo kawaꞌaono kanini kaasi ini, somo kakalabhiano Ompu, somo dua bukutiino kahelasino lalo mani.

2 Korintus 8:16

Notumpu lalo mani ne Lahataꞌala hampano Titus nowaꞌane kakampuu-mpuuno lalo noꞌondofao hintimiu, nopototo bhe insaodi.

2 Korintus 7:6

Tamaka Lahataꞌala melawesino mie mepandano diu, nolawesi kainsamimo noangka ne hatono Titus.

Lukas 5:10

Pedamo dua aitu Yakobus bhe Yohanes anaꞌino Zebedeus posabhangkaꞌaono Simon. Yesus nopugaumo ne Simon, “Koise moteꞌia, notanda aitu mepukamo manusia.”

Lukas 5:7

Dadiꞌanomo doalemo sabhangkando we bhangka seꞌonuno damai datumulumida. Andoa domai dopouleaꞌao kenta naꞌa sampe kohaaꞌonu bhangkaꞌae nomaꞌo nakumalobu.

Yohanes 13:16

Amohatokoomu, kotu-kotuꞌu seemie bhatua paise namoliu kafeompuꞌano tawa seemie katudu nalumalo tumudue.

1 Korintus 11:7

O moꞌane miina namaraluua naekantutu, hampano nofotiwohamo sifatino Lahataꞌala bhe neowa kakalabhiano Lahataꞌala. Tamaka o hobhine neowa kakalabhiano moꞌane.

2 Korintus 8:18

Nopoowa bhe anoa tatudu dua seemie bhahitie tipudhino ne sabhaha tombudo umati, hampano kahadhaano weo foleleꞌano Bhihita Metaa.

2 Korintus 8:22

Poowa bhe andoa ⸤ hoduano⸥ ini taetudu dua seemie bhahitientoomu, anoa ini nentuhumo taꞌudhie maka sadhia notiwohamo kakampuu-mpuuno nofotulumi. Aitu sedhuluꞌamo dua kakampuu-mpuuno lalono nafotulumi hampano kabhalano kaposahunaꞌaono ne hintimiu.

2 Timotius 4:10

Kapaꞌamo Demas nohunsa kanaumo, noasiꞌaomo dhunia ini, nokalamo we Tesalonika. Kreskes nokalamo dua we Galatia, bhe Titus we Dalmatia.

Titus 1:4

Titus, hintu anaku mpuu, kapaꞌamo intaodi saneamo marasaeano ne Kristus. Sio-siomo sadhia napobhaiangko kanini kaasi bhe katohopono dadi maiꞌao ne Lahataꞌala Amantoomu bhe Kristus Yesus Mosalamati kaita.