2 Korintus 8:21 - Muna Southern Dialect

²¹ Patudhu mani sadhia taehabu metaaꞌano, suano kaowu ne wiseno Lahataꞌala tamaka ne wisendo dua manusia.

2 Korintus 8:21 Referans Kwoze

Roma 12:17

Kadai koise bhoosiane kadai. Sabhaha habu metaaꞌano ne pomatando mie, habueꞌomu.

1 Petrus 2:12

Ehe mengkohamiu ne olotando mie tapa marasaeano ne Lahataꞌala tabeano naetaa sepaliꞌa, neanomo ane dakumonakoomu mie modai, ingka damohaꞌao wutondo sabhaha habu metaamiu. Dadiꞌanomo ne oleo kahatoꞌano Lahataꞌala andoa damekakalabhiaꞌe dua.

Filipi 4:8

Panda-pandano bhahitieꞌiku, fekihimiu fosingiꞌianeomu sabhaha giu metaa tipudhiꞌano, maꞌanano kumotuꞌuꞌano, mantasiꞌano, banaraꞌano, mongkiloꞌano, mokesaꞌano bhe metaaꞌano fetingkeꞌa.

1 Tesalonika 5:22

Fekakodoꞌo wutomiu ne sabhaha modaiꞌano.

2 Korintus 2:17

Kapaꞌamo insaodi ini miina tapototo bhe mie bhahino meꞌondofino laba ne bhoasaono Lahataꞌala. Patudhu mani nohelasi, weo kaseꞌise mani bhe Kristus tapugau ne wiseno Lahataꞌala peda mie nefotakano wutono Lahataꞌala.

Roma 14:18

Mie meompuno ne Kristus peda amaitu, anoamo itu mekaꞌiano lalono Lahataꞌala bhe nefosibhalando mie bhaino.

1 Timotius 5:14

Dadiꞌanomo gaoku bhihinanda kahangku dadi dagumaa toha, dakoana maka daꞌumatoro polambudo, neanomo kaewantoomu pae datolalaa damekabuhu neantoomu.

Matius 6:4

Sadhakaamu koemo dopandeꞌaanea bhaindo, maka Amamu mohano tifebuniꞌano nabholosiangkoe.”

Matius 5:16

Pedamo aitu dua tilangamiu tabeano naentalea ne wisendo mie bhaimiu, dowohaꞌao podiumiu metaaꞌano so damudhiꞌao Amamiu te surugaa.”

Matius 23:5

Kosasawiꞌae kahadhaa nehabundo patudhundo so kaowu daoha mie bhaindo. Kawawe kasambaheaꞌando dofekawahe-waheꞌie, dhambe-dhambeno dhubando dofekawanta-wantaꞌie.

Matius 6:1

“Tandaiꞌeomu, koise angkafiomu tubhono agamamiu mefewohaomu kaowu ne mie bhahi. Ane peda naꞌa Amamu te surugaa pae namaꞌangkoomu ponambo.

2 Korintus 8:20

Gao mani pae bhe so moꞌala kainsami weo dhalangiꞌano taka mani ini hampano hasilino nobhahi sepaliꞌa.

2 Korintus 8:22

Poowa bhe andoa ⸤ hoduano⸥ ini taetudu dua seemie bhahitientoomu, anoa ini nentuhumo taꞌudhie maka sadhia notiwohamo kakampuu-mpuuno nofotulumi. Aitu sedhuluꞌamo dua kakampuu-mpuuno lalono nafotulumi hampano kabhalano kaposahunaꞌaono ne hintimiu.

1 Timotius 3:7

Anoa tabeano netaa dua neano we simbalindo umati weo poliwu, keana dofoꞌalae mie bhaino sampe nakumona ne tando kataꞌono Kafeompuꞌando seetani.