2 Korintus 6:5 - Muna Southern Dialect

⁵ dopepeki kainsami, dotohongku kainsami, dolibu kainsami, takahadhaa moꞌosa, nentela taekamboto, nentela dua nokae oti mani;

2 Korintus 6:5 Referans Kwoze

2 Korintus 11:27

Nobhahimo akahadhaa moꞌosa bhe atampu-tampu bukuku; nentela aekamboto, aoꞌaho bhe nokekele wuꞌuku; nentela miina aomaa miina aohoꞌua, aetahangi kahindi bhe kakaeno pakea.

Tula-tulando rasulu 17:5

Tamaka miendo Yahudi nokoula lalondo. Desaliꞌimo mie modai lumampuno we daoa maka dosikoo-koo dehabu kahunggano liwu. Andoa dobuuti lambuno Yason, patudhundo dahumako Paulus bhe Silas maka dapowiseanda bhe mie bhahi.

Powoha 2:10

Koise moteꞌia ne kakadee-dee so neꞌawamiu! Tandaiꞌe, Kafeompuꞌando seetani naꞌumohofi seemie hodua ne olotamiu itu weo katohongku patudhuno nasumobakoomu, maka meꞌawaomu kasabha naompuluꞌa. Fintahakieꞌomu mpuu kaparasaeamiu mahingga mewisekiomu mate, maka amaꞌangkoomu dadi suhue dhamani mbali kawaꞌaondo fotalono.

Ibrani 13:23

Naetaa mandeꞌaaneomu bhahitientoomu Timotius dofolimbaemo maiꞌao we katohongku. Ane napikihato se ini, awowoꞌoe amai we hintimiu itu.

Ibrani 13:17

Meangkaomu ne meangkamiu bhe tuhuomu ne andoa, kapaꞌamo andoa dhumaganino alusumiu maka dapowiseꞌao takando naꞌa ne Lahataꞌala. Meangkaomu, neanomo dakumahadhaa weo kawulano lalo, keana bhe fedeea, hampano fedeendo pae nakofahalaa so hintimiu.

Ibrani 11:36

Nandoo dua doele-eleda, dohambisianda habuta, dokatapuanda hante maka dofopesuada weo katohongku.

2 Timotius 4:5

Tamaka hintu, fotoho lalomu o ae maka dua newisekimu, kosabaha potaamiꞌao kakadee-dee, dhalangie kansuhu takamu mefolele Bhihita Metaa, mpuu-mpuunie taka kaꞌondofao netahimamu.

2 Timotius 2:9

Kakadee-deeꞌaku ini ingka mbaꞌinomo foleleꞌano Bhihita Metaa, bhahamoa sampe dogogantu kanau hante peda mie modai. Gahaꞌaitu bhoasaono Lahataꞌala miina natitaangia.

2 Timotius 1:8

Dadiꞌanomo koise moambano membali sakusiino Ompuntoomu, koe dua moambanoꞌao idi titohongkuno mbaꞌinomo Anoa Ompuntoomu. Tamaka bhe kapoolino Lahataꞌala, angkafi kanau kadee-deeꞌao Bhihita Metaa.

1 Timotius 4:10

Kanandooꞌanomo intaodiomu ini doꞌulei lalontoomu dokahadhaa moꞌosa hampano doposahunaꞌao ne Lahataꞌala dumadino. Anoa mosalamatino kosasawindo manusia, mangke-mangkemo mie marasaeano ⸤ ne Kristus⸥ .

1 Tesalonika 2:9

Bhahitieꞌi, tetewei nandoo dua feꞌulaiꞌeomu kaꞌosano taꞌulei bhe tafekawule-wule. Mentae mohondo takahadhaa taeꞌondofi kadadiꞌa mani keana taembali wowoꞌomiu, poowa taefoleleangkoomu Bhihita Metaa maiꞌaono ne Lahataꞌala.

Filipi 1:13

Mbaꞌinomo kadhadhia aitu, nentaleamo ne kosasawindo dhagano kamali bhe mie sigaoꞌano weo kota ini putae idi ini dotohongku kanau hampano afeompu ne Kristus.

Efesus 3:1

Kanandooꞌanomo idi, Paulus asambaheaꞌangkoomu. Idi ini atitohongku hampano afeompu ne Kristus Yesus bhe aꞌondofao hintimiu mie suano Yahudi.

1 Korintus 15:10

Tamaka hampano rahamatino Lahataꞌala idi ini ingka pedamo aini, maka rahamatino ne idi miina nasumia-siaꞌa. Idi padamo akahadhaa mobhie afoliuda kosasawindo rasulu, ampamo kaowu suano kaꞌosano wutoku tamaka rahamatino Lahataꞌala pobhai kanau.

1 Korintus 7:5

Koise pokodoꞌotiomua, simbali padamo mafakaaneomu pogaatiomu sebantaha so meꞌawaomu kasalawa sumambaheaꞌomu. Tamaka mada aitu suli pohompuomu keana nopoolikoomu kawudhuno Kafeompuꞌando seetani, kapaꞌamo bheanea pae moolieꞌomua mewanaki nafusuumiu.

1 Korintus 4:11

Taꞌampamo aitu taoꞌaho bhe nokekele wuꞌu mani, pakea mani tanokobhini-bhinimo, dotofali kainsami bhe tatalilimo miina takolambua.

Tula-tulando rasulu 28:30

Paulus neate ne lambu kasewaꞌano haa taꞌu kaomponanoa. Sabhaha mie humatoe notahimada ne itu.

Tula-tulando rasulu 26:29

Ambano Paulus, “Asumambahea ne Lahataꞌala, nasebantaha bhahaꞌi naompona, suano kaowu taꞌo hintu tamaka kosasawindo mie humatono metingkeno tula-tulaku ini, daembali miendo sarani nada idi ini. Tantumo miina natilentua hante katapuku inia.”

Tula-tulando rasulu 26:10

Anaꞌaemo nehabuku we Yerusalem. Aeꞌawa kaowu kuasa maiꞌaono ne meangkaꞌindo imamu, dobhahi umati mongkilono nefopesuaku weo katohongku. Suano kaowu taꞌo anaꞌa, bhahamoa aangkafi dua ane dobhotusie dopongkoda.

Tula-tulando rasulu 24:27

Tamaka nopalusi haa taꞌu, gubernur Feliks nobhoosiemo Perkius Festus. Tamaka mbaꞌinomo Feliks namala-ala lalondo miendo Yahudi, Paulus sadaa-daaꞌe notaangie weo katohongku.

Tula-tulando rasulu 23:35

nopugaumo ambano, “Netaamo. Dahumato kaowu mobhieangko itu, abhitahakikomo.” Maka notududa datumaangi Paulus we kamalino Herodes.

Tula-tulando rasulu 23:10

Nodhulu kaꞌosa kapowengkendo sampe panglima noteꞌimo bhahasaa dogogawi Paulus. Dadiꞌanomo netudumo tantara dasumampu daꞌumuleiꞌe maka dasumuliane te bente.

Tula-tulando rasulu 20:31

Dadiꞌanomo kodhagaomu! Tandaiꞌeomu tolu taꞌumo kaomponanoa, ole-oleono, koho-kohondoꞌano miina ameontoa atangahikoomu seemie-seemie, nopotuhu bhe luuku.

Tula-tulando rasulu 14:23

Ne amai tombudo umati neangkaindo, Paulus bhe Barnabas desangkeanda seemie hodua kamungkula so neangkando. Poangka dosambahea bhe dopoasa, kamungkulaꞌi andoa ini dofopulidamo ne Ompu neparasaeandomo.

Tula-tulando rasulu 14:19

Tamaka domaimo seemie hodua kamungkulaꞌindo Yahudi maiꞌaono te kotano Antiokia bhe Ikonium dowudhu mie bhahi datumai ne andoa. Paulus dobhatumbuliane kontu maka dobulue we simbalino kota, kunaꞌendomo nomatemo.

Tula-tulando rasulu 13:3

Palusi dopoasa bhe dosambaheaꞌanda doteimo limando te wawondo maka dopugauanda dakumalamo.

Tula-tulando rasulu 5:18

Rasulu dohakoda maka dofopesuada weo katohongkundo mie ndidiki.

Matius 14:10

Netudumo mie dotompe wuꞌuno Yohanes we katohongku.

Matius 14:3

Kapaꞌamo Herodes padamo nofotudu dohako Yohanes, dokatapue maka dotohongkue. Katitohongkuꞌano mbaꞌinomo parakarano Herodias, mieno lambuno Filipus, nealano Herodes. Gahaꞌaitumo Filipus ini dosibhahitie bhe Herodes.

Matius 9:15

Notobhoosi Yesus ambano, “Naembali bhahaa sabhangkaꞌino loꞌia buꞌou daguguhu tangasano nopobhaianda loꞌia buꞌou? Tantumo paise. Tamaka nahumato tempono, loꞌia buꞌou dawowoꞌoemo. Ne naꞌa kaneꞌomo damoasa.