2 Korintus 6:4 - Muna Southern Dialect

⁴ Bhahamoa ne ae maka dua nehabu mani tafotiwoha wuto mani putae insaodi ini palima-limano Lahataꞌala: takosabaha tapotaamiꞌao sabhaha kakadee-dee, kaseke bhe kasabha,

2 Korintus 6:4 Referans Kwoze

2 Korintus 12:10

Kanandooꞌanomo aoꞌiaꞌanemo dua kanaleku ini. Aoꞌiamo dua ane mbaꞌinomo afeompu ne Kristus doꞌumbu kanau, aeꞌawa sabhaha kasabha bhe kaseke bhe dofodee-dee kanau. Kapaꞌamo weo kanaleku ini, kaoꞌosaꞌakumo dua.

2 Korintus 4:8

Ne amai maka dua sadhia dodandami kainsami tamaka miina tatiꞌontiꞌia, nomate akala mani tamaka miina naobhotua posahunaꞌao mani.

2 Korintus 11:27

Nobhahimo akahadhaa moꞌosa bhe atampu-tampu bukuku; nentela aekamboto, aoꞌaho bhe nokekele wuꞌuku; nentela miina aomaa miina aohoꞌua, aetahangi kahindi bhe kakaeno pakea.

2 Korintus 12:12

Wakutuuno aeate bhe hintimiu, ingka padamo afotiwohaangkoeꞌomu bukutii putae idi ini seemie rasulu. Kapaꞌamo akosabaha mpuu aehabu tanda-tanda tapa mentela, giu timenteꞌaono bhe kuasa mangaliuno.

2 Korintus 3:6

Ingka Anoamo maꞌa kainsami kapooli taembali mie umondofaono Podhandiꞌa Buꞌou. Podhandiꞌa aini miina naengkoha ne tubho tibuhino, tamaka nengkoha ne Rohino Lahataꞌala, kapaꞌamo tubho tibuhino neowa mate, tamaka Rohino Lahataꞌala neowa dadi.

1 Korintus 3:5

Kaowu laꞌae bhahaa Apolos maitu? Laꞌae bhahaa Paulus maitu? Andoamo itu ingka sanea palima-limano Ompu matokoomu ne kaparasaea ne Kristus. Seemie-seemie nedhalangi kaowu taka peda newaꞌaono Ompu.

Powoha 3:10

Hampano angkafiomu pahintaku so kosabahaꞌaoꞌomu potaamiomu weo kasabha, maka Idi apobenteangkoomu nahumato tempono kasabha so kumangkanaino kosedhuniaꞌae ini. Ne tempo anaꞌa kosasawindo meateno we dhunia ini daꞌumudhida.

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

1 Korintus 4:1

Naetaa dakumona kainsami palima-limano Kristus, mie neposahunaꞌao taefebhihitaiꞌao sabhaha rahasiano Lahataꞌala.

Ibrani 12:1

Intaodiomu ini dofowaliligi sakusii bhahino naꞌa, tapedamo o olu dofokaputi. Dadiꞌanomo ⸤ kanggetu meangkafino pogolo-goloꞌa⸥ hunsa kaitaeꞌomu toha sabhaha fofekabhieno bhe foꞌonto-ontomino bhe dhosa mansopikano. Tende kaitaomu kansuhu, potaami kaitaomu weo pogolo-goloꞌa newisekintoomu ini.

2 Timotius 4:5

Tamaka hintu, fotoho lalomu o ae maka dua newisekimu, kosabaha potaamiꞌao kakadee-dee, dhalangie kansuhu takamu mefolele Bhihita Metaa, mpuu-mpuunie taka kaꞌondofao netahimamu.

2 Timotius 2:24

Seemie palima-limano Ompu miina namantasia nopogiha, tamaka tabeano nomalu lalono ne sabhaha mie. Anoa tabeano nopande nofofoinaꞌu bhe nokosabaha.

2 Timotius 1:8

Dadiꞌanomo koise moambano membali sakusiino Ompuntoomu, koe dua moambanoꞌao idi titohongkuno mbaꞌinomo Anoa Ompuntoomu. Tamaka bhe kapoolino Lahataꞌala, angkafi kanau kadee-deeꞌao Bhihita Metaa.

1 Timotius 6:11

Tamaka hintu manusia fehebuaꞌano Lahataꞌala, fekakodoꞌo wutomu ne kosasawiꞌae naꞌa. Ambae dadi banara, dadi lumebe, kampuu-mpuu weo kaparasaeamu, moasianda mie bhaimu, kosabaha potaami weo kasabha, fekamalu lalomu.

1 Timotius 4:6

Ane kosasawiꞌae ini sadhia meꞌulaiandae bhahitieꞌintoomu, hintu membalimo seemie palima-limano Kristus Yesus kumahadhaa metaano, poowa mekanowu totono lalomu, hampano hewutiane bhoasaono Lahataꞌala neparasaeantoomu bhe kafoinaꞌu kumotuꞌuꞌano toka neangkafimu kaomponae ini.

1 Timotius 2:15

Tamaka mahinggamo nada naꞌa, o hobhine damosalamatie nakoana, sumanomo nokampuu-mpuu lalono weo kaparasaeano ne Kristus, noasiꞌao manusia bhaino, nodadi mongkilo, tangkanomo dadino sapantasiꞌano.

1 Tesalonika 5:14

Taesalo dua, bhahitieꞌi, mefeꞌulaiandaomu mie mantawa. Fekatangkaomu lalondo mansoteꞌino. Tulumidaomu mefaraluuno katulumi. Sabahaomu ne sabhaha mie.

1 Tesalonika 3:7

Dadiꞌanomo, bhahitieꞌi, weo sabhaha kaseke bhe kasabha mani, notilawesi dua lalo mani hampano hintimiu bhe kaparasaeamiu.

Kolose 1:24

Aitu nowula laloku akadee-dee so hintimiu. Kapaꞌamo weo kakadee-deeno mbadhaku ini, ingka afopansuhu kakadee-dee nenamisino Kristus mbali mbadhano, maꞌanano umati marasaeano.

Kolose 1:11

Sio-siomo kuasano kumalabhiano Lahataꞌala namekamatangkakoomu, so kosabahaꞌaoꞌomu bhe natumuhu lalomiu potaamiꞌaoꞌomu sabhaha netompaloimiu.

2 Korintus 11:23

Bhahaa andoa maitu palima-limano Kristus? Aini apugau ngkabheemo, ingka idi ini afoliuda. Idi akahadhaa moꞌosa afoliuda andoa naꞌa, kantuhuno apesua katohongku afoliuda, kantelano dosikisaa kanau afoliuda, bhahamoa nentelamo dua aewiseki mate.

2 Korintus 11:9

Wakutuuno aeate bhe hintimiu maka aokae, ingka miina amekabhie hintimiu maumo naseemie, tamaka doomputi kanau bhahitieꞌi humatono maiꞌao ne Makedonia ini. Sadhia adhagani wutoku keana afekasabhakoomu, patudhuku nada ini kansuhu, pae aembali wowoꞌomiu.

2 Korintus 7:11

Ondoomu itu, neowaangkoomu ae bhahaa kakompeahano lalo poangkafiꞌano bhe kapoindalono Lahataꞌala? Ingka kakampuu-mpuuno lalo, nembalimo dua potunduꞌao wutomiu, mohakuemoomu o dhosa, moteꞌimoomu ne Lahataꞌala, nokambamo lalomiu moha kanauꞌomu, nokaꞌende-endemo totono lalomiu, undamoomu mebhotusiomu kokaꞌalano. Ne kosasawiꞌae ini ingka fotiwohaemoomu miina kokaꞌalaomu.

2 Korintus 4:17

Kapaꞌamo kasabha mosape sebantahano ini, naeowa kainsami kakalabhia suhue dhamani pata tikiha-kihano, sabhaha kasabha mani ini paemo bhe maꞌa-maꞌananoa.

2 Korintus 4:2

Ampamo kaowu insaodi takiidoe sabhaha habu tifebuni timoambanoꞌaono, miina takoꞌakala bhe miina tabhansu-bhansule bhoasaono Lahataꞌala, tamaka taefebhihitaiꞌao kabanara mentalea-mentalea. Taehabu peda anaꞌa ne wiseno Lahataꞌala neanomo sabhaha mie daꞌumondo metaa kainsami namaiꞌao weo totono lalondo.

1 Korintus 9:11

Ingka padamo taeꞌewiangkoomu wine metaa weo dadimiu, nomaiꞌao ne Rohino Lahataꞌala. Bhahaa nopontalabhi-labhimo ane taeꞌawa seendai so kadadiꞌa mani te dhunia ini maiꞌao ne pehapimiu?

Roma 16:10

Salam so Apeles, anoa padamo doꞌudhie maka nokobukutiimo kamatangkano kaparasaeano ne Kristus. Salam dua so mie weo polambuno Aristobulus.

Roma 14:18

Mie meompuno ne Kristus peda amaitu, anoamo itu mekaꞌiano lalono Lahataꞌala bhe nefosibhalando mie bhaino.

Roma 5:8

Tamaka Lahataꞌala nofotiwohamo kanini kaasino ne intaodiomu peda aini: Kristus nomate so intaodiomu wakutuuno nandoo dokodhosaomu.

Tula-tulando rasulu 20:34

Ingka pandeꞌaaneomu dua o limakumo ini kumahadhaano mbali kadadiꞌaku wutoku bhe kadadiꞌando sabhangkaꞌiku pobhai kanau.

Tula-tulando rasulu 9:16

Idi amotiwohaane kabhahino kakadee-dee so nenamisino mbaꞌinomo neaku.”

Tula-tulando rasulu 2:22

Miendo Israel, fetingkeeꞌomu pugauku ini. Nepulaoꞌaoku naꞌa Yesus miendo Nasaret, seemie nesangkeno Lahataꞌala. Nosangkee Lahataꞌala ini notiwoha ne kuasa, giu timenteꞌaono bhe tanda tapa mentela nehabuno Lahataꞌala ne wunta-wuntamiu noangka ne limano Yesus ini. Kosasawiꞌae ini ingka pandeꞌaanemoomu.

Lukas 21:19

Ane potaamiomu, sumalamatiomu bhe meꞌawaomu dadi sakotuꞌuno.”

2 Korintus 2:17

Kapaꞌamo insaodi ini miina tapototo bhe mie bhahino meꞌondofino laba ne bhoasaono Lahataꞌala. Patudhu mani nohelasi, weo kaseꞌise mani bhe Kristus tapugau ne wiseno Lahataꞌala peda mie nefotakano wutono Lahataꞌala.

Yohanes 16:33

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

Roma 3:5

Tamaka ane kaꞌadhilino Lahataꞌala sedhuluꞌa kantaleano hampano habu modaintoomu, kaowu damugauꞌomu nada amai bhahaa? (Pugauku ini aangkafi kaowu fekihindo manusia.) Bhahaa damugau putae Lahataꞌala miina naꞌumadhilia ane namondawu kaita kahukumuno?