2 Korintus 6:3 - Muna Southern Dialect

³ ⸤ Weo dhalangiꞌano taka mani⸥ takiido taehabu tingku so katifoꞌalaꞌa mani ne laꞌae maka dua, neanomo taka kaꞌondofao mani ini paise natisambili modaia.

2 Korintus 6:3 Referans Kwoze

Roma 14:13

Dadiꞌanomo koemo dopofoꞌa-foꞌalaomu! Tamaka fekaꞌonu lalomiu koise mehabuomu so katitunoꞌa tawa so kaondawuꞌando bhahitieꞌimiu weo dhosa.

1 Korintus 9:12

Ane mie sigaoꞌano dokohaku daetahima dawundo maiꞌao ne hintimiu, ingka kunaꞌekumo nofoliu dua kakohaku mania. Ampamo kaowu haku aitu miina tamakeea. Insaodi nandoo tapoindalo tasabahaki sabhaha kasabha, sumanomo koe taꞌontomi foleleꞌano Bhihita Metaano Kristus.

Matius 17:27

Tamaka koemo dofekalea lalondo. Dadiꞌanomo kala mekabua kaita we teꞌi. Kenta kabhao-bhaono so nepoolimu, hakoe maka weo wobhano mewoha dhoi pera nakumapomo so sewanto dahodua. Ala dhoi aitu maka tanduao kaita sewano Lambuno Lahataꞌala ne andoa maitu.”

1 Korintus 9:22

Bhe mie monaleno kaparasaea, adadi dua peda mie monaleno kaparasaea, neanomo amoolida amowada ne Kristus. Tangkanomo, bhe sabhaha mie aangkafi sabhaha kodadindo, bhahaꞌi kaowu nada amai maka dua dhalano seemie hodua amoolida amowada ne Kristus.

2 Korintus 8:20

Gao mani pae bhe so moꞌala kainsami weo dhalangiꞌano taka mani ini hampano hasilino nobhahi sepaliꞌa.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

Matius 18:6

“Tamaka laꞌae mehabuno tingkuno dhosa so mie mepandano kaengkohaꞌa peda anaꞌi aini, sampe miinamo namarasaea ne Idi, naetaa dakumantaiane kagili kontu ne wuꞌuno maka damotondue weo ndalo.

Tula-tulando rasulu 19:27

Dadiꞌanomo kagiuntoomu ini newisekimo balaa bhe natisambili modai, pakade suano kaowu anaꞌa tamaka lambu katisombaiꞌano dewa Artemis paemo nakomaꞌanaa. Pada dua anaꞌa wutono dewa Artemis nesombaintoomu miendo Asia bhe nesombaindo kosedhuniaꞌae ini namiinaemo kakalabhiano!”