2 Korintus 6:16 - Muna Southern Dialect

¹⁶ O ae bhahaa pokaiꞌano Lambuno Lahataꞌala bhe lambuno barahala? Ingka intaodiomu ini Lambuno Lahataꞌala dumadino, kapaꞌamo Lahataꞌala nokobhoasao, “Aeate bhe andoa, adumadi ne wunta-wuntando; o Idi aembali Lahataꞌalando, andoa daembali umatiku.”

2 Korintus 6:16 Referans Kwoze

Powoha 21:3

Pada aitu afetingkemo suaha mohaaꞌi nomaiꞌao ne kaengkohaꞌano omputo ambano “Ondo kaitaomu! Aitu tenda kaeateꞌano Lahataꞌala nohatomo ne wunta-wuntando manusia, Anoa naeate napobhaianda. Manusia daembali umatino Lahataꞌala, wutono Lahataꞌala napobhaianda somo Lahataꞌalando.

Ibrani 8:10

Tamaka ainiꞌaemo podhandiꞌa so nehabuku bhe miendo Israel we oleo mbuhumai, bhoasaono Ompu: pahintaku atumeiꞌe weo fekihindo, tubhoku abuhie weo totono lalondo. Idi somo Lahataꞌalando, andoa somo umatiku.

1 Korintus 6:19

Bhahaa miina mandeꞌaaneomua mbadhamiu itu lambu mongkilo kaeateꞌano Rohino Lahataꞌala? Rohino Lahataꞌala ini neate weo totono lalomiu bhe nowaꞌangkoeꞌomu wutono Lahataꞌala. Dadiꞌanomo hintimiu itu suanomo fehebuaꞌamiu wutomiu.

Roma 8:11

Ane Rohino Lahataꞌala madano mowanuno Yesus maiꞌao ne mate neate weo totono lalomiu, maka Anoa mowanuno Kristus Yesus maiꞌao ne mate naꞌa, teteweimo dua namodadi mbadha kasaramiu itu, namangka ne Rohino meateno weo totono lalomiu.

Powoha 21:7

Sasuka fotalono natumahima kosasawiꞌae ini. Idi aembali Lahataꞌalano, anoa somo anaku.

1 Yohanes 4:15

Mie umakuino putae Yesus Anano Lahataꞌala, ingka Lahataꞌala noseꞌise bhe anoa bhe anoa noseꞌisemo bhe Lahataꞌala.

Efesus 3:17

Sio-siomo hampano kaparasaeamiu, Kristus naeate kansuhu weo totono lalomiu, maka dadimiu naengkoha bhe nakopahaka weo kanini kaasi.

Yohanes 6:56

Sasuka momaano dhagiku bhe mohoꞌuno heaku noseꞌisemo bhe Idi, o Idi aseꞌisemo dua bhe anoa.

Ibrani 3:6

Tamaka Kristus notuhu lalono peda Anano Lahataꞌala mandeꞌaono polambuno Amano. Polambuno Lahataꞌala ingka intaodiomu ini, sumanomo sadaa-daa pae dakamihi-mihia bhe damintahaki mpuu kaposahunaꞌao bhe so neꞌawantoomu, kaowoseꞌanomo bhakentoomu.

1 Petrus 2:5

Hintimiu tapedamo dua kontu dumadino, dadiꞌanomo undaomu namakekoomu Lahataꞌala so namoeheꞌao lambu so katisombaiꞌano. Ane nada naꞌa, ingka membalimoomu imamu mongkilono mefoampeno kapopanga posahataano bhe lalono Lahataꞌala noangka ne Yesus Kristus.

2 Timotius 1:14

Dhaganie kafoinaꞌu neposahunaꞌaono ne hintu tapedamo arataa mokesa, bhe katulumino Rohino Lahataꞌala dumadino weo totono lalontoomu.

1 Yohanes 4:12

Miinaꞌo bhe mohano Lahataꞌala, tamaka ane dapomoa-moasiꞌao, Lahataꞌala naseꞌise bhe intaodiomu maka kanini kaasino nasumangka weo totono lalontoomu.

Roma 9:26

Ane endefiꞌini mieno seꞌonu liwu dofohatoda, ‘Hintimiu itu suano umatiku’, mada kaowu mie andoa maitu dakumonada anaꞌino Lahataꞌala dumadino.”

Roma 8:9

Tamaka hintimiu ingka miinamo dumadiomu angkafi kapoindalono mbadha, dadiomu angkafiomu kaatono Rohino Lahataꞌala, ane kotu-kotuꞌu Rohino Lahataꞌala neate weo totono lalomiu. Mie tapa tumahimano Rohino Kristus, ingka suano fehebuaꞌano Kristus.

Efesus 2:20

Hintimiu tapedamo lambu bhalano, nefoeheno Lahataꞌala te wawono kontu sandi. Sandi anaꞌa padamo dofongkohae rasuluꞌi bhe ana-anabii. Sandi foliuno kabhala ingka wutono Kristus.

Matius 6:24

Miina bhe bhatua dohodua kafeompuꞌano. Ane nada naꞌa tetewei seemiea nabansie, seemie namasiane, tawa nokampuu-mpuu lalono ne seemieno maka seemieno miina nakumonaꞌi miea. Hintimiu pae naembalia meompuomu ne Lahataꞌala bhe ne kahangkaeano dhunia.”

Powoha 2:1

“Buhie so malaꞌekatino umati we Efesus: pedamo aini kaowili maiꞌao ne Anoa meintahano kulipopo fitu uluno ne suanano bhe mekala-kalano ne wunta-wuntando kaengkohaꞌano kantalea bulawa fitu peleno.

Matius 16:16

Notobhoosimo Simon Petrus ambano, “Hintumo Mesias, Omputo Fosalamatino, Anano Lahataꞌala dumadino ⸤ suhue dhamani⸥ .”

Yohanes 14:23

Notobhoosimo Yesus ambano, “Ane seemie noasi kanau, namangkafi wambaku. Amaku naoasiane maka Insaodi tamai taeate bhe anoa.

1 Korintus 10:21

Hintimiu paise naembalia mohoꞌuomu ne kampohoꞌuꞌano Ompu poangka mohoꞌuomu dua ne kampohoꞌuꞌando sabhaha rohi modai. Pedamo dua anaꞌa paise naembalia momaaꞌomu ne medhano Ompu bhe ne medhano sabhaha rohi modai.

Efesus 2:22

Hampano kaseꞌisemiu bhe Kristus, maka hintimiu dua tangasano dopotudu-tudumiangkoomu bhe mie bhaimiu membaliomu seꞌonu lambu so Lahataꞌala, somo kaeateꞌano Rohino.

1 Timotius 3:15

Tamaka ane pae apikihatoko, ingka pandeꞌaanemo nada amai tabeano dadindo mie weo polambuno Lahataꞌala, aituꞌaemo umatino Lahataꞌala dumadino. Intaodiomu umati marasaeano ini tapedamo sandi bhe kampana mekatangkanomo seꞌonu lambu, hampano dofintahaki bhe dodambaꞌao kafoinaꞌuno kabanara.

Yakobus 4:5

Koise fekihiomu miina nakotingkua wambano Kitabi aini, “O rohi neteino Lahataꞌala weo totono lalontoomu gaono mpuu so fehebuaꞌano.”

Lukas 5:36

Yesus nofohatoanda dua kapalenda ambano, “Miina nandumandooa mie mebhensino sebhini kai maiꞌao ne bhadhu buꞌou maka natumabhae ne bhadhu nggasi. Kapaꞌamo ane nada anaꞌa bhadhu buꞌou naꞌa natibhensimo dua pakade kabhini buꞌou naꞌa pae nakumanaa ne bhadhu nggasi naꞌa.