2 Korintus 5:2 - Muna Southern Dialect

² Nandoo deateomu weo kadempo ini, sadhia dofedee hampano nokambamo lalonto daetahima kaeateꞌa buꞌou maiꞌao te surugaa ⸤ maꞌanano mbadha nsurugaa⸥ , kao-kaomo daefokana pakea buꞌou.

2 Korintus 5:2 Referans Kwoze

Roma 8:23

Suano kaowu taꞌalamu bhalano, intaodiomu dua ini dombaꞌuhu weo totono lalontoomu. Ingka padamo dotahimaomu Rohino Lahataꞌala. Rohimo aini kawaꞌao kabhao-bhaono maiꞌao ne Lahataꞌala, tamaka nandoo dua dofenta-fentaa Lahataꞌala nasumangke kaita daembali anaꞌino bhe namobebasi mbadhantoomu.

Filipi 1:23

Kohaahondaꞌae ini dopohela kanau: gaoku ahumunsa dhunia ini maka aeate bhe Kristus, kapaꞌamo anaꞌa foliuno kataa.

Roma 7:24

Kadaino maka kolauku idi ini! Laꞌae bhahaa so mosalamati kanau maiꞌao ne mbadha meowano mate ini?

1 Korintus 15:51

Kotu-kotuꞌu amohatoangkoomu seꞌise rahasia: intaodiomu ini paise damisimate-mateꞌa, tamaka kosasawintoomu dafobhalii.