2 Korintus 5:19 - Muna Southern Dialect

¹⁹ Noangka ne Kristus Lahataꞌala nopometaaꞌao dhunia bhe Wutono, miinamo naelentu sabhaha kaꞌalando manusia. Insaodimo nefotakano tamolele bhihitano kapometaaꞌa ini.

2 Korintus 5:19 Referans Kwoze

1 Yohanes 4:10

Suano intaodiomu maꞌinduluno moasiꞌaono Lahataꞌala, tamaka Anoa fomoasiꞌaono sampe notudu Anano nembali kapopanga pometaaꞌaono manusia bhe Lahataꞌala, mosalinomo dhosantoomu. Ainiꞌaemo kanini kaasi sakotuꞌuno.

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.

Kolose 2:9

Kapaꞌamo bhahi-bhahiꞌae sifatino Lahataꞌala nosangkamo ne wutono Kristus, neate ne mbadha kamanusiano.

Yohanes 17:23

Idi aseꞌise bhe andoa, Hintu seꞌise bhe Idi, neanomo nasumangka mpuu kaseꞌisendo. Ane nada naꞌa dhunia damandeꞌaane Hintumo tumudu kanau, Hintumo moasianda peda kaasimu ne Idi.

Matius 1:23

“Kotu-kotuꞌu, seemie kalambe tapaꞌo popandeꞌaono bhe moꞌane nafowoowa maka nakoanaꞌao moꞌane. Anaꞌi aitu dakumonae Imanuel.” (Maꞌanano Imanuel, Lahataꞌala nopobhai kaitaomu).

Yohanes 14:20

Ne oleo anaꞌa mandeꞌaaneomu Idi aseꞌise bhe Amaku, hintimiu seꞌiseomu bhe Idi, Idi aseꞌise bhe hintimiu.

Roma 11:15

Kapaꞌamo sanginomo nokukundoda Lahataꞌala neowamo pometaano Lahataꞌala bhe dhunia ini, mangke-mangkemo ane natumahimada Lahataꞌala. Ingka tanapototomo bhe mie mate suli dodadi!

1 Korintus 13:5

O kanini kaasi miina naehabu tapa mantasiꞌano bhe miina naeꞌondofi kafaraluuno wutono; o kanini kaasi miina namansolumbua bhe miina naefeꞌu-feꞌulai kaꞌalando mie bhaindo.