2 Korintus 5:13 - Muna Southern Dialect

¹³ Ane wohaꞌa mani taobheemo ingka hampano kaꞌondofao ne Lahataꞌala; ane wohaꞌano taototo ingka hampano so kaetaaꞌamiu.

2 Korintus 5:13 Referans Kwoze

2 Korintus 12:11

Daanumo aembalimo bhohe, tamaka hampano sekehemi kanauꞌomu hintimiu. Sakotuꞌuꞌano tabeano mudhi kanauꞌomu, hampano mahingga miina akomaꞌa-maꞌana, miina dua amepandaa ne rasuluꞌi mangaliuno naꞌa.

2 Korintus 12:6

Kapaꞌamo ane ibahano asumangke-sangke wutoku, ingka idi ini suano mie kabhohe-bhohe, hampano sabhaha nekowambaꞌaoku nokotuꞌu. Tamaka hunsaꞌanomo koemo apugaua, keana bhe mabhi kanau aliuꞌemo kahadhaaku newohando tawa pugauku nefetingkendo.

2 Korintus 11:1

Gaoku mpuu sumabahaki kanauꞌomu ane feadho apugau ngkabhohe-bhohe; ingka kaomponano ini daanumo kosabahaomu ne idia.

Roma 12:3

Hampano kadawu neꞌawaku ne Lahataꞌala, amohatokoomu kosasawimiu itu: weo fekihimiu koise abhi wutomiu nalumiuꞌe bhe mantasiꞌano, tamaka fekihiomu saetaaꞌano, noposahataa bhe kabhalano kaparasaea nedawuꞌaono Lahataꞌala ne hintimiu seemie-seemie.

2 Timotius 2:10

Kanandooꞌanomo taꞌasabahamo apotaamiꞌao bhahi-bhahiꞌae ini so kaetaaꞌando mie nepilino Lahataꞌala. Patudhuku sio-siomo andoa daeꞌawa dua kasalamati neowano Kristus Yesus bhe kakalabhia suhue dhamani.

1 Tesalonika 1:5

Kapaꞌamo Bhihita Metaa nehatoꞌao mani ne hintimiu suano kaowu taꞌo pugau, tamaka bhe kuasano Rohino Lahataꞌala, notiparasaea mpuu kantoono. Ingka pandeꞌaaneomu peda amai tadadi bhe hintimiu so kaetaaꞌamiu.

Kolose 1:24

Aitu nowula laloku akadee-dee so hintimiu. Kapaꞌamo weo kakadee-deeno mbadhaku ini, ingka afopansuhu kakadee-dee nenamisino Kristus mbali mbadhano, maꞌanano umati marasaeano.

2 Korintus 7:12

Dadiꞌanomo kaebuhiꞌaku suha endefiꞌini suano mbaꞌinomo bhe mie kokaꞌalano maitu, suano dua mbaꞌinomo mie menamisino kakadee-dee dhohono habu umalano maitu, tamaka katibuhiꞌano neanomo mandeꞌaaneomu ne wiseno Lahataꞌala kakampuu-mpuuno lalomiu ne insaodi.

Markus 3:21

Dofetingke peda anaꞌa, domaimo bhahitieꞌino damalae, kapaꞌamo ambado, “Ingka nobheemo.”