2 Korintus 4:7 - Muna Southern Dialect

⁷ Arataa moꞌali ini neate ne nuꞌua wite ⸤ maꞌanano mbadha kasara mani⸥ , so nentaleaꞌao putae kaꞌosa pontalabhi-labhino naꞌa miina namaiꞌao ne wuto mani tamaka nomaiꞌao ne Lahataꞌala.

2 Korintus 4:7 Referans Kwoze

2 Korintus 5:1

Kapaꞌamo tapandeꞌaane, mada kaowu dahumungga kadempo kaeateꞌantoomu ne dhunia ini ⸤ maꞌanano mbadha kasarantoomu⸥ , Lahataꞌala nofofontaa-ntaaꞌao lambu te surugaa so kaeateꞌa suhue dhamani. Kaeateꞌa anaꞌa miina dahumabue limando manusia.

1 Korintus 1:28

Mie mepandano kaengkohaꞌa we dhunia ini, mie nepisaki, bhahamo mie tapa kofaha-fahalaano ne pomatano dhunia, nopilida Lahataꞌala so namosaliꞌao melangkeno kaengkohaꞌa ne pomatando manusia.

Kolose 2:3

Kapaꞌamo Kristusmo ini motiwohano kosasawiꞌae timbangi bhe kapandeno Lahataꞌala, tapedamo arataa tifebuniꞌano endefiꞌini, ampa aitu nentaleamo.

Kolose 1:27

Ne umatinomo ini, gaono Lahataꞌala namotiwohae kabhalano kabarakatino bhe kakalabhiano rahasia aitu so sabhaha bansano liwu te dhunia ini. Rahasia anaꞌa peda aini: Kristus neate weo totono lalondo umatino, Anoamo puuno kaposahunaꞌaomiu so menamisiꞌaoꞌomu dua kakalabhiano Lahataꞌala.

Efesus 3:8

Idi ini mie we pandano panda ne olotando umati mongkilono Lahataꞌala. Mahinggamo pedamo aini, Lahataꞌala nofotiwoha kanau rahamatino nowaꞌa kanau takaku ini: aefolele Bhihita Metaa ne mie suano Yahudi, aefebhihitaianda kabhalano kabarakatino Kristus pata tikiha-kihano so intaodiomu.

2 Korintus 10:10

Kapaꞌamo ambado mie, “Suhano daanumo nogili bhe noꞌosa, tamaka gahaꞌa hato dopowise bhe mieno tanemalu-malusi, wambano miina nakomaꞌa-maꞌanaa.”

Matius 13:44

“Kafopahintaꞌano Lahataꞌala tapedamo dua arataa tikantanono te kaampo. Gahaꞌa nandoo seemie umawae, maka suli nokantanoe. Kaꞌosano kaꞌiano nokalamo noasopi kosasawiꞌae kanandoono maka noꞌoli kaampo anaꞌa.

2 Timotius 2:20

We lalono seꞌonu lambu bhalano nobhahi kaenteiꞌa, nandoo maiꞌao ne bulawa bhe salaka, tamaka nandoo dua maiꞌao ne sau bhe wite pulu. Kaenteiꞌa bulawa bhe salaka mbali kafaraluuno hame bhalano, o kaenteiꞌa sau bhe wite pulu mbali kafaraluu maꞌoleo hangkowine.

2 Korintus 4:1

Insaodi tatahima taka kaꞌondofao aini hampano kabhelano lalono Lahataꞌala, patamo kaotembeꞌano lalo mani.

Kolose 2:12

Kapaꞌamo wakutuuno dokadiu saranikoomu, ⸤ membaliomu peda mie mate maka⸥ dokobuhukoomu bhe Kristus. Weo kakadiu saranimo dua anaꞌa, hintimiu itu suli dofodadikoomu bhe Kristus, hampano parasaeaꞌomu ne kuasano Lahataꞌala toka mowanuno Kristus maiꞌao ne mate.

1 Tesalonika 1:5

Kapaꞌamo Bhihita Metaa nehatoꞌao mani ne hintimiu suano kaowu taꞌo pugau, tamaka bhe kuasano Rohino Lahataꞌala, notiparasaea mpuu kantoono. Ingka pandeꞌaaneomu peda amai tadadi bhe hintimiu so kaetaaꞌamiu.

Efesus 2:5

Lahataꞌala nofodadi kaita dopoowa bhe Kristus, mahinggamo domatemoomu hampano dokangkalaꞌi pahintano. Tandaiꞌeomu, hintimiu nofosalamatikoomu Lahataꞌala hampano kataano lalono.

2 Korintus 13:4

Daanumo kanaleno Kristus notiwoha wakutuuno dokantaiꞌe te sau salipu, tamaka ampa aitu nodadi hampano kuasano Lahataꞌala. Pedamo dua anaꞌa, insaodi seꞌiseno bhe Anoa taonale, tamaka hampano kuasano Lahataꞌala tadumadi tapoowa bhe Anoa so kaetaaꞌamiu.

2 Korintus 6:10

mahinggamo nokompeaha lalo mani sadhia taoꞌia, mahinggamo taokae tamaka dobhahimo mie nefekahangkaea mani, mahinggamo wohaꞌano miina takoꞌae-aea tamaka sakotuꞌuno nandoo bhahi-bhahiꞌae.

Matius 13:52

Ambano toha Yesus, “Dadiꞌanomo kotika pande Kitabi metahimano kafoinaꞌuno Kafopahintaꞌano Lahataꞌala, tapedamo kolambuno molimbano kahangkaeano maiꞌao ne kaenteiꞌano, nabuꞌou nangkodau.”

Yohanes 16:33

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

1 Tesalonika 4:4

Seemie-seemie moꞌane naeala bhe hobhineno so wutono maka nadumadi mongkilo ne pomatano Lahataꞌala bhe pomatano manusia.