13 Weo Kitabi notibuhi peda aini, “Aparasaea, kapugauꞌakumo.” Kaparasaea mani ingka pedamo anaꞌa, dadiꞌanomo kapugauꞌa manimo dua.
Hampano pedamo anaꞌa neposahunaꞌao mani, maka insaodi ini taokado tapugau ⸤ taefolele Bhihita Metaa⸥ .
Seemieno nowaꞌane kapooli foliuno kamatangka kaparasaeano, o Rohimo dua aitu fowaꞌaono. Seemieno nowaꞌane kapooli naefekaꞌosa mie mosaki, o Rohimo dua anaꞌa fowaꞌaono.
Patudhuku, naembali dapofekatangkaomu: kaparasaeamiu namekatangka kanau, kaparasaeaku namekatangka hintimiu.
Suha aini nomaiꞌao ne Simon Petrus, palima-lima bhe rasuluno Yesus Kristus, so bhahitieꞌi pototoꞌano kaparasaea bhe insaodi. Nepulaoꞌaoku kaparasaeantoomu ne Yesus Kristus, Lahataꞌalantoomu mosalamati kaita bhe meowano kaꞌadhili.
Koemo! Intaodiomu doparasaeaꞌomu hampano rahamatino Ompu Yesus Kristus, dosalamatimoomu pedamo dua andoa.”
Pedamo anaꞌa insaodi sadhia taewiseki mate, tamaka hintimiu meꞌawaomu dadi.