2 Korintus 3:7 - Muna Southern Dialect

⁷ Podhandiꞌa meowano mate naꞌa dobuhiane patota ne katibhano kontu. Mahinggamo peda anaꞌa nopoangkaane kakalabhiano Lahataꞌala. Tilangano kakalabhiano Lahataꞌala anaꞌa nentalea sepaliꞌa, sampe miendo Israel nosomba matando miina damondoiꞌea doꞌondo ulano anabii Musa, mahinggamo tilangano ne ulano sadhulu kahawu. Ane podhandiꞌa meowano mate naꞌa nopoangkaane kakalabhia pedando naꞌa,

2 Korintus 3:7 Referans Kwoze

1 Korintus 13:10

Tamaka nahumato kaowu fofoliuno kasumangka, pata sumangkaꞌano naosalimo.

Roma 10:4

Kristus nofekakoꞌulamo kosasawiꞌae tubhono agama Yahudi, neanomo kotika marasaeano ne Anoa natumahimada Lahataꞌala peda mie banara.

2 Korintus 3:6

Ingka Anoamo maꞌa kainsami kapooli taembali mie umondofaono Podhandiꞌa Buꞌou. Podhandiꞌa aini miina naengkoha ne tubho tibuhino, tamaka nengkoha ne Rohino Lahataꞌala, kapaꞌamo tubho tibuhino neowa mate, tamaka Rohino Lahataꞌala neowa dadi.

2 Korintus 3:3

Nentaleamo hintimiu itu suha nebuhino Kristus noangka ne insaodi. Suha aini miina dabuhiane dawati tamaka dobuhiane Rohino Lahataꞌala dumadino, miina dua dabuhie ne katibhano kontu tamaka ne katibhano totono lalondo manusia.

Roma 4:15

Tubhono agama Yahudi neowa amahano Lahataꞌala, tamaka ane pae bhe tubhono agama, pae dua bhe nekangkalaꞌia.

Roma 7:10

Apandeꞌaomo laloku ingka tubhono agama kopatudhuno so meowano dadi, gahaꞌaitu meowanomo mate so idi.

Tula-tulando rasulu 6:15

Kosasawindo mie mengkohano weo hompuꞌa maitu dotonto Stefanus, gahaꞌa dowoha ulano pasae ulano malaꞌekati.

Roma 7:22

Totono laloku noꞌiaꞌane tubhono Lahataꞌala,

Ibrani 9:4

Weo Boloku Foliuno Kangkilo ini nandoo medha kaetunuꞌa dupa dohabue maiꞌao ne bulawa. Pada aitu nandoo dua sohongano podhandiꞌa, dodapoane sabula-bulawa. Weo sohonga aitu nandoo o nuꞌua bulawa, iꞌino o manna, o katukono Harun kotunaꞌano bhe haa tibha kontu ⸤ kaebuhiꞌa koompulu pahintano⸥ podhandiꞌano Lahataꞌala.

Roma 5:20

Katifosampuꞌano tubhono agama Yahudi, neanomo manusia damandeꞌao lalondo putae kaꞌalando dhulu kabhahi. Ampamo kaowu sedhuluꞌa kabhahino kaꞌalando manusia, sedhuluꞌa dua kapontalabhi-labhino rahamatino Lahataꞌala.

Roma 7:5

Endefiꞌini dodadiomu doangkafi kamanusiantoomu. Wakutuu anaꞌa katokano mbadhantoomu nokuasaiꞌe sabhaha kapoindalo modai, dhohono nofoluaꞌe tubhono agama Yahudi, sampe fahalaano ingka neowa mate.

2 Korintus 3:8

mangke-mangkemo podhandiꞌa buꞌou mengkohano ne Rohino Lahataꞌala, tetewei nasedhuluꞌa dua kakalabhiano.

Galatia 3:10

Notibuhi weo Kitabi peda aini, “Mie tapa dhumalangino kosasawiꞌae tubhono agama tibuhino weo Kitabi nakumangkanaiꞌemo balaa.” Dadiꞌanomo kosasawindo tumangkaꞌaono tubhono agama Yahudi ⸤ so kaangkaꞌando dapometaa bhe Lahataꞌala⸥ , ingka sanea so nekangkanaino balaa ⸤ kapaꞌamo pae bhe so mondoiꞌea⸥ .

Galatia 3:21

Ane peda naꞌa nopotagali bhahaa tubhono agama Yahudi bhe dhandino Lahataꞌala? Ingka miina sepaliꞌa. Kapaꞌamo ane ibahano tubhono agama Yahudi dowaꞌandae manusia so daeꞌawaꞌao dadi, tantumo manusia naembali natumahimada Lahataꞌala peda mie banara namangka ne tubhono agama maitu.

Ibrani 3:3

Ampamo kaowu nopantasi mpuu Yesus neꞌawamo kafosibhala noliuꞌe kafosibhala ne anabii Musa, tapedamo seemie pandeno lambu noliuꞌe katifosibhalano bhe lambu nehabuno.

Ibrani 12:18

Hintimiu miina ⸤ peda miendo Israel endefiꞌini. Andoa⸥ domaꞌoti tikadampaꞌano, ⸤ o kabhawono Sinai⸥ bhe efino ngkalai-laino, dewiseki kahohondo bhe doloma mposo bhe kawea mongkolo.