2 Korintus 3:14 - Muna Southern Dialect

¹⁴ Fekihindo nopapa, kapaꞌamo taꞌampamo haꞌoleo ini kantutu endefiꞌini sadaa-daaꞌe dopakee ane debasa Kitabino podhandiꞌa ngkodau. Kantutu aini kaneꞌomo natilengka ane o mie doseꞌise bhe Kristus.

2 Korintus 3:14 Referans Kwoze

Tula-tulando rasulu 26:18

so molosaꞌao matando, neanomo dahumunsamo kahohondo maka damesua we mentaleaꞌano, damaiꞌao ne kuasano Kafeompuꞌando seetani dadumoli ne Lahataꞌala. Neanomo dua dhosando natiꞌamponi hampano kaparasaeando ne Idi, pakade daeꞌawa dawua nefotantuno Lahataꞌala so mie mongkilo.’

Roma 11:25

Bhahitieꞌiku! Gaoku mpuu mandeꞌaaneomu patudhuno Lahataꞌala pataꞌo tipandeꞌaoꞌano, keana abhi wutomiu mie mande. Patudhuno Lahataꞌala peda aini: miendo Yahudi sigaꞌa dekatuꞌa fotu, tamaka katuꞌano fotu maitu nalumagi kaowu ampa kabhahindo mie suano Yahudi so maino ne Lahataꞌala nasumangkamo.

2 Korintus 4:6

Kapaꞌamo Lahataꞌala padamo nokobhoasao, “Nobheteꞌo toha tilanga weo kahohondo.” Ingka Anoamo dua mobheteno tilangano weo totono lalontoomu, neanomo naentalea fekihintoomu so dalumosangiꞌao kakalabhiano Lahataꞌala kotilangano ne ulano Kristus.

Tula-tulando rasulu 16:14

Ne olotando metingkeno nandoo seemie hobhine koneaꞌano Lidia. Anoa nomaiꞌao we kotano Tiatira, nopodagaꞌao kai wungo. Anoa ini noteꞌi dua ne Lahataꞌala. Ompu nolengka totono lalono sampe pugauno Paulus notahimae.

Tula-tulando rasulu 13:15

Pada dobasa Kitabino Musa bhe Kitabindo ana-anabii, mie mandeꞌaono lambu kasambaheaꞌa dotudumo mie dameena ne Paulus bhe sabhangkaꞌino. Ambado, “Bhahitieꞌi, ane bhe kafoinaꞌu so kalawesino lalondo umati naembalimo damosampeea.”

Yohanes 12:46

Kahatoꞌaku ne dhunia ini aembali tilanga, neanomo sasuka marasaeano ne Idi paise naeate weo kahohondo.

Yohanes 12:40

⸤ Ambano Lahataꞌala,⸥ “Padamo afekabuntoda bhe asongko totono lalondo, keana dofowohaꞌao matando bhe dolosangiꞌao totono lalondo. Dadiꞌanomo paise dadumoli se Idi maka amekaꞌosada.”

Yohanes 8:12

Nopugaumo dua Yesus ne mie bhahi ambano, “Idimo ini tilangano dhunia, sasuka mangkafi kanau paise naekala-kala weo kahohondo, tamaka naeꞌawa tilanga meowano dadi.”

Matius 16:17

Ambano Yesus, “Kodawua sepaliꞌa Simon anano Yunus, kapaꞌamo suano manusia mohatoangkoe, tamaka Amaku te surugaa.

Matius 13:11

Notobhoosimo Yesus ambano, “Hintimiu nowaꞌangkoomu kadawu Lahataꞌala pandeꞌaanemoomu rahasiano Kafopahintaꞌano, tamaka mie sigaoꞌano miina.

Matius 6:23

Ane nodai matamu, nohohondomo dua mbadhamu. Dadiꞌanomo ane tilanga we lalomu nohohondomo, notolau sepaliꞌa kahohondono!

2 Korintus 3:6

Ingka Anoamo maꞌa kainsami kapooli taembali mie umondofaono Podhandiꞌa Buꞌou. Podhandiꞌa aini miina naengkoha ne tubho tibuhino, tamaka nengkoha ne Rohino Lahataꞌala, kapaꞌamo tubho tibuhino neowa mate, tamaka Rohino Lahataꞌala neowa dadi.

Tula-tulando rasulu 15:21

Kapaꞌamo mpini dhamani wawono pahintano Musa dofoleleandae ne amai onuno liwu. Taꞌampamo aini Kitabino Musa amaitu taenomo oleono Sabat sadhia dobasae weo lambu kasambaheaꞌa.”

2 Korintus 3:15

Ingka taꞌampamo aitu ane debasa Kitabino anabii Musa totono lalondo sadhia nodapohie kantutundo naꞌa.

Efesus 4:18

Fekihindo nohohondo, miina daeala dawu ne dadi buꞌou newaꞌaono Lahataꞌala, kapaꞌamo miina dokonipandeꞌaoa bhe notuꞌa fotundo.