2 Korintus 2:11 - Muna Southern Dialect

¹¹ Kahabuꞌaku peda naꞌa neanomo Kafeompuꞌando seetani paise naeala kasalawa nafokuasai, ingka dopandeꞌaanemo mpuu patudhu modaino.

2 Korintus 2:11 Referans Kwoze

1 Petrus 5:8

Fewanaki totono lalomiu bhe kodhagaomu, kapaꞌamo kaewamiu, Kafeompuꞌando seetani, nolili peda o singa ngkangau-ngauno neꞌondofi kantolono.

2 Korintus 11:3

Ampamo kaowu nomihi laloku bhahasaa dofekakolilino fekihimiu sampe paemo nakumampuu-mpuu kataino lalomiu ne Kristus, peda endefiꞌini Hawa nobhohe-bhoheꞌie akalano ule.

Lukas 22:31

“Simon, Simon, fetingke kanauꞌo. Kafeompuꞌando seetani pada nofealai nasumolo-solokoomu, tapedamo mie detepisao pae.

2 Korintus 4:4

Kafeompuꞌando seetani kumuasaino dhamani aini nosongkowimo fekihindo mie tapa marasaeano sampe miina damoha tilangano Bhihita Metaa. Bhihita aini ingka nofofohatoꞌao kakalabhiano Kristus, ulanomo Lahataꞌala tiwohaꞌano.

Matius 4:10

Yesus tanotobhoosi ambano, “Gampimo, seetani! Kapaꞌamo notibuhi, ‘Taohao sombamu ne Ompu Lahataꞌalamu, ampamo kaowu Anoa so nefeompuniꞌimua!’ ”

2 Korintus 11:14

Pae damentea, kapaꞌamo mahingga Kafeompuꞌando seetani nesahangkamo ne malaꞌekatino tilanga.

1 Korintus 7:5

Koise pokodoꞌotiomua, simbali padamo mafakaaneomu pogaatiomu sebantaha so meꞌawaomu kasalawa sumambaheaꞌomu. Tamaka mada aitu suli pohompuomu keana nopoolikoomu kawudhuno Kafeompuꞌando seetani, kapaꞌamo bheanea pae moolieꞌomua mewanaki nafusuumiu.

2 Timotius 2:25

Mie mansoewano tabeano namalu-malusianda katangahi, sio-siomo Lahataꞌala nandoo namaꞌanda kasalawa dametompaꞌao dhosando maka damandeꞌao kabanara.

Yohanes 13:2

Yesus bhe anaguhuꞌino nandoo dohumaa. Kafeompuꞌando seetani padamo nokamuntui Yudas anano Simon Iskariot, nowaꞌane patudhu modai weo totono lalono so namowaꞌao Yesus ne limando kaewa.

Powoha 2:24

Ampamo kaowu hintimiu miendo Tiatira sigaoꞌano itu, tapa mangkafino kafoinaꞌu bhe tapa moguhuꞌaono nekonando lofotano Kafeompuꞌando seetani maitu, amohatokoomu: paise amotongkuangkoomu wowoꞌo sigaoꞌano.

Tula-tulando rasulu 1:25

so mintahano sodano rasulu nehunsano Yudas. Kapaꞌamo Yudas nopesuamo ne kaeateꞌa mantasiꞌano so wutono.”

Powoha 13:8

Kosasawindo mie meateno we dhunia dasumomba ne anoa. Miemo andoa ini, mpini pakatifokonandoono dhunia, miina natibuhia neando weo Kitabindo Mie Dumadi, fehebuaꞌano Anano Dhumba toka nesumbele.