2 Korintus 13:11 - Muna Southern Dialect

¹¹ Panda-pandano, bhahitieꞌiku, fowulae lalomiu, fosangkae dadimiu! Tahimaeꞌomu sabhaha katangahi nefohatoꞌaoku ini. Sekakolaloomu, dadiomu weo kapometaa, maka Lahataꞌala kamaiꞌaoꞌano kanini kaasi bhe katohopono dadi sadhia napobhaiangkoomu!

2 Korintus 13:11 Referans Kwoze

Ibrani 12:14

Uleiꞌe lalomiu dadi pometaa bhe kosasawindo mie bhaimiu, uleiꞌe dua lalomiu dumadi mongkilo so Ompu, kapaꞌamo miina bhe manusia so mohano Ompu ane pae nadumadi mongkilo.

1 Korintus 1:10

Bhahitieꞌiku! Aesalo mpuu ne hintimiu weo neano Ompuntoomu Yesus Kristus, sekakolaloomu! Koise bhe powengke-wengkeꞌa ne olotamiu, tamaka fekamatangka kaseꞌisemiu, sefekihiomu.

Roma 12:16

Pometa-metaaꞌomu, koise nelangke diumiu tamaka posabhangkaomu bhe mie mepandano kaengkohaꞌa, koise abhi wutomiu mie mande!

Roma 15:33

Sio-siomo Lahataꞌala kamaiꞌaoꞌano katohopono dadi napobhaiangkoomu. Amin.

Roma 12:18

Uleiꞌe lalomiu ampa nepoo-poolimiu dadi pometaaꞌomu bhe kosasawindo mie.

Markus 9:50

O gaha daanumo netaa, tamaka ane nasimotembeꞌa, kiha-kiha damekakahaane dua ae? Dadiꞌanomo, tabeano membaliomu peda gaha, pometa-metaaꞌomu.”

1 Petrus 3:11

Habu modai tabeano naꞌumohoe maka nahumabu metaaꞌano; naeꞌondofi pometaa, naꞌumuleiꞌe lalono ampa naꞌumawae.

2 Korintus 13:9

Kapaꞌamo nowula lalo mani ane taonale tamaka hintimiu moꞌosaomu. Ingka ainimo sadhia nesambaheaꞌao mani neanomo nasumangka dadimiu.

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.

1 Petrus 3:8

Panda-pandano, soba dadi sekakolaloomu, poanta-antangiꞌao namisimiu, pomoa-moasiꞌaoꞌomu peda mie sebhahi-bhahitieno, pomobhe-mobhelaꞌaoꞌomu lalo bhe fekapanda diumiu.

Yakobus 1:4

Dhaganie mpuu kakosabaha potaamiomu itu neanomo sadhulu kamatangka, sampe nasumangkamo kamie metaamiu, paemo konimokaeꞌomua.

2 Tesalonika 2:16

Sio-siomo wutono Ompuntoomu Yesus Kristus bhe Lahataꞌala Amantoomu nalumawesi bhe namekatangka lalomiu, neanomo so nehabumiu bhe so nepugauꞌaomiu sanea metaaꞌano. Kapaꞌamo Lahataꞌala nofomoasiꞌao; weo kataano lalo nofowaꞌao kaposahunaꞌao metaa bhe kalawesino lalo suhue dhamani.

1 Tesalonika 4:1

Panda-pandano bhahitieꞌi, padamo tatangahikoomu nada amai dadumadi damekaꞌia lalono Lahataꞌala. Anaꞌa daanumo habuemoomu. Tamaka aitu taesalo mpuu weo neano Ompu Yesus, nasedhuluꞌa dua kakampuu-mpuuno habumiu naꞌa.

Filipi 4:9

Dhalangiomu sabhaha nepoguhuꞌaomiu bhe netahimamiu maiꞌao ne idi, naetaa nefetingkemiu weo pugauku, naetaa newohamiu weo diuku. Maka Lahataꞌala fowaꞌaono katohopono dadi napobhaiangkoomu.

Filipi 1:27

Ampamo kaowu, kodadimiu tabeano naposahataa bhe wambano Bhihita Metaano Kristus. Ane nada anaꞌa, naetaa amai amohakoomu toha, naetaa pae amai ametingke kaowu bhihitamiu, tetewei amandeꞌaane putae notangkamo kofindamiu, sepatudhuomu, sekakolaloomu poewangiomu so kaparasaea ne Bhihita Metaa.

Roma 16:20

Lahataꞌala kamaiꞌaoꞌano katohopono dadi, napikifolongko Kafeompuꞌando seetani ne wawono aꞌemiu bhe namobinasae. Sio-siomo kabarakatino Yesus Ompuntoomu sadhia napobhaiangkoomu.

Roma 15:13

Sio-siomo Lahataꞌala kaengkohaꞌano posahunaꞌaomiu, nakumabhintiangkoomu kawulano lalo bhe katohopono dadi hampano kaparasaeamiu, neanomo weo kuasano Rohino Lahataꞌala nasedhuluꞌa dua kabhalano posahunaꞌaomiu.

Powoha 22:21

Sio-siomo kabarakatino Ompu Yesus sadhia napobhaiangkoomu kosasawimiu! Amin.

Ibrani 13:20

Ingka Lahataꞌala padamo nofowanu Ompu Yesus maiꞌao ne mate. Hampano tuhuno heano, Anoa nembalimo Dhagano Dhumba Kumalabhiano so intaodiomu, mekamatangkanomo dua podhandiꞌa suhue dhamani nehabuno Lahataꞌala bhe intaodiomu.

2 Timotius 2:22

Dadiꞌanomo fekakodoꞌoe nafusuundo kahangku dadi, uleiꞌe lalomu angkafi kapoindalono Lahataꞌala, fekatangkae kaparasaeamu, dadi weo kanini kaasi bhe kapometaa bhe mie bhaimu. Dadimo peda anaꞌa bhe mie metondalano ne Ompu maiꞌao ne totono lalo mongkilono.

2 Tesalonika 3:16

Ompu kamaiꞌaoꞌano katohopono dadi. Sio-siomo sadhia namaꞌangkoomu katohopono dadi ne sabhaha waweno dadimiu. Sio-siomo Ompu sadhia napobhaiangkoomu.

1 Tesalonika 5:23

Sio-siomo wutono Lahataꞌala fowaꞌaono katohopono dadi, namekangkilo lalomiu ampa naongkilo mpuu. Sio-siomo rohi, alusu bhe mbadhamiu nadhumaganie mpuu Lahataꞌala keana nokodengo-dengo ne oleo kahatoꞌano Yesus Kristus Ompuntoomu.

1 Tesalonika 5:16

Sadhia fowula lalomiu.

1 Tesalonika 5:13

Feompuniꞌida mpuu weo kanini kaasimiu hampano kahadhaando. Sadhia dadi pometa-metaaꞌomu.

1 Tesalonika 4:18

Dadiꞌanomo pakeomu bhoasao aini so polawe-lawesiꞌaoꞌomu lalo.

Filipi 4:4

Sadhia fowula lalomiu mbaꞌinomo seꞌiseomu bhe Ompu! Amenduaꞌe toha: fowula lalomiu!

Filipi 4:2

Euodia bhe Sintike, aesalo mpuu ne hintimiu hoduano: pometaaꞌomu, sekakolaloomu peda bhahitie weo Ompu.

Filipi 3:16

Ampamo kaowu, kafoinaꞌu banara toka netahimantoomu, naetaa damangkafieꞌomu kansuhu.

Efesus 6:23

Sio-siomo katohopono dadi, kanini kaasi bhe kaparasaea maiꞌao ne Lahataꞌala Amantoomu bhe maiꞌao ne Ompu Yesus Kristus sadhia napobhaiꞌao kosasawindo bhahitie marasaeano.

2 Korintus 1:4

Anoamo sadhia lumawesi kainsami ne sabhaha kasabha mani, sampe insaodi nembali dua taelawesiane mie metompaloino sabhaha kasabha. Kalawesi aini tatahimae maiꞌao ne Lahataꞌala.

Tula-tulando rasulu 23:30

Aini dofohato kanaumo dua putae miendo Yahudi dopokanagaumo damongkoe. Dadiꞌanomo lasao atudu tantaraꞌiku daowae ne hintu. Miendo Yahudi humereno padamo dua afohatoda madaꞌo daobhieane ne hintu.”

Tula-tulando rasulu 18:21

Paulus nofealaimo ambano, “Seꞌinawono toha asumulikikoomu ane namolalesa kanau Lahataꞌala.” Pada anaꞌa nohunsamo Efesus.

Tula-tulando rasulu 15:29

koemo humaaꞌomua oti nepopanga ne barahala, koe humaaꞌomu hea, koe humaaꞌomua kamateno kadadi pata nesumbele bhe koemo monsuleomua. Dhumaganiomu kaowu wutomiu ne anaꞌa, ingka habu metaamoomu. Pedamo kaowu anaꞌa, notumpu lalo mani.”

Yohanes 17:23

Idi aseꞌise bhe andoa, Hintu seꞌise bhe Idi, neanomo nasumangka mpuu kaseꞌisendo. Ane nada naꞌa dhunia damandeꞌaane Hintumo tumudu kanau, Hintumo moasianda peda kaasimu ne Idi.

Lukas 9:61

Nandoo dua seemie nopugaumo ambano, “Amangkafiko Ompu, tamaka folalesa kanau kadeki amealai ne meateno se lambuku.”

Markus 10:49

Yesus nofetumpumo maka nopugau ambano, “Loꞌoiꞌeomu!” Lasao dosaliꞌi kabunto maitu bhe dofohatoe, “Fekatangka lalomu! Ehemo, nosaliꞌiko!”

Matius 5:48

Dadiꞌanomo tabeano nasumangka totono lalomiu, peda Amamiu te surugaa.”

Matius 1:23

“Kotu-kotuꞌu, seemie kalambe tapaꞌo popandeꞌaono bhe moꞌane nafowoowa maka nakoanaꞌao moꞌane. Anaꞌi aitu dakumonae Imanuel.” (Maꞌanano Imanuel, Lahataꞌala nopobhai kaitaomu).

Efesus 4:3

Uleiꞌe lalomiu pometa-metaaꞌomu, neanomo kaseꞌisemiu kawaꞌaono Rohino Lahataꞌala sadaa-daa notidambaꞌao.

Roma 14:19

Dadiꞌanomo ulei kaitaomu lalontoomu daꞌumondofi dhalano kapometaa, bhe kofahalaaꞌano so dapofeka-fekatangkaꞌao kaparasaea.

Efesus 4:12

Katiwaꞌaoꞌano bhahi-bhahiꞌae ini, damotoka umati mongkilono so kahadhaando daꞌumondofao Ompu bhe mie bhaindo, neanomo mbadhano Kristus sadhulu-dhulu kabhala bhe kamatangka.

1 Tesalonika 3:10

Mentae mohondo tampuu-mpuunie sepaliꞌa taesalo ne Lahataꞌala, neanomo naembali toha dapoꞌawa-awaomu, tamokapoangkoomu nemokaeꞌaomiu weo kaparasaeamiu.

2 Tesalonika 3:1

Panda-pandano bhahitieꞌi, sambahea kainsamiomu, sio-siomo bhoasaono Ompu naehimba nalumele bhe datumahima metaaꞌe, peda ne hintimiu.