2 Korintus 12:20 - Muna Southern Dialect

²⁰ Kapaꞌamo nomihi laloku bhahasaa amai ahumatofikoomu napoꞌala bhe nepoindaloku, pedamo aitu hintimiu moha kanauꞌomu napoꞌala bhe nepoindalomiu. Nomihi laloku kunanomo bhe pogiha-gihaꞌa, pokondu-konduaꞌa lalo, amaha, kafosibhalano kafaraluuno wuto, poꞌumbu-umbu, pokamu-kamuntuiꞌao, kalangkeno diu, bhe kahungga.

2 Korintus 12:20 Referans Kwoze

1 Petrus 2:1

Dadiꞌanomo, ohoeꞌoomu toha sabhaha modaiꞌano, koemo kopahaomu, koemo fehaaꞌulaomu, koemo nokondua lalomiu bhe koemo dua foꞌumbuomua.

Galatia 5:15

Tamaka ane sadhia posia-siakaomu, posiꞌondoomu bhahasaa mobinasaomu kosasawimiu.

1 Korintus 1:11

Kapaꞌamo bhahitieꞌiku, dofohato kanau mieno polambuno Kloe putae nandoo potaga-tagaliꞌa ne olotamiu itu.

Roma 1:29

Totono lalondo noponoꞌaomo sabhaha modaiꞌano, podiu pata metaaꞌano, o kakadau-dau, pokondu-konduaꞌao lalo, nafusuu dafopongko, pogiha-gihaꞌa, kabhohe-bhoheꞌi bhe feꞌili dadumai-dai mie bhaindo.

Yudas 1:16

Andoamo ini mie kamuntu-muntuno, sadhia dofoꞌala mie bhaindo, doangkafi kapoindalondo modaiꞌano, dosangke-sangke wutondo bhe dokundeli mie bhaindo so deꞌawaꞌao laba.

2 Petrus 2:18

Andoa defomantale wamba kalangkeno diu pata kofahalaaꞌano. Depakesimo dua nafusuu modai defetando mie kaneꞌo lumapano maiꞌao ne dadi modai.

Galatia 5:26

Koise nelangke diuntoomu, koise dopofekaleaꞌi lalo, koise dua dopokondu-konduaꞌao lalo.

2 Korintus 12:21

Nomihi laloku bhahasaa amai toha we hintimiu Lahataꞌala namekapanda kanau ne wisemiu, maka naokompeaha laloku hampano dobhahi ne olotamiu itu kodhosano endefiꞌini miinaꞌo bhe kofetompaꞌa. Andoa sadaa-daa dohabu kansuhu diu pokahaku, pokawite-wite bhe tapa mantasiꞌano.

2 Korintus 13:2

Ingka mieꞌi mehabuno dhosa endefiꞌini bhe mie sigaoꞌano dua padamo aefeꞌulaianda wakutuuno amai we hintimiu kahaa pakuno itu. Aitu nandoo dopokodoꞌotiomu, amenduaꞌangkoeꞌomu toha, humato amai mie pedando anaꞌa paemo aooloandaa daeꞌawa kahukumu.

2 Korintus 10:6

Ane natiwohamo hintimiu kotu-kotuꞌu membaliomu mie meangkano ⸤ ne Kristus⸥ , insaodi tamantaa-ntaa tahumukumu sabhaha mie tapa meangkano.

2 Korintus 10:2

aesalo mpuu koise fosuhu kanauꞌomu aꞌumosapikoomu humato amai, kapaꞌamo patudhuku daanumo aꞌumosapida mie kumona kainsami tadadi taangkafi kaowu kapoindalono dhunia ini.

2 Korintus 1:23

Bhe Lahataꞌala sumakusii kanau, ingka nopandeꞌaane totono laloku, pata kamaiꞌaku we Korintus itu hampano akiido amekakompeaha lalomiu.

1 Korintus 14:33

Kapaꞌamo Lahataꞌala miina namoindalo kahungga, tamaka nopoindalo dadi tiꞌatoro. Peda kaneano ne kosasawindo umatino Lahataꞌala ne amai maka dua,

Roma 1:30

Andoa sadhia dokamuntu-muntuꞌao mie bhaindo, dofekabuhumo neando mie bhaindo, dobansimo Lahataꞌala, miina daepandeꞌao uluꞌa, dembalimo kalangke diu, dosangke-sangke wutondo, dopandemo deꞌondofi akala buꞌou so dahumabu modaiꞌao, bhe miinamo damosibhala kamungkulando.

Roma 2:8

Tamaka mie mosibhalano kaowu wutono, tapa meangkano ne kabanara bhe tanoangka-angkamo modaiꞌano, andoa daeꞌawa amahano bhe kahukumuno Lahataꞌala.

1 Korintus 5:2

Tamaka mahingga pedamo itu nandoo dua nelangke diumiu. So mantasiꞌano ingka tabeano naopea lalomiu, bhe mie humabuno medando itu mogampieꞌomu maiꞌao ne olotamiu.

2 Korintus 2:1

Dadiꞌanomo padamo abhotusie weo totono laloku, pae kadeki amai toha we hintimiu bhahaa nokompeaha lalomiu.

Yakobus 4:11

Bhahitieꞌiku, koise poꞌumbu-umbuomua. Laꞌae moꞌalano tawa bhitahakino bhahitieno, ingka nofoꞌala bhe nobhitahaki pahintano Lahataꞌala. Maka ane foꞌalaomu pahintano Lahataꞌala, maꞌanano miina mangkafieꞌomu tamaka abhiomu wutomiu te wawono pahintano Lahataꞌala, tapeda seemie fobhitahakino.