2 Korintus 11:28 - Muna Southern Dialect

²⁸ We simbalino anaꞌa seꞌo-seꞌoleo nomihi dua laloku afekihi kafaraluundo umati ne amai tombu.

2 Korintus 11:28 Referans Kwoze

1 Korintus 7:17

Dadiꞌanomo seemie-seemie tabeano natumahima kodadi peda toka nedawuꞌaono Lahataꞌala ne anoa, bhe tanamangka-angkamo kansuhu peda kodadi pakatibhasino ne Lahataꞌala. Ainimo tubho nefoinaꞌuꞌaoku ne kosasawindo umati neꞌamai-neꞌamai liwu.

Roma 15:16

Takaku ini ingka aembali mie umondofaono Kristus Yesus ne olotando sabhaha bansano liwu suano Yahudi. Aembalimo kanggetu seemie imamu meowano Bhihita Metaa maiꞌaono ne Lahataꞌala, neanomo sabhaha bansano liwu daembali kanggetu kapopanga titahimano ne Lahataꞌala bhe nefekangkilono Rohino Lahataꞌala.

Kolose 2:1

Gaoku mpuu mandeꞌaaneomu kabhieno apoewangi weo totono laloku so hintimiu bhe umati we Laodikia bhe kosasawindo mie tapaꞌo mohano ulaku.

Roma 16:4

Andoa itu padamo dopotahoꞌao inawando so idi, notumpu sepaliꞌa laloku ne andoa. Bhahamoa suano kaowu idi motumpu lalo ne andoa, tamaka kosasawindo umati suano Yahudi.

Roma 11:13

Apugau ne hintimiu, bansano liwu suano Yahudi! Hampano idi ini o rasulu so bansano liwu suano Yahudi, maka taka kaꞌondofaoku ini afosibhalae mpuu.

Tula-tulando rasulu 18:23

Seꞌoleo haa oleo kaowu dua neate we Antiokia, nokalamo toha noangkai kadieno Galatia bhe Frigia, namekatangka lalondo kosasawindo mangkafino Yesus ne itu.

Roma 1:14

Kapaꞌamo idi ini teteweimo aefolele Bhihita Metaa, tapedamo mie kodosano. Akodosa naetaa ne bansano liwu koꞌadhatino, naetaa ne tapa koꞌadhatino, naetaa ne mie kosikolano, naetaa ne tapa kosikolano.

Tula-tulando rasulu 20:2

Anoa noliligi kadieno Makedonia maitu bhe nobhahi katangahino nofekatangka lalondo mie marasaeano. Pada anaꞌa nopansuhu we kadieno Yunani.

Tula-tulando rasulu 15:36

Tamaka miina naomponaa Paulus nopugaumo ne Barnabas ambano, “Maimo dosuliana doangkai toha bhahitie marasaeano ne amai kota kaefoleleꞌanto bhoasaono Ompu endefiꞌini; neanomo damandeꞌaanemo peda amai koeatendo.”

Tula-tulando rasulu 9:31

Nomampona-mpona dua umati marasaeano we kadieno Yudea, Galilea bhe Samaria deate-ate weo katohopo. Umati andoa ini dhulu katangka kaparasaeando bhe dodadi weo kateꞌi ne Ompu. Weo katulumi bhe kalawesino Rohino Lahataꞌala andoa sadhulu-dhulu kabhahi.