2 Korintus 11:23 - Muna Southern Dialect

²³ Bhahaa andoa maitu palima-limano Kristus? Aini apugau ngkabheemo, ingka idi ini afoliuda. Idi akahadhaa moꞌosa afoliuda andoa naꞌa, kantuhuno apesua katohongku afoliuda, kantelano dosikisaa kanau afoliuda, bhahamoa nentelamo dua aewiseki mate.

2 Korintus 11:23 Referans Kwoze

2 Korintus 6:9

doabhi kainsami mie pata tipandeꞌao, gahaꞌaitu dowolo dopandeꞌa kainsami, dokona kainsami tamo mateꞌa mani, gahaꞌaitu nandoo tadadi; dofodee-dee kainsami, tamaka miina dua tatipongkoa;

2 Korintus 3:6

Ingka Anoamo maꞌa kainsami kapooli taembali mie umondofaono Podhandiꞌa Buꞌou. Podhandiꞌa aini miina naengkoha ne tubho tibuhino, tamaka nengkoha ne Rohino Lahataꞌala, kapaꞌamo tubho tibuhino neowa mate, tamaka Rohino Lahataꞌala neowa dadi.

1 Korintus 15:10

Tamaka hampano rahamatino Lahataꞌala idi ini ingka pedamo aini, maka rahamatino ne idi miina nasumia-siaꞌa. Idi padamo akahadhaa mobhie afoliuda kosasawindo rasulu, ampamo kaowu suano kaꞌosano wutoku tamaka rahamatino Lahataꞌala pobhai kanau.

Kolose 1:29

Somo amooliꞌao anaꞌa, aꞌuleiꞌe laloku akahadhaa bhe apoewangi ampa kaꞌosano bukuku, hampano kuasano Kristus kumahadhaano weo totono laloku.

Kolose 1:24

Aitu nowula laloku akadee-dee so hintimiu. Kapaꞌamo weo kakadee-deeno mbadhaku ini, ingka afopansuhu kakadee-dee nenamisino Kristus mbali mbadhano, maꞌanano umati marasaeano.

Tula-tulando rasulu 9:16

Idi amotiwohaane kabhahino kakadee-dee so nenamisino mbaꞌinomo neaku.”

Filemon 1:9

Tamaka hampano kanini kaasi, koemo amahintangiko, naetaamo aesaloiko. Idi ini Paulus, akamungkulamo kaꞌasi, pakade atitohongku mbaꞌinomo kaparasaeaku ne Kristus.

2 Timotius 2:9

Kakadee-deeꞌaku ini ingka mbaꞌinomo foleleꞌano Bhihita Metaa, bhahamoa sampe dogogantu kanau hante peda mie modai. Gahaꞌaitu bhoasaono Lahataꞌala miina natitaangia.

1 Korintus 3:5

Kaowu laꞌae bhahaa Apolos maitu? Laꞌae bhahaa Paulus maitu? Andoamo itu ingka sanea palima-limano Ompu matokoomu ne kaparasaea ne Kristus. Seemie-seemie nedhalangi kaowu taka peda newaꞌaono Ompu.

Ibrani 10:34

Padamo dua menamisiomu kapeano lalondo mie netohongku. Wakutuuno arataamiu dorampasie, tatahimamoomu weo kawulano lalo, hampano pandeꞌaaneomu bhe arataamiu lumiuꞌe kakesa so motahano ampa suhue dhamani.

2 Timotius 1:16

Sio-siomo Ompu namosampu rahamatino ne polambuno Onesiforus, hampano nentelamo nofekaꞌia laloku. Anoa miina naoambano kanaua, mahinggamo atitohongku.

2 Timotius 1:8

Dadiꞌanomo koise moambano membali sakusiino Ompuntoomu, koe dua moambanoꞌao idi titohongkuno mbaꞌinomo Anoa Ompuntoomu. Tamaka bhe kapoolino Lahataꞌala, angkafi kanau kadee-deeꞌao Bhihita Metaa.

1 Timotius 4:6

Ane kosasawiꞌae ini sadhia meꞌulaiandae bhahitieꞌintoomu, hintu membalimo seemie palima-limano Kristus Yesus kumahadhaa metaano, poowa mekanowu totono lalomu, hampano hewutiane bhoasaono Lahataꞌala neparasaeantoomu bhe kafoinaꞌu kumotuꞌuꞌano toka neangkafimu kaomponae ini.

1 Tesalonika 3:2

maka tatudu bhahitie mani Timotius namai we hintimiu. Anoa ini posabhangkaꞌa mani weo kahadhaa so Lahataꞌala taefolele Bhihita Metaano Kristus. Katituduꞌano ne hintimiu, neanomo namekatangka lalomiu bhe namodhulu kamatangkano kaparasaeamiu ne Kristus.

Filipi 2:17

Bheanea damongko kanau, heaku kanggetumo kabubusino kapopanga nefoampemiu ne Lahataꞌala. Kapopangamiu anaꞌa maꞌanano o kaparasaea weo feompumiu ne Lahataꞌala. Ane nokotuꞌu nada anaꞌa, naowula laloku, aoꞌia bhe kosasawimiu itu.

Filipi 1:13

Mbaꞌinomo kadhadhia aitu, nentaleamo ne kosasawindo dhagano kamali bhe mie sigaoꞌano weo kota ini putae idi ini dotohongku kanau hampano afeompu ne Kristus.

Efesus 6:20

Ingka hampanomo Bhihita Metaa aini, katituduꞌakumo sampe dotohongku kanau. Sambaheaꞌomu neanomo aokado amugauꞌao Bhihita Metaa ini, pedamo mantasiꞌano so idi.

Efesus 4:1

Dadiꞌanomo, idi mie netohongku hampano afeompu ne Kristus ini, aesalo mpuu ne hintimiu dadiomu naposahataa bhe kapoindalono Lahataꞌala, kapaꞌamo hintimiu mie toka nebhasino Lahataꞌala.

Efesus 3:1

Kanandooꞌanomo idi, Paulus asambaheaꞌangkoomu. Idi ini atitohongku hampano afeompu ne Kristus Yesus bhe aꞌondofao hintimiu mie suano Yahudi.

2 Korintus 11:5

Tamaka anamisi wutoku miina sepaliꞌa amepandaa ne sabhaha rasulu mangaliuno naꞌa.

2 Korintus 10:7

Ingka taꞌondoomu kaowu tiwohoꞌano ne wisemiu! Ane seemie nokotu-kotuꞌu noabhi wutono fehebuaꞌano Kristus, naetaa namekihi totono lalono, ingka gahaꞌa insaodi dua ini fehebuaꞌano Kristus tapedamo anoa.

2 Korintus 4:11

Maꞌanano, weo dadi mani ini sadhia taewiseki balaano mate hampano Yesus, neanomo dadino Yesus natiwoha dua weo mbadha kasara mani.

Roma 8:36

Notibuhi weo Kitabi peda aini, “Hampano Hintu taewiseki mate suhue oleo, dokona kainsami dhumba so nesumbele.”

Tula-tulando rasulu 28:30

Paulus neate ne lambu kasewaꞌano haa taꞌu kaomponanoa. Sabhaha mie humatoe notahimada ne itu.

Tula-tulando rasulu 28:16

Sahato mani we Roma, Paulus doꞌundaꞌaane naeate nomoisa ne lambu kabutuꞌano bhe seemie tantara dhumaganie.

Tula-tulando rasulu 27:1

Pada kaowu dobhotusie takumala we witeno Italia, Paulus bhe seemie hodua katohongku sigaoꞌano doowadamo ne limano seemie neangkando tantara koneaꞌano Yulius. Kaseꞌiseno tantara nepandeꞌaono dokonae “Taguano Kaisar”.

Tula-tulando rasulu 25:14

Nomampona-mpona kaowu deate ne itu, Festus notalesaanda parakarano Paulus. Ambano, “Ne ini nandoo seemie netaangi, nehunsano gubernur Feliks.

Tula-tulando rasulu 21:11

Anoa nomaiꞌi kainsami maka noala kawaweno Paulus. Pada anaꞌa nokatapumo limano bhe aꞌeno wutono bhe nopugau ambano, “Ambano Rohino Lahataꞌala: Kokawaweno ini dakumatapue miendo Yahudi we Yerusalem nada aini, maka daowae ne limando mie suano Yahudi.”

Tula-tulando rasulu 20:23

Ampamo kaowu nofohato kanau Rohino Lahataꞌala ne amai liwu kaangkaꞌaku taꞌo katohongku bhe kafodee-dee so neꞌawaku.

Tula-tulando rasulu 14:19

Tamaka domaimo seemie hodua kamungkulaꞌindo Yahudi maiꞌaono te kotano Antiokia bhe Ikonium dowudhu mie bhahi datumai ne andoa. Paulus dobhatumbuliane kontu maka dobulue we simbalino kota, kunaꞌendomo nomatemo.

1 Korintus 4:1

Naetaa dakumona kainsami palima-limano Kristus, mie neposahunaꞌao taefebhihitaiꞌao sabhaha rahasiano Lahataꞌala.

1 Korintus 4:9

Kapaꞌamo fenaiku, insaodi rasulu, Lahataꞌala notei kainsami we kundo-kundo, tapedamo mie so nepongko ne wisendo mie bhahi. Insaodi taembali kapokabhidha-bhidhaꞌando dhunia ini, kasimata-mataꞌandomo sabhaha mie bhe malaꞌekati.

1 Korintus 4:11

Taꞌampamo aitu taoꞌaho bhe nokekele wuꞌu mani, pakea mani tanokobhini-bhinimo, dotofali kainsami bhe tatalilimo miina takolambua.

Galatia 6:17

Panda-pandano, koemo bhe mosabha kanaua, hampano bhemo ponteno ne uluku inia, katandaino idi ini fehebuaꞌano Yesus.

2 Timotius 3:11

Ingka wohaemo dua kakadee-dee bhe kafoinsa-insana peda neꞌawaku we Antiokia, Ikonium bhe Listra. Kabhalano maka kakadee-dee nenamisiku naꞌa, tamaka Ompu nofosalamati kanau.