2 Korintus 11:20 - Muna Southern Dialect

²⁰ Ane dofobhatuakoomu mie bhaindo, pedamo dua dososopi kanandoomiu, doꞌakalaikoomu, dofekalangke diundo ne wisemiu, dobhantofakoomu, ingka tasabahamoomu.

2 Korintus 11:20 Referans Kwoze

Galatia 2:4

Daanumo nandoo mesalono peda naꞌa, tamaka andoa maitu o mie mekalisuno, dompahabhahi-bhahitie ne intaodiomu. Andoa dopesua miina daediu-diua so damata-mataiꞌao kaowu kabebasintoomu mie marasaeano ne Kristus ⸤ maiꞌao ne pahintano Musa⸥ . Patudhundo dasumuli damobhatua kaita ⸤ ne sabhaha tubhono agama Yahudi⸥ .

Galatia 5:1

Kristus padamo nofobebasi kaita, neanomo intaodiomu kotu-kotuꞌu dabebasiomu. Dadiꞌanomo ehe fekatangkaomu, koise undaomu sumuli dakumuhumakoomu so bhatuano tubhono agama Yahudi.

Galatia 4:9

Ampa aitu ingka pandeꞌaanemoomu Lahataꞌala, tawa labhiꞌaku dakumonae nopandeꞌaangkomoomu Lahataꞌala. Dadiꞌanomo noafa gahaꞌa suliꞌaoꞌomu ne rohi modai ne dhunia ini? Ingka andoa ini miina dakokuasa bhe miina dakoafa-afaa! Dadi noafa gahaꞌa gaomiu sumuli mobhatuaꞌao wutomiu ne andoa maitu?

Galatia 4:3

Pedamo dua intaodiomu, nandoo kaanaꞌintoomu ⸤ maꞌanano miinaꞌo damarasaeaꞌomu ne Kristus⸥ nofobhatua kaita sabhaha rohi modai ne dhunia ini.

2 Korintus 1:24

Koe fekihiomu insaodi tamosuhuangkoomu so neparasaeamiu, hampano notangkamo koehemiu weo kaparasaeamiu, tamaka gao mani dakumahadhaa dapoowa-owa so kaowulaꞌano lalomiu.

Lukas 6:29

Ane dotofa bhagamu, fodoliane dua bhagamu sewetano. Ane doala bhetamu waꞌanda dua bhe bhadhumu.

1 Tesalonika 2:5

Ingka pandeꞌaaneomu dua miina sepaliꞌa tamekameko-meko pugau mani, miina dua taefebuniangkoomu patudhu kumadau-dauno. Lahataꞌala sakusii mani.

Filipi 3:19

Dadindo nakopandaꞌao kabinasa; nesombaindo iꞌino handado. Nowose bhakendo dehabu timoambanoꞌaono; fekihindo ampamo kaowu kafaraluuno dhunia.

Galatia 6:12

O mie mosuhukoomu mesunaomu, ingka gaondo defewoha kaowu putae doangkafi tutuhano mbadha. Tamaka kahabuꞌando peda aitu keana kaowu dofodee-deeda ⸤ miendo Yahudi⸥ hampano kaparasaeando ne mateno Kristus te sau salipu.

Galatia 5:10

Tamaka mahinggamo peda naꞌa, kapaꞌamo doseꞌisemoomu bhe Kristus, nandoo asahunaꞌaangkoomu mpuu paise mangkafiomu kafoinaꞌu sumempa naꞌa. Ampamo kaowu humunggano fekihimiu, laꞌae maka dua, tetewei nahumukumue Lahataꞌala.

Galatia 4:25

Dadiꞌanomo Hagar ini gununo Sinai we witeno Arabu. Anoa ini nembali dua dopototoane bhe kotano Yerusalem, kapaꞌamo ampa aini miendo Yerusalem saneamo bhatua ⸤ nofobhatuada tubhono agama Yahudi⸥ .

1 Korintus 4:11

Taꞌampamo aitu taoꞌaho bhe nokekele wuꞌu mani, pakea mani tanokobhini-bhinimo, dotofali kainsami bhe tatalilimo miina takolambua.

Markus 12:40

Andoa debhohe-bhoheꞌi bhihinanda maka dorampasi lambudo. Pakade keana notipandeꞌao kadaino isikadhindo, tadofekawanta-wantamo sambaheando. Dadiꞌanomo nasedhuluꞌa dua kabhieno kahukumu so neꞌawamiu.”

2 Korintus 10:5

Sabhaha akalando manusia tadai-daiꞌe, kalangkeno diundo manusia potagalino bhe kafoinaꞌuno Lahataꞌala tafohansurue kanggetu taesansa bente melangke. Sabhaha fekihindo manusia takuhumae maka tafotuhue ne wiseno Kristus.

2 Korintus 11:3

Ampamo kaowu nomihi laloku bhahasaa dofekakolilino fekihimiu sampe paemo nakumampuu-mpuu kataino lalomiu ne Kristus, peda endefiꞌini Hawa nobhohe-bhoheꞌie akalano ule.

2 Korintus 12:16

Ingka daanumo undamoomu miina amewowoꞌonikoomu, tamaka ⸤ ambamiu dua⸥ idi ini mie ngkoꞌakala, afekahugiangkoomu kabhohe-bhoheꞌi.