2 Korintus 11:2 - Muna Southern Dialect

² Nokondua laloku ne hintimiu tapedamo wutono Lahataꞌala. Hintimiu tapedamo seemie kalambe mongkilo, padamo apodhandi amogaakoomu bhe seemie moꞌane, ingka wutono Kristus.

2 Korintus 11:2 Referans Kwoze

Yohanes 3:29

Kohakuꞌaono loꞌia buꞌou hobhine ingka loꞌia buꞌou moꞌane; tamaka sabhangkano loꞌia buꞌou moꞌane neehe-ehe ne sohihino nofeti-fetingkeda. Nowula mpuu lalono ane nofetingke suahano loꞌia buꞌou moꞌane maitu. ⸤ Peda sabhangkano loꞌia buꞌou naꞌa,⸥ idi ini nowulamo mpuu laloku, nosungkumo kaꞌiaku.

Kolose 1:28

Kristusmo ini nefebhihitaiꞌao mani ne sabhaha mie. Kosasawindo taefeꞌulaianda bhe tafoinaꞌuanda maiꞌao we totono lalo kotimbangino. Patudhu mani neanomo kosasawindo tamowada ne wiseno Lahataꞌala peda mie motangkano dadi weo totono lalondo, hampano doseꞌise bhe Kristus.

Filipi 1:8

Wutono Lahataꞌala sakusiino pugauku ini: nokamba mpuu laloku apoꞌawa bhe hintimiu, kapaꞌamo aoasiangkoomu tapedamo kanini kaasino wutono Yesus Kristus.

Roma 7:4

Pedamo dua hintimiu itu, bhahitieꞌiku. Hampano seꞌiseomu bhe mbadhano Kristus, momatemoomu maiꞌao ne tubhono agama Yahudi ⸤ sampe miinamo nakumuasaikoomu⸥ . Ampa aitu membalimoomu fehebuaꞌano sigaoꞌano, fehebuaꞌano Kristus nefodadi maiꞌao ne mate, neanomo dadintoomu nakofahalaa so Lahataꞌala.

2 Korintus 4:14

Kapaꞌamo tapandeꞌaane putae Lahataꞌala mowanuno Ompu Yesus maiꞌao ne mate, namowanu kainsami dua tapoowa-owa bhe Yesus. Mada anaꞌa namowa kainsami te wiseno tapoowa-owa bhe hintimiu.

1 Korintus 4:15

Kapaꞌamo mahingga ampa aitu peda mie marasaeano ne Kristus bheanea nehewunomo gurumiu, tamaka amamiu seemie kaowu. Weo kaparasaeamiu ne Kristus Yesus idimo ini amamiu, hampano Bhihita Metaa nefosampeku ne hintimiu.

Galatia 4:11

Nomihiangkoomu laloku, kunanomo kawuleku ⸤ aowaangkoomu Bhihita Metaa⸥ nasumia-sia.

1 Tesalonika 2:11

Pandeꞌaaneomu podiu mani ne hintimiu seemie-seemie tapedamo seemie ama bhe anaꞌino.

Powoha 14:4

Andoa ini mie pata pokadengoꞌaono wutondo bhe hobhine, dongkilo peda kalambe. Ne amai maka kahopeꞌano Anano Dhumba, sadhia doangkafie. Andoa ini notolosida maiꞌao ne manusia daembali kapopanga kabhao-bhaono so Lahataꞌala bhe so Anano Dhumba maitu.