2 Korintus 10:4 - Muna Southern Dialect

⁴ Kapaꞌamo ewanga nepake mani suano ewangano dhunia, tamaka ewanga sumangkaꞌano bhe kuasano Lahataꞌala. Ewanga aini nomondoiꞌe nesansa sabhaha benteno liwu motangka.

2 Korintus 10:4 Referans Kwoze

2 Korintus 6:7

taefolele bhihitano kabanara, tafotiwoha kuasano Lahataꞌala, dadi banara mbalimo ewanga mani so tapopahisaꞌao bhe tapobentengiꞌao wuto mani;

1 Korintus 2:5

Kanandooꞌano peda anaꞌa neanomo kaparasaeamiu paise naengkoha ne kapandedo manusia, tamaka naengkoha ne kuasano Lahataꞌala.

1 Timotius 1:18

Timotius anaku, taka aini aposahunaꞌaane ne hintu, aangkafi kaowilino Lahataꞌala nefosampendo ana-anabii weo umati dopulaoꞌao hintu. Kaowili aini somo katangkaꞌaomu weo poewangiꞌamu potunduꞌao metaaꞌano.

Roma 13:12

Nobhalamo nekundono alo, nomaꞌomo kamentae. Dadiꞌanomo hunsa kaitaeꞌomu podiuno kahohondo, fokana kaitaomu katokano habu metaa so nehabu ne mentaleaꞌano.

1 Tesalonika 5:8

Tamaka intaodiomu ini, mie ole-oleo, tabeano natumoho fekihintoomu. Damintaha ne kaparasaea ne Ompu bhe kanini kaasi ne mie bhainto; kaparasaea bhe kanini kaasi ini nabentengikoomu tapedamo bhadhu uti nepakendo popahisano. Pakade daposahunaꞌao dua ne kasalamati; kaposahunaꞌao ini somo bentengikoomu tapedamo songkono tantara.

2 Korintus 4:7

Arataa moꞌali ini neate ne nuꞌua wite ⸤ maꞌanano mbadha kasara mani⸥ , so nentaleaꞌao putae kaꞌosa pontalabhi-labhino naꞌa miina namaiꞌao ne wuto mani tamaka nomaiꞌao ne Lahataꞌala.

Roma 6:13

Koemo owaomu katokano mbadhamiu ne dhosa, namakee so patudhu modai. Tamaka owa wutomiu ne Lahataꞌala peda mie madano mateno suli dodadi. Owaomu dua katokano mbadhamiu ne Lahataꞌala, neanomo namakee so dhumalangiꞌaoꞌomu kapoindalono.

2 Korintus 3:5

Miina bhe tingku mania tapugau putae kahadhaa aini tapoolie wuto mani, miina kaꞌasi, tamaka kapooli mani saneamo kawaꞌaono Lahataꞌala.

Ibrani 11:30

Hampano kaparasaeando miendo Israel, pada dokalibue fitu oleo kaomponano, bente bhalano kotano Yeriko nowolo nosansa.

2 Timotius 2:3

Tabeano numamisie dua kakadee-dee nenamisi mani, neanomo membali tantarano Kristus Yesus kumampuu-mpuuno.

Tula-tulando rasulu 7:22

Musa dofoguhuane sabhaha kapandedo miendo Mesir, sampe pugau bhe habuno nokokuasamo.

2 Korintus 13:10

Kanandooꞌanomo abuhiangkoomu suha aini tinangke dopokodoꞌotiomu, neanomo humato dapoꞌawa-awaomu paise namaraluua amake kuasano Lahataꞌala aꞌumosapikoomu. Kapaꞌamo kuasano Lahataꞌala nowaꞌa kanaꞌe so amekamatangkaꞌao kaparasaeamiu, suano kuasa so mohansurukoomu.

1 Korintus 9:7

Nandoo bhahaa tantara kumalano popahisano nopake dhoino wutonoa? Nandoo bhahaa mie mekaampo metisano angguru tamaka miina naembalia nohumaa bhakeno angguruno naꞌaa? Nandoo bhahaa mekaendeano dhumba tamaka miina naembali nofohoꞌu oeno titino dhumbano?

2 Korintus 10:8

Ingka paemo aambanoa, mahingga adho asumangke-sangke wutoku putae insaodi ini taeꞌawa kuasa ne Ompu, o kuasa so tamekamatangkaꞌao kaparasaemiu, suano kuasa so mohansurukoomu.