2 Korintus 10:1 - Muna Southern Dialect

¹ Idi, Paulus, bhe nemesaloku. Ambado miina aokado apugau ne wisemiu, aokado kaowu apugau ane apokodoꞌotiangkoomu. Aitu hampano kamaluno bhe kataano lalono Kristus,

2 Korintus 10:1 Referans Kwoze

2 Korintus 10:10

Kapaꞌamo ambado mie, “Suhano daanumo nogili bhe noꞌosa, tamaka gahaꞌa hato dopowise bhe mieno tanemalu-malusi, wambano miina nakomaꞌa-maꞌanaa.”

Matius 11:29

Tongkuomu wowoꞌoku ⸤ maꞌanano angkafi pahintaku⸥ bhe poguhuomu ne Idi, kapaꞌamo Idi ini netaa laloku bhe afekapanda Wutoku. Tetewei meꞌawaomu kalalesano lalo.

Galatia 5:2

Tandaiꞌeomu, ane mesaloomu dasumunakoomu, nokomaꞌana Kristus pae nakofahalaa so hintimiu. Idi, Paulus, mugauno inia.

Roma 12:1

Dadiꞌanomo bhahitieꞌiku, hampano kataano lalono Lahataꞌala, aesalo mpuu ne hintimiu, owaomu mbadhamiu peda kapopanga dumadino, mongkilono bhe mekaꞌiano lalono Lahataꞌala. Nadamo aini tabeano kofeompumiu sakotuꞌuno ne Lahataꞌala.

2 Korintus 11:30

Ane tetewei asumangke-sangke wutoku, ingka asumambili kaowu giu motiwohano kanaleku ini.

1 Korintus 2:3

Wakutuuno amai we hintimiu itu, idi ini aonale sepaliꞌa, bhe nogugu kanau kateꞌi.

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

1 Petrus 2:11

Bhahitieꞌiku timoasiꞌaono! Ngkoha-ngkohamiu te dhunia ini kanggetu mie humampe bhe mie meateno ne koliwuno. Dadiꞌanomo aesalo mpuu, koise angkafiomu kapoindalono wuto, kapaꞌamo sadhia nopoewangi bhe kapoindalono alusu.

Filemon 1:9

Tamaka hampano kanini kaasi, koemo amahintangiko, naetaamo aesaloiko. Idi ini Paulus, akamungkulamo kaꞌasi, pakade atitohongku mbaꞌinomo kaparasaeaku ne Kristus.

2 Tesalonika 3:17

Salam maiꞌao ne idi, Paulus. Wamba aini abuhiane limaku wutoku, aini katandaino buhiku weo sabhaha suhaku. Pedamo aini kabuhiku.

Efesus 4:1

Dadiꞌanomo, idi mie netohongku hampano afeompu ne Kristus ini, aesalo mpuu ne hintimiu dadiomu naposahataa bhe kapoindalono Lahataꞌala, kapaꞌamo hintimiu mie toka nebhasino Lahataꞌala.

Galatia 4:13

Ingka pandeꞌaaneomu, pakatandano afohatoangkoomu Bhihita Metaa, hampano aosaki.

2 Korintus 12:5

Mie aini asumangke-sangkee, tamaka wutoku paise, mpahinomo asumambili kaowu giu motiwohano kanaleku ini.

2 Korintus 11:21

Hunsaꞌanomo aoambanoana, miina takumapoiꞌea kaꞌasi sabhaha habu medando naꞌa. Tamaka ne ae maka dua mie bhaindo dokado dosangke-sangke wutondo, o idi aokado dua. (Pugauku ini ingka pugaundo bhohe).

2 Korintus 10:7

Ingka taꞌondoomu kaowu tiwohoꞌano ne wisemiu! Ane seemie nokotu-kotuꞌu noabhi wutono fehebuaꞌano Kristus, naetaa namekihi totono lalono, ingka gahaꞌa insaodi dua ini fehebuaꞌano Kristus tapedamo anoa.

2 Korintus 10:2

aesalo mpuu koise fosuhu kanauꞌomu aꞌumosapikoomu humato amai, kapaꞌamo patudhuku daanumo aꞌumosapida mie kumona kainsami tadadi taangkafi kaowu kapoindalono dhunia ini.

2 Korintus 7:4

Aokado apugau mentalea-mentalea ne hintimiu, bhe nowoseangkoomu bhakeku. Weo sabhaha kakadee-dee mani notilawesi mpuu laloku bhe nopontalabhi-labhi kawulano laloku.

2 Korintus 6:1

Peda mie kumahadhaano bhe Lahataꞌala, taesalo mpuu koise fosia-siaꞌeomua rahamatino Lahataꞌala toka netahimamiu.

2 Korintus 5:20

Dadiꞌanomo insaodi ini katuduno Kristus, kao-kaomo wutono Lahataꞌala tumangahikoomu noangka kaowu ne insaodi. Weo neano Kristus taesalo: owaomu wutomiu napometaaꞌangkoomu Lahataꞌala bhe Wutono.

2 Korintus 3:12

Hampano pedamo anaꞌa neposahunaꞌao mani, maka insaodi ini taokado tapugau ⸤ taefolele Bhihita Metaa⸥ .

1 Korintus 4:10

Insaodi taobhohe hampano Kristus, tamaka ⸤ ambamiu⸥ hintimiu pandeomu weo kaparasaea ne Kristus. Insaodi taonale, tamaka ⸤ ambamiu⸥ hintimiu moꞌosaomu. Insaodi dobihidhingi kainsami, tamaka ⸤ ambamiu⸥ hintimiu dofosibhalakoomu.

Roma 15:15

Ampamo kaowu akakadoi wutoku aebuhiangkoomu sehonda haa honda kafeꞌulai weo suhaku ini, hampano ainimo taka kaꞌondofaoku newaꞌaono Lahataꞌala.

Roma 10:20

Sedhuluꞌa dua kakadono wambano anabii Yesaya, ⸤ Ambano Lahataꞌala⸥ , “Mie tapa umondofi kanau dopoꞌawa kanaumo, afotiwohamo wutoku ne mie tapa meenaꞌa kanau.”

Tula-tulando rasulu 8:32

Aeatino Kitabi nebasano naꞌa peda aini, “Pedamo seꞌulu dhumba doowae se kaesumbeleꞌa kadadi; kabeanga anano dhumba miina nakodiu ne wisendo mie kumuhuno wuluno, pedamo anaꞌa anoa miina nakosuahaꞌa.

Matius 21:5

“Fohatodaomu mieno kotano Sion, ‘Ondoeꞌomu! Omputomiu nomaiꞌikoomu. Nomalu lalono, nosawi ne keledai, anano keledai meangkuno wowoꞌo.’ ”

1 Korintus 4:21

Dadiꞌanomo medando ae nepoindalomiu? Tamepilimoomu: amai aeowaangkoomu kapepe, kaa amai amalu-malusikoomu weo kanini kaasi?

Efesus 3:1

Kanandooꞌanomo idi, Paulus asambaheaꞌangkoomu. Idi ini atitohongku hampano afeompu ne Kristus Yesus bhe aꞌondofao hintimiu mie suano Yahudi.

Filipi 4:5

Naetaa kamaluno lalomiu damandeꞌaane sabhaha mie, kapaꞌamo Ompu nomaꞌomo nahumatoa.

Kolose 1:23

Tamaka tabeano mpuu-mpuunieꞌomu kaparasaeamiu, fekamatangkae kofindamiu. Koise nomagoeaꞌa, koise dua nogampi posahunaꞌao neꞌawamiu wakutuuno fetingkeomu Bhihita Metaa. Bhihita Metaa ainimo nefolele ne sabhaha manusia we towawano lani ini. Idimo dua ini, Paulus, katudu mefoleleno Bhihita Metaa naꞌa.

Filemon 1:19

Naetaa dua abuhiangkoe amake limaku wutoku: Idi, Paulus, so dumudue. (Tantumo miina namaraluua ameꞌulaiangkoe, ingka hintu itu bhe dosamu dua ne idi. Nepulaoꞌaoku naꞌa dadi buꞌou netahimamu pakaparasaeamu).