2 Korintus 1:4 - Muna Southern Dialect

⁴ Anoamo sadhia lumawesi kainsami ne sabhaha kasabha mani, sampe insaodi nembali dua taelawesiane mie metompaloino sabhaha kasabha. Kalawesi aini tatahimae maiꞌao ne Lahataꞌala.

2 Korintus 1:4 Referans Kwoze

1 Tesalonika 5:11

Dadiꞌanomo, tabeano potanga-tangahiomu, pofeka-fekatangkaomu lalo, pedamo habumiu ampa aini.

Ibrani 12:12

Dadiꞌanomo fekatangkae limamu monaleno, fekalaa tuumu mehengku-hengkuno itu.

Yohanes 14:18

Paise ahumunsakoomu nada anaꞌi moꞌelu, tetewei asumulikikoomu.

Yohanes 14:16

Aesaloangkoomu ne Amaku, maka namaꞌangkoomu Fotulumino sigaoꞌano somo pobhaiangkoomu suhue dhamani.

Yohanes 14:26

Tamaka mada kaowu nahumato Rohino Lahataꞌala, Fotulumino so netuduno Amaku weo neaku. Anoamo so mohatoangkoomu kosasawiꞌae kafoinaꞌuku, Anoamo dua so meꞌulaiangkoomu sabhaha wambaku ne hintimiu.

1 Tesalonika 4:18

Dadiꞌanomo pakeomu bhoasao aini so polawe-lawesiꞌaoꞌomu lalo.

2 Korintus 7:13

Katilawesiꞌanomo lalo mani. We simbalino kalawesi neꞌawa mani, mangke-mangkemo kawulano lalo mani tawoha kaꞌiano Titus, hampano fekatohopoeꞌomu lalono.

Filipi 1:14

Mbaꞌinomo dotohongku kanau, dobhahi dua bhahitie marasaeano ne kota ini sedhuluꞌa kamatangkano kaparasaeando ne Ompu, sampe sedhuluꞌa dua kakadondo, miinamo dakateꞌi-teꞌia defolele bhoasaono Lahataꞌala.

2 Korintus 7:4

Aokado apugau mentalea-mentalea ne hintimiu, bhe nowoseangkoomu bhakeku. Weo sabhaha kakadee-dee mani notilawesi mpuu laloku bhe nopontalabhi-labhi kawulano laloku.