2 Korintus 1:17 - Muna Southern Dialect

¹⁷ ⸤ Tamaka patudhu aini padamo abhaliiꞌe.⸥ Kunaꞌemiu nomuda sepaliꞌa abhali-bhalii fekihiku? Bhahaa nokomaꞌana ane akonipatudhu aangkafi kaowu kapoindaloku wutoku sampe sekabantaha afokoꞌuumbe sekabantaha afokopaise?

2 Korintus 1:17 Referans Kwoze

Matius 5:37

Dadiꞌanomo ane patudhumu uumbe, tafokoꞌuumbemo; ane patudhumu paise, tafokopaisemo. Labhino anaꞌa, nomaiꞌao ne Kafeompuꞌando seetani.

Yakobus 5:12

Bhahitieꞌiku, fofoliuꞌano kafaraluu, koise podhandi sampe femataomu mesambiliomu lani tawa o wite tawa mesambiliomu o ae maka dua. Dadiꞌanomo ane patudhumu uumbe, tafokoꞌuumbemo; ane patudhumu paise, tafokopaisemo, keana meꞌawaomu kahukumu.

Yohanes 8:15

Hintimiu mebhotusiomu ampa pomatando manusia, Idi miina akonibhotusia maumo seemie.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

1 Tesalonika 2:18

Gao mani mpuu tamaiꞌikoomu; wutoku, Paulus, suano kaowu sepaku afesobae, tamaka noꞌontomi kainsami Kafeompuꞌando seetani.

Galatia 2:2

Kakalaꞌaku we naꞌa hampano notudu kanau Lahataꞌala weo powoha. We naꞌa dohompumo sanea kaowu neangkando umati maka atalesaanda Bhihita Metaa nefoleleku ne bansano liwu suano Yahudi. Nemosabhaꞌaoku bhahasaa nekahadhaaku endefiꞌini bhe nekahadhaaku ampa aitu nasumia-sia.

Galatia 1:16

Hampano dua rahamatino nofotipandeꞌao kanau Anano, neanomo amolelee bhihitano ne sabhaha bansano liwu suano Yahudi. Wakutuu anaꞌa bhe naseemie miina bhe nekalaꞌiku aesalo fekihi.

Matius 1:19

Yusuf, pohaeno Maria maitu, seemie melaano lalo. Anoa nokiido namekaambano Maria ne wisendo mie bhahi, dadiꞌanomo nokopatudhu nabhotuemo popohaendo, tamaka pae naefemata-mataa.

2 Korintus 11:18

Ingka dobhahimo sumangke-sangkeno wutondo peda mieno dhunia ini, dadiꞌanomo hunsaꞌanomo o idi dua asumangke wutoku.