2 Korintus 1:16 - Muna Southern Dialect

¹⁶ Patudhuku wakutuu anaꞌa mada apoꞌawaangkoomu weo kala-kalaku we Makedonia, amaiꞌao we Makedonia asumuli toha se hintimiu, neanomo naembali tumulumi kanauꞌomu amopansuhu kala-kalaku we Yudea.

2 Korintus 1:16 Referans Kwoze

Tula-tulando rasulu 21:5

Tamaka nohato kaowu tempono, tapansuhumo. Mie marasaeano ne itu mahingga hobhineꞌi bhe anaꞌindo doato kainsami ampa we simbalino kota. Tahato we wiwino teꞌi tafongkohamo tuu mani maka tasambahea.

Tula-tulando rasulu 15:3

Umati marasaeano dopoangkaꞌaanda ampa we simbalino kotano Antiokia. Andoa dokala doangkai kadieno Fenisia bhe Samaria. Ne amai liwu kaangkaiꞌando detula-tulaꞌaomo bansano liwu suano Yahudi dodolimo dua ne Lahataꞌala. Bhihita anaꞌa doꞌiaꞌane bhahitieꞌi ne itu.

Roma 15:26

Kapaꞌamo umati we Makedonia bhe Akaya dosekabhotumo daefoꞌonu dhoi so datumulumiꞌao umati mokaeno we Yerusalem.

1 Korintus 16:11

Dadiꞌanomo koe bhe misakiea. Tulumieꞌomu neanomo nasumalamati namopansuhu kala-kalano, sampe nasumuli ne idi. Aitu nandoo aanta-antagie we ini bhe bhahitieꞌi dua sigaoꞌano.