1 Yohanes 5:7 - Muna Southern Dialect

^7-8 Kapaꞌamo sumakusiino nandoo tolu ise: Rohino Lahataꞌala, o oe bhe heano. Kotolu iseꞌae sehonda-honda nesakusiiꞌaondo.

1 Yohanes 5:7 Referans Kwoze

Matius 28:19

Dadiꞌanomo kalaomu, owadaomu sabhaha bansano liwu daembali anaguhuꞌiku. Kadiudaomu, weo neano Ama bhe Ana bhe Rohino Lahataꞌala.

Tula-tulando rasulu 5:32

Insaodimo ini sumakusiiꞌaono sabhaha kadhadhia naꞌa, insaodi bhe Rohino Lahataꞌala. Rohino Lahataꞌala ini nowaꞌandae Lahataꞌala ne kosasawindo mie mangkafino pahintano.”

Yohanes 1:1

Pakatandano ⸤ miinaꞌo nandumandoo dhunia,⸥ nekonando Bhoasao nonandoomo. Bhoasao amaitu nopobhai bhe Lahataꞌala. Bhoasao amaitu nopototo bhe Lahataꞌala.

Tula-tulando rasulu 2:33

Pada nosangkee Lahataꞌala te melangkeꞌano bhe nowaꞌane kuasa, notahimamo Rohino Lahataꞌala nedhandiꞌaono maitu. Rohi aitu nofosampuemo dua ne insaodi ini, peda newoha bhe nefetingkemiu aitu.

1 Yohanes 5:6

Yesus Kristus nomai we dhunia ini, nekadiu oe bhe hea. Anoa nohato miina kaowu naekadiu oe, tamaka nekadiu oe bhe hea. Sumakusiiane Rohino Lahataꞌala, kapaꞌamo Rohino Lahataꞌala miina nakopahaa.

Yohanes 8:54

Ambano Yesus, “Ane amosibhala kaowu Wutoku, miina nakoꞌulu-uluꞌa. Tamaka mosibhala kanau ingka Amaku, Anoamo itu nekonamiu Lahataꞌalamiu.

Matius 17:5

Tangasano Petrus nopugau, tanosikaolumidamo olu nentalea sepaliꞌa. Nomaiꞌao weo olu naꞌa notifetingkemo suaha ambano, “Ainimo Anaku timoasiꞌaono, neposahasiꞌaono laloku, fetingkeeꞌomu pugauno.”

Yohanes 10:30

Idi bhe Amaku taseꞌise.”

Yohanes 5:26

Amano kamaiꞌaoꞌanomo dadi; pedamo dua aitu Anano nowaꞌane kuasa nembali kamaiꞌaoꞌano dadi.

Powoha 19:13

Dhubano padamo dolondoane hea, neano dokonae “Bhoasaono Lahataꞌala”.

Yohanes 12:28

Ama, fekakalabhia neamu.” Maka notifetingkemo suaha maiꞌao te lani, “Padamo afekakalabhiaꞌe, maka amekakalabhiaꞌe toha.”

Yohanes 8:18

Idi asakusii so Wutoku bhe Amaku tumudu kanau nosakusii kanau dua.”

Matius 18:16

Ane paise nametingkeko, mewowoꞌo bhe sabhangkamu naseemie bhahaꞌi dahodua. ⸤ Kapaꞌamo notibuhi weo Kitabi⸥ , ‘Sehonda parakara kaneꞌomo notiangga ane bhe sakusiino dohodua tawa dototolu.’

1 Yohanes 1:1

Bhoasao Fofodadino, toka ndumandoono mpini kabhao-bhaono, aituꞌaemo nefosampe ne suha aini. Insaodi padamo tafetingkee, padamo dua tawohaane wuntano mata mani. Padamo taꞌondoe ulano bhe padamo tadampasiane lima mani.

Yohanes 14:17

Anoamo Rohino Lahataꞌala meowano kabanara. Dhunia pae damooli datumahimaea, hampano miina daohaea, miina dua damandeꞌaanea. Tamaka hintimiu pandeꞌaaneomu, kapaꞌamo Anoa napobhaiangkoomu bhe naeate we lalomiu.

Yohanes 15:26

Mada kaowu atumuduangkoomu Fotulumino maiꞌaono ne Amaku, Rohino Lahataꞌala meowano kabanara. Anoamo itu sumakusii kanau.