1 Yohanes 5:20 - Muna Southern Dialect

²⁰ Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.

1 Yohanes 5:20 Referans Kwoze

Yohanes 17:3

Dadi suhue dhamani maitu, maꞌanano manusia dopandeꞌaane Hintumo Kaseemie-mieꞌano, Lahataꞌala banarano, bhe dopandeꞌaane dua Yesus Kristus netudumu.

Lukas 24:45

Pada anaꞌa Yesus nolengkamo fekihindo sampe dolosangiemo wambano Kitabi.

Yohanes 14:9

Ambano Yesus, “Filipus, ingka nomponamo dua apobhaiangkoomu, gahaꞌa miina mandeꞌa kanau? Sasuka mohano Idi nowohamo dua Amaku. Peda amai dua pugau, ‘Fotiwoha kainsami Amamu’?

1 Timotius 3:16

Kotu-kotuꞌu nobhala mpuu rahasiano agamantoomu ini, Anoa nofotiwoha Wutono nembali manusia, nosakusiiane Rohino Lahataꞌala Anoa ini mie banara, dowohae malaꞌekati, bhihitano dofolelee ne sabhaha bansano liwu tapa mandeꞌaono Lahataꞌala, doparasaeaꞌe ne kosekaꞌewaꞌae dhunia ini, notisangke weo kakalabhia te surugaa.

1 Yohanes 5:1

Mie marasaeano putae Yesus maitu Omputo Fosalamatino, mie aitu anaꞌinomo Lahataꞌala. Ane doasiꞌao amano ingka teteweimo dua doasiꞌao anaꞌino.

Yohanes 20:28

Ambano Tomas ne Yesus, “Ompuku bhe Lahataꞌalaku.”

Powoha 3:7

“Buhie dua so malaꞌekatino umati we Filadelfia: pedamo aini kaowili maiꞌao ne Mie Mongkilo, Mie Banara, mintahano kunsino Daud. Ane nelengka fointo, pae bhe so mooliea daꞌumontoe; pedamo dua ane neꞌonto fointo, pae bhe so mooliea dalumengkae.

1 Yohanes 4:16

Ingka dopandeꞌaane bhe doparasaeaꞌemoomu kanini kaasino Lahataꞌala ne intaodiomu. Lahataꞌala maitu o kanini kaasi. Mie dumadino weo kanini kaasi noseꞌise bhe Lahataꞌala bhe Lahataꞌala neate weo totono lalono.

Roma 9:5

Andoa maitu sampuꞌando awuaꞌintoomu, maka weo kamanusiano Kristus nomaiꞌao ne siwulundo. Anoamo Lahataꞌala te wawono bhahi-bhahiꞌae, mantasiꞌano damosibhalae ampa suhue dhamani. Amin.

Yohanes 10:30

Idi bhe Amaku taseꞌise.”

1 Yohanes 4:2

Nada aini so notipandeꞌaoꞌao bhahaꞌi rohi ne mie anaꞌa Rohino Lahataꞌala bhahaꞌi suano: sasuka mie mangakuno noparasaea Yesus Kristus nomai we dhunia ini peda seemie manusia, rohino mie aitu nomaiꞌao ne Lahataꞌala.

1 Yohanes 2:6

Laꞌae mugauno nodadi noseꞌise bhe Lahataꞌala, tabeano nadumadi namangkafi sandahano dadino Yesus Kristus.

Ibrani 1:8

Tamaka ne Anano maitu, Lahataꞌala nokobhoasao ambano, “Hintu Lahataꞌala, kafopahintaꞌamu nadumaa-daaꞌe suhue dhamani, noꞌadhili mpuu kuasamu.

Titus 2:13

Ampa aini nandoo dontaa-ntaaꞌomu oleo bhalano neposahunaꞌaontoomu so meowano dawua. Ne oleo anaꞌa natiwohamo kakalabhiano Lahataꞌala Foliuno Kuasa bhe Yesus Kristus Mosalamati kaita.

Tula-tulando rasulu 20:28

Dadiꞌanomo dhagani wutomiu, dhaganieꞌomu umati marasaeano, peda dhagano dhumba noꞌondofao kadadi kakaneano. Kapaꞌamo hintimiumo nesangkeno Rohino Lahataꞌala membaliomu neangka so dhumaganino umatino Lahataꞌala. Umati andoa ini fehebuaꞌano Lahataꞌala, notolosianda heano Anano.

Yohanes 17:14

Idi padamo awaꞌanda bhoasaomu, tamaka dhunia dobansida hampano andoa suano fehebuaꞌano dhunia, pedamo dua Idi ini suano fehebuaꞌano dhunia.

Powoha 19:11

Pada aitu awohamo surugaa notilengka, maka nandoo seꞌulu adhaha kapute. Mie sumawikie dokonae “Mie Tiparasaeano bhe Banarano”. Anoa noꞌadhili nofobhotusi bhe nopopahisa.

Powoha 15:3

Andoa delagu-laguꞌao laguno Musa palima-limano Lahataꞌala bhe laguno Anano Dhumba. Ambado, “Hintu Ompu Lahataꞌala Fofoliuno Kuasa! Nobhala bhe notimenteꞌao mpuu angkaꞌano limamu. Noꞌadhili bhe nobanara mpuu sabhaha habumu. Hintu Omputo sabhaha bansano liwu!

Powoha 6:10

Andoa maitu dokei dofekahaa-haaꞌi ambado, “Hintu kafeompuꞌa mongkilono bhe banarano, tana seꞌae bhahaa kaomponano maka bhitahaki bhe bhoosiꞌao hea mani ne mie meateno we dhunia?”

Powoha 3:14

“Buhie dua so malaꞌekatino umati we Laodikia: pedamo aini kaowili maiꞌaono ne koneaꞌano Amin, sakusii tiparasaeano bhe banarano, kamaiꞌaoꞌano sabhaha nefokonandoono Lahataꞌala.

1 Yohanes 4:14

Insaodi padamo tawoha Anano Lahataꞌala, maka tasakusiiane putae Anoa notudue Amano so Mosalamatino dhunia.

Filipi 3:9

bhe kotu-kotuꞌu aseꞌise bhe Anoa. Katitahimaꞌaku ne Lahataꞌala peda mie banara suanomo kaowuleꞌano wutoku adhalangi tubhono agama, tamaka katitahimaꞌaku ne Lahataꞌala mbaꞌinomo aparasaea ne Kristus. Dadiꞌanomo katitahimaꞌa peda mie banara naꞌa nomaiꞌao ne Lahataꞌala, nengkoha ne kaparasaea ne Kristus.

2 Korintus 4:6

Kapaꞌamo Lahataꞌala padamo nokobhoasao, “Nobheteꞌo toha tilanga weo kahohondo.” Ingka Anoamo dua mobheteno tilangano weo totono lalontoomu, neanomo naentalea fekihintoomu so dalumosangiꞌao kakalabhiano Lahataꞌala kotilangano ne ulano Kristus.

Yohanes 15:4

Seꞌiseomu bhe Idi, o Idi aseꞌise bhe hintimiu. Haꞌano angguru miina nakobhake maiꞌao ne wutono, simbali notai ne puꞌuno angguru. Pedamo dua hintimiu paise kobhakeomu, ane paise seꞌiseomu bhe Idi.

Yohanes 14:23

Notobhoosimo Yesus ambano, “Ane seemie noasi kanau, namangkafi wambaku. Amaku naoasiane maka Insaodi tamai taeate bhe anoa.

Yohanes 14:20

Ne oleo anaꞌa mandeꞌaaneomu Idi aseꞌise bhe Amaku, hintimiu seꞌiseomu bhe Idi, Idi aseꞌise bhe hintimiu.

Yohanes 14:6

Ambano Yesus, “Idimo ini o kaangkaꞌa, meowano kabanara bhe fowaꞌaono dadi. Bhe naseemie paise bhe so humatono ne Amaku ane paise namangka ne Idi.

Yohanes 1:18

Bhe naseemie miinaꞌo bhe mohano Lahataꞌala, mpahinomo Ana Kaenseemieno. Anoa ini nopototo bhe wutono Lahataꞌala bhe notai mpuu lalono ne Amano. Anoamo ini motiwohae ne intaodiomu.

Lukas 21:15

Kapaꞌamo wutoku so maꞌangkoomu pugau kotimbangi, sampe kosasawindo kaewamiu paise damondoiꞌea dapoewangiane tawa dagumagai pugaumiu.

Matius 13:11

Notobhoosimo Yesus ambano, “Hintimiu nowaꞌangkoomu kadawu Lahataꞌala pandeꞌaanemoomu rahasiano Kafopahintaꞌano, tamaka mie sigaoꞌano miina.

1 Yohanes 2:24

Dadiꞌanomo hintimiu, dhaganieꞌomu mpuu bhihita toka nefetingkemiu mpini pakaparasaeamiu weo totono lalomiu. Ane nefetingkemiu naꞌa sadaa-daaꞌe weo totono lalomiu, maka hintimiu sadaa-daaꞌe seꞌiseomu bhe Anano Lahataꞌala bhe Amantoomu.

Efesus 3:18

Asambahea dua, sio-siomo poowa-owaomu bhe kosasawindo umati mongkilono, mondoiꞌeomu lumosangieꞌomu kaꞌewano, kawantano, kalangkeno bhe kandalono kanini kaasino Kristus pata tikiha-kihano.

2 Korintus 5:17

Sasuka seꞌiseno bhe Kristus ingka nembalimo manusia buꞌou, ngkodauꞌano nolalomo, nohatomo buꞌouꞌano.

1 Korintus 1:30

Tamaka hampanomo Lahataꞌala, hintimiu seꞌisemoomu bhe Kristus Yesus. Anoa itu kaꞌonuꞌano kapandeno Lahataꞌala so intaodiomu, fopometaaꞌaono bhe Lahataꞌala, fofekangkilono dadi bhe fofobebasino maiꞌao ne dhosa.

Yohanes 17:25

Hintu Amaku umadhilino, daanumo dhunia miina damandeꞌaangko, tamaka o Idi apandeꞌaangko bhe andoa ini dopandeꞌaane Hintumo tumudu kanau.

Yohanes 8:42

Ambano Yesus, “Ane amamiu Lahataꞌala, tetewei moasi kanauꞌomu hampano Idi ini amaiꞌao ne Lahataꞌala. Kahatoꞌaku ini suano kapoindaloku Wutoku, tamaka kapoindalono Tumudu kanau.

1 Yohanes 2:23

Mie tapa mangakuno noparasaea ne Anano Lahataꞌala, miina dua naseꞌise bhe Amano. Mie mangakuno noparasaea ne Anano Lahataꞌala, tetewei dua noseꞌisemo bhe Amanoa.

1 Yohanes 5:5

Laꞌae bhahaa tumalono ⸤ kawudhuno⸥ dhunia? Ingka mpahinomo mie marasaeano putae Yesus maitu Anano Lahataꞌala.

1 Yohanes 5:15

Ane dopandeꞌaanemo Lahataꞌala sadhia nofetingke kamesalontoomu, ingka dopandeꞌaanemo dua o ae maka dua nemesalontoomu dotahimaemoomu.

1 Yohanes 5:18

Ingka dopandeꞌaanemo kosasawindo mie toka membalino anaꞌino Lahataꞌala, miinamo daehabu kansuhu dhosa. Andoa nodhaganida Anano Lahataꞌala sampe miina namafa-afaꞌianda Kafeompuꞌando seetani.