1 Yohanes 5:13 - Muna Southern Dialect

¹³ Bhahi-bhahiꞌae ini abuhiangkoeꞌomu so hintimiu marasaeano ne Anano Lahataꞌala, neanomo mandeꞌaaneomu ingka meꞌawamoomu dadi suhue dhamani.

1 Yohanes 5:13 Referans Kwoze

Yohanes 20:31

Ampamo kaowu kosasawiꞌae ini padamo dobuhie neanomo hintimiu ⸤ mebasano bhe metingkeno⸥ marasaeaꞌomu putae Yesus maitu Omputo Fosalamatino, Anano Lahataꞌala; neanomo dua hampano kaparasaeamiu ne Anoa meꞌawaomu dadi.

Yohanes 1:12

Tamaka nandoo dua tumahimae bhe marasaeano weo neano. Kosasawindo maitu nowaꞌanda kapooli daembali anaꞌino Lahataꞌala.

1 Yohanes 3:23

Pahintano peda aini: damarasaeaꞌomu ne Yesus Kristus Anano Lahataꞌala, bhe dapomoa-moasiꞌao pedamo dua pahintano Kristus ne intaodiomu.

Yohanes 3:18

Sasuka marasaeano ne Anoa paise naeꞌawa kahukumu, sasuka tapa marasaeano neꞌawamo kahukumu, mbaꞌinomo miina namarasaea ne Anano Kaenseemieno Lahataꞌala.

1 Yohanes 2:21

Abuhiangkoomu aini suano mbaꞌinomo miina mandeꞌaoꞌomu kabanara, tamaka hampano pandeꞌaanemoomu. Ingka pandeꞌaanemoomu dua miina bhe pahaa maiꞌao ne kabanara.

Galatia 4:6

Hampano ingka dembalimoomu anaꞌino, Lahataꞌala notudumo Rohino Anano naeate weo totono lalontoomu. Rohi ainimo mekatondalano bhe mokoamano ne Lahataꞌala.

1 Yohanes 5:10

Dadiꞌanomo sasuka marasaeano ne Anano Lahataꞌala, miinamo nopoibhahaane putae kasakusii amaitu nokotuꞌu. Tamaka mie tapa marasaeano ne Lahataꞌala kabeanga nokonamo Lahataꞌala nokopaha, mbaꞌinomo miina namarasaea kasakusiino Lahataꞌala so Anano.

1 Yohanes 2:1

Anaꞌiku, abuhiangkoomu bhahi-bhahiꞌae ini keana mehabuomu dhosa. Ampamo kaowu ane bhe mehabuno dhosa, nandoomo bhe so potunduꞌa kaita ne Lahataꞌala, Anoamo Yesus Kristus umadhilino.

1 Yohanes 1:4

Bhahi-bhahiꞌae ini tabuhiangkoeꞌomu so nosangkaꞌao kawulano lalontoomu.

1 Petrus 5:12

Abuhiangkoomu suha aini notulumi kanau Silwanus, anoa ini akonae dua seemie bhahitientoomu kumampuu-mpuuno weo kaparasaea. Suha aini miina naewantaa, patudhuku amekamatangka kaparasaeamiu bhe aefeꞌulaiangkoomu putae nebuhiku ini kotu-kotuꞌu nefosampe rahamati maiꞌao ne Lahataꞌala. Fintahakieꞌomu sepaliꞌa!

2 Korintus 5:1

Kapaꞌamo tapandeꞌaane, mada kaowu dahumungga kadempo kaeateꞌantoomu ne dhunia ini ⸤ maꞌanano mbadha kasarantoomu⸥ , Lahataꞌala nofofontaa-ntaaꞌao lambu te surugaa so kaeateꞌa suhue dhamani. Kaeateꞌa anaꞌa miina dahumabue limando manusia.

Tula-tulando rasulu 4:12

Ampamo kaowu Yesus fosalamatino, kapaꞌamo te dhunia ini we simbalino Anoa bhe naseemie miina bhe meꞌawano kuasa maiꞌaono ne Lahataꞌala so nafofosalamatiꞌao.”

Yohanes 2:23

Tangasano Yesus we Yerusalem ne hohaeaꞌano Paska dobhahi mie marasaeano ne Anoa, hampano dowohamo tanda timenteꞌaono nehabuno.

1 Yohanes 2:26

Bhahi-bhahiꞌae ini abuhiangkoeꞌomu apulaoꞌao mie mesoba-sobano damekakolilino totono lalomiu.

Tula-tulando rasulu 3:16

Aitu wohaeꞌomu kadhadhia ne kalu aini. Anoa noꞌosamo hampano kaparasaea weo neano Yesus. Kaparasaeano ne neano Yesus mekaꞌosano mie nepandeꞌaomiu ini. Ingka wohaeꞌomu kosasawimiu.

Yohanes 21:24

Anaguhumo aini sumakusiiꞌaono kosasawiꞌae kadhadhia aini. Padamo dua nobuhie, bhe dopandeꞌaaneomu kasakusiino nokotuꞌu.

Yohanes 5:24

Amohatokoomu, kotu-kotuꞌu sasuka metingkeno wambaku bhe marasaeano ne Tumudu kanau, ingka neꞌawamo dadi suhue dhamani. Paise naeꞌawa kahukumu, kapaꞌamo nogampimo maiꞌao ne mate nopesuamo weo dadi.

1 Yohanes 2:25

Maka nepodhandiꞌaono wutono Kristus ne intaodiomu, ingka o dadi suhue dhamani.

1 Yohanes 4:9

Pedamo aini Lahataꞌala nofotiwohamo kanini kaasino ne intaodiomu, ingka notudu Anano kaenseemie nomai we dhunia ini, neanomo namangka ne Anoa daeꞌawaomu dadi.

1 Yohanes 5:11

Kasakusii anaꞌa peda aini: Lahataꞌala nowaꞌa kaitamo dadi suhue dhamani, maka kamaiꞌaoꞌano dadi amaitu ingka o Anano.

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.