1 Yohanes 4:1 - Muna Southern Dialect

¹ Bhahitieꞌiku timoasiꞌaono! Koise pikiparasaeaꞌomua sabhaha mie mangakuno pugaundo nomaiꞌao ne Rohino Lahataꞌala. Udhieꞌomu kadeki bhahaꞌi rohino kotu-kotuꞌu nomaiꞌao ne Lahataꞌala bhahaꞌi miina. Kapaꞌamo ampa aitu dobhahimo mpahaana-anabiino dohato bhe dolili we dhunia ini.

1 Yohanes 4:1 Referans Kwoze

1 Tesalonika 5:21

Tamaka bhahi-bhahiꞌae tabeano damesoloe, metaaꞌano damintahakie.

2 Petrus 2:1

Endefiꞌini ne olotando umatino Lahataꞌala nandoo mie mpahaana-anabiino, nadamo dua aitu ne olotamiu itu nandumandoo mpahaguru-guruno. Andoa daeowa sabhaha kafoinaꞌu tapa banara so mefobinasano manusia, bhahamoa dagumagaiꞌemo Kafeompuꞌa madano tumolosida. Nadamo anaꞌa dapikiꞌawamo kabinasaꞌano wutondo.

1 Timotius 4:1

Rohino Lahataꞌala pada nofofohato fotinda-tindae, mada kaowu ne dhamani mbuhumai nandumandoo mie so humunsano kaparasaeando maka damangkafi rohi modai fokolilinono bhe kafoinaꞌundo seetani.

2 Yohanes 1:7

Kaebuhiꞌaku peda aini hampano dobhahimo mpahaguru-guruno dolili te dhunia ini dofobhohe-bhoheꞌi. Andoa maitu miina daꞌumakuiꞌe putae Yesus Kristus nomai we dhunia ini peda seemie manusia. Mie pedando naꞌa o fobhohe-bhoheꞌino bhe kaewano Kristus.

1 Korintus 14:29

Mie kosuahano peda anabii, naetaa dahodua tawa datotolu so pugauno, maka sigaoꞌano somo tumimbangino pugaundo, ⸤ bhahaꞌi natitahima bhahaꞌi paise⸥ .

1 Yohanes 2:18

Anaꞌiku, pandano dhamani nomaꞌomo! Ingka padamo fetingkeeꞌomu putae mada kaowu natiumba seemie nekonando Kaewano Kristus. Gahaꞌa ampa aitu dobhahimo membalino kaewano Kristus. Dadiꞌanomo dopandeꞌaanemo nomaꞌomo pandano dhamani.

Lukas 12:57

Koasiꞌamo dua miina mondoiꞌeomu mebhotusiꞌaoꞌomu wutomiu medando ae kumotuꞌuꞌano?

Lukas 21:8

Ambano Yesus, “Kodhagaomu, bhahasaa dofokolilino totono lalomiu. Kapaꞌamo dobhahi mie so maino damake neaku bhe dapugau, ‘Idimo ini Mesias, tempono nomaꞌomo.’ Koise angkafidaomua.

2 Timotius 3:13

Tamaka mie modai bhe fobhohe-bhoheꞌino nadhumulu kadaindo, damokolilino totono lalondo mie bhaindo, gahaꞌaitu totono lalondo wutondo nakolilino dua.

Powoha 2:2

Apandeꞌaanemo sabhaha kahadhaamiu, kawulemiu bhe kakosabaha potaamiomu. Apandeꞌaane hintimiu miina mesabahakiomu mie modai. Padamo fesolodaomu mie kumonano wutondo rasulu, gahaꞌaitumo sakotuꞌuno suano, pandeꞌaanemoomu andoa maitu mie kopaha.

1 Korintus 12:10

Ne seemieno nowaꞌane kuasa naehabu tanda timenteꞌaono, bhe ne seemieno nowaꞌane kapooli nakosuaha peda seemie anabii. Ne sigaoꞌano nowaꞌane kapooli namande napoꞌalatiꞌao rohi modai bhe rohi metaa. Ne sigaoꞌano dua nowaꞌane kapooli napugauꞌao sabhaha wambano Rohi, maka seemieno nowaꞌane kapooli namaꞌanaki wambano Rohi naꞌa.

Tula-tulando rasulu 20:29

Apandeꞌaane dua, akumundo kaowu, o daꞌu ngkahoku fohumaano namesuakikoomu maka pae naegana-ganaa nadumai-dai kaseꞌiseno umati.

Markus 13:21

Wakutuu anaꞌa, ane bhe so mugauangko ambado, ‘Ondoe, ainiꞌaemo Mesias, Omputo Fosalamatino’ tawa, ‘Ondoe, atatuꞌae Mesias’, koe parasaeaꞌomua.

Tula-tulando rasulu 17:11

Mie ne itu nolalesa fekihindo, nopoꞌala bhe miendo Tesalonika. Nohelasi lalondo detahima bhoasaono Lahataꞌala. Seꞌo-seꞌoleo dopoguhuꞌao wambano Kitabi doꞌondofi kantoono pugauno Paulus maitu.

1 Tesalonika 5:20

Koe pisakieꞌomu wambado kosuahano peda seemie anabii.

2 Tesalonika 2:2

koise lasao nebhali-bhalii fekihimiu bhe haliaꞌomu mbaꞌinomo nandoo bhihita putae oleono Ompu nohatomo. Bheanea bhihita maitu nomaiꞌao ne pugauno seemie kosuahano peda anabii, bheanea seꞌise kafoguhu, bheanea nomaiꞌao ne suhando mie kao-kaomo maiꞌaono ne insaodi.

1 Yohanes 2:7

Bhahitieꞌiku timoasiꞌaono! Nebuhiku so hintimiu ini suano pahinta buꞌou, tamaka pahinta ngkodau toka nefetingkemiu notanda parasaeaꞌomu ne Kristus. Pahinta ngkodau ini bhoasaono Lahataꞌala nefosampe ne hintimiu endefiꞌini.

3 Yohanes 1:11

Bhahitieku nemoasiꞌaoku! Koise mesandaha ne habu modai tamaka ne habu metaa. Sasuka humabu metaano, anaꞌinomo Lahataꞌala, tamaka sasuka humabu modaino miinaꞌo sepaliꞌa namandeꞌao Lahataꞌala.