1 Yohanes 3:3 - Muna Southern Dialect

³ Sasuka mie posahunaꞌaono ne Kristus peda anaꞌa, namekangkilo dadino maiꞌao ne sabhaha dhosa, pedamo wutono Kristus nongkilo.

1 Yohanes 3:3 Referans Kwoze

2 Korintus 7:1

Bhahitieꞌiku timoasiꞌaono! Ampa aitu dotahimaemo sabhaha dhandi anaꞌa. Dadiꞌanomo fekangkilo kaitaomu wutontoomu ne sabhaha mefekahakuno mbadha bhe alusu. Ulei kaitaomu lalontoomu so nasumangkaꞌao kangkilono dadintoomu, hampano doteꞌi ne Lahataꞌala.

1 Yohanes 2:6

Laꞌae mugauno nodadi noseꞌise bhe Lahataꞌala, tabeano nadumadi namangkafi sandahano dadino Yesus Kristus.

2 Petrus 3:14

Dadiꞌanomo, bhahitieꞌiku timoasiꞌaono, poowa ntaa-ntaaꞌomu bhahi-bhahiꞌae naꞌa, uleiꞌe lalomiu dadi mongkiloomu weo pomatano Lahataꞌala, pae kodengo-dengoomua bhe pometaaꞌomu bhe Lahataꞌala.

Matius 5:48

Dadiꞌanomo tabeano nasumangka totono lalomiu, peda Amamiu te surugaa.”

Ibrani 12:14

Uleiꞌe lalomiu dadi pometaa bhe kosasawindo mie bhaimiu, uleiꞌe dua lalomiu dumadi mongkilo so Ompu, kapaꞌamo miina bhe manusia so mohano Ompu ane pae nadumadi mongkilo.

Ibrani 7:26

Imamu Bhalano pedandomo anaꞌa nefaraluuntoomu: Anoa mie mongkilo, miina nakodhosaa, miina nakodengo-dengoa, nopogaati bhe mie kodhosa, dosangkee te surugaa te wawono wawo.

Kolose 1:5

Katangkaꞌanomo kaparasaeamiu naꞌa bhe kanini kaasimiu ne mie bhaimiu, hampano kaposahunaꞌao umawaomu nefontaa-ntaano Lahataꞌala te surugaa. Kaposahunaꞌao ini ingka tokamo fetingkeeꞌomu wakutuuno dofohatoangkoomu bhoasao banarano, maꞌanano o Bhihita Metaa.

Tula-tulando rasulu 15:9

Lahataꞌala miina napoꞌala-alaandaa bhe intaodiomu; totono lalondo padamo nofekangkiloe hampano doparasaea.

Titus 3:7

Patudhuno weo rahamatino intaodiomu sumuli dapometaa bhe Lahataꞌala bhe daeꞌawaomu dadi suhue dhamani, pedamo neposahunaꞌaontoomu.

2 Petrus 1:4

Pedamo anaꞌa Lahataꞌala nowaꞌa kaitaomu sabhaha dhandino koharagaano bhe foliuno kakalabhia. Hampano dhandi anaꞌa lapamoomu ne sabhaha kapoindalo fodai-daino ne dhunia ini, maka mealaomu dawu weo sifatino Lahataꞌala.

Lukas 6:36

Mobhelaanda lalo mie bhaimu pedamo dua Amamu nofomobhelaꞌao lalo.”

1 Yohanes 4:17

Nahumato oleono kafobhotusiꞌa daokadoomu dapowise bhe Lahataꞌala, hampano dadintoomu we dhunia ini pedamo dadino Kristus. Ainiꞌaemo katandaino putae kanini kaasino Lahataꞌala nosangkamo weo totono lalontoomu.

Ibrani 6:18

Haa hondano ini paise natibhaliia, kapaꞌamo Lahataꞌala pae bhe kapoolia nagumau-gau podhandino bhe fematano naꞌa. Kanandooꞌanomo intaodiomu meoluno ne Lahataꞌala daeꞌawa katangkano lalo so damintahakiꞌao kaposahunaꞌao kumantaa-ntaano te wisentoomu.

2 Tesalonika 2:16

Sio-siomo wutono Ompuntoomu Yesus Kristus bhe Lahataꞌala Amantoomu nalumawesi bhe namekatangka lalomiu, neanomo so nehabumiu bhe so nepugauꞌaomiu sanea metaaꞌano. Kapaꞌamo Lahataꞌala nofomoasiꞌao; weo kataano lalo nofowaꞌao kaposahunaꞌao metaa bhe kalawesino lalo suhue dhamani.

Roma 15:12

Peda dua ini nekosuahaꞌaono anabii Yesaya, “Namaiꞌao ne sampuꞌano Isai natiumba tunasino, tunasi aini namehe namintaha pahinta ne sabhaha bansano liwu. Anoamo dua so tumpuꞌano posahunaꞌaondo sabhaha bansano liwu.”

Yohanes 17:19

Somo andoa afotawakala Wutoku ne Hintu, neanomo andoa daeꞌawa kabanara, maka damotawakala dua wutondo ne Hintu, daembali fehebuaꞌamu mongkilono.

Yakobus 4:8

Fekamaꞌo wutomiu ne Lahataꞌala, maka Anoa namaꞌotikoomu dua. Hintimiu mie kodhosa, fekangkilo dadimiu. Hintimiu kohaꞌano totono lalo, fekamoinda totono lalomiu.

1 Petrus 1:3

Pudhi kaitaomu Lahataꞌala Amano Yesus Kristus Ompuntoomu, kapaꞌamo nofowaꞌaomo dadi buꞌou hampano kabhalano rahamatino. Anoa padamo nofowanu Yesus Kristus maiꞌao ne mate, kaeꞌawaꞌantomoomu dadi buꞌou bhe posahunaꞌao motangka so oleo mbuhumai.

1 Petrus 1:15

Tamaka tabeano naongkilo totono lalomiu weo sabhaha nehabumiu, tapedamo kangkilono wutono Lahataꞌala toka bhasikoomu.