1 Yohanes 3:20 - Muna Southern Dialect

²⁰ Ane totono lalonto nofoꞌala kaita ⸤ hampano habu modai⸥ , ingka dopandeꞌaane Lahataꞌala nofoliuꞌe kabhalano totono lalonto, kapaꞌamo Lahataꞌala nopandeꞌaane bhahi-bhahiꞌae.

1 Yohanes 3:20 Referans Kwoze

Ibrani 4:13

Miina bhe dumadino notifebuni ne matano Lahataꞌala, bhahi-bhahiꞌae kanggetu delembi bhe notiwolengkasi ne wiseno. Ne Anoamo dua dapowiseꞌao wutontoomu ne sabhaha nehabunto.

1 Korintus 4:4

Daanumo miina amandeꞌao laloku akokaꞌalaa, tamaka aini suano bukutiino putae miina akokaꞌala. Wutono Ompu so motantuno akokaꞌala bhe miina.

1 Yohanes 4:4

Anaꞌiku! Hintimiu fehebuaꞌano Lahataꞌala, talodamoomu mpahaana-anabiino, hampano Rohino Lahataꞌala weo totono lalomiu nofoliuꞌe kuasano rohi weo totono lalondo miendo dhunia ini.

Yohanes 21:17

Katolu pakuno Yesus nofeena toha ambano, “Simon anano Yohanes, moasi kanau bhahaa?” Simon Petrus nokompeahamo lalono nofetingke Yesus nofeenae tolu pakumo, “Moasi kanau bhahaa?” maka notobhoosimo dua ambano, “Ompu, ingka pandeꞌaane bhahi-bhahiꞌae, pandeꞌaane dua ingka aoasiangko.” Ambano Yesus, “Ondofaanda dhumbaku.

Powoha 2:23

Mie mangkafie tetewei amongkoda maka kosasawiꞌae tombudo umati damandeꞌaane putae Idimo tumiisangino kakolalondo bhe fekihindo manusia. Idimo dua so bhoosiangkoomu seemie-seemie naposahataa bhe habumiu.

Titus 3:11

Ingka pandeꞌaanemo, mie medando itu nokolilinomo fekihino, nokodhosa bhe nentaleamo naeꞌawa kahukumuno Lahataꞌala.

Yohanes 8:9

Dofetingke kaowu pugauno Yesus naꞌa, dokalamo seemie-seemie nopaꞌinduluanda foliuno kakamungkula. Panda-pandano Yesus tanomoisa bhe hobhine anaꞌa daa-daaꞌe ne kaeehe-eheꞌano.

Ibrani 6:13

Kapaꞌamo wakutuuno Lahataꞌala nopodhandi bhe Abraham, nofemata tetewei nadhumalangie. Nofemata nosambili Wutono, hampano ingka miina bhe lumiuno Lahataꞌala.

Tula-tulando rasulu 5:33

Dofetingke pugau anaꞌa, nolea sepaliꞌa lalondo Sahano Agama, sampe dokopatudhu damongkoda.

Roma 8:34

Nandoo bhahaa so fofoꞌalano? Wutono Kristus Yesus so potunduꞌa kaita. Ingka Anoa padamo nomate, tamaka fofoliuꞌano padamo dua dofowanue maiꞌao ne mate maka ampa aini nengkoha ne suanano Lahataꞌala.

1 Yohanes 3:19

Ane dopomoa-moasiꞌao dopandeꞌaanemoomu intaodiomu mieno kabanara, dadiꞌanomo totono lalontoomu natumohopo dua weo dadinto ne wiseno Lahataꞌala.

1 Yohanes 3:21

Bhahitieꞌiku timoasiꞌaono! Ane paemo namoꞌala kaita totono lalonto, maka tetewei daokado dua dadumoli ne Lahataꞌala.