1 Yohanes 3:19 - Muna Southern Dialect

¹⁹ Ane dopomoa-moasiꞌao dopandeꞌaanemoomu intaodiomu mieno kabanara, dadiꞌanomo totono lalontoomu natumohopo dua weo dadinto ne wiseno Lahataꞌala.

1 Yohanes 3:19 Referans Kwoze

Ibrani 10:22

Hampano bhahi-bhahiꞌae naꞌa, haa kaitaomu domaꞌotiomu Lahataꞌala, weo kahelasino lalo bhe kaparasaea tumangka; wobhano handantoomu dofekangkiloemo, totono lalontoomu kumatanga-tangano nohempomo, ⸤ miinamo naekenda-kendaꞌao habu modai⸥ , mbadhantoomu nongkilomo mbaꞌinomo padamo dokadiuane oe moinda.

1 Yohanes 3:21

Bhahitieꞌiku timoasiꞌaono! Ane paemo namoꞌala kaita totono lalonto, maka tetewei daokado dua dadumoli ne Lahataꞌala.

Yohanes 18:37

Ambano dua Pilatus, “Gahaꞌa nokotuꞌu hintu ini omputo?” Ambano Yesus, “Ingka ambamu hintu Idi ini omputo. Patudhuno kalenteꞌaku bhe kahatoꞌaku ne dhunia ini, asumakusiiꞌao kabanara. Sasuka mie tumaino ne kabanara, nametingke suahaku.”

1 Yohanes 1:8

Ane ambantoomu miina dakodhosaomu, ingka dobhohe-bhoheꞌimo wutontoomu bhe kabanara miina naeatea weo totono lalontoomu.

2 Timotius 1:12

Kanandooꞌanomo aeꞌawa sabhaha kakadee-dee ini, tamaka miina aoambanoanea, mbaꞌinomo apandeꞌaane o laꞌae neparasaeaku. Apandeꞌaane mpuu Anoa nokokuasa nadhumagani neposahunaꞌaono ne idi ampa ne oleo kahatoꞌano Ompu.

Roma 4:21

Anoa noparasaea mpuu putae Lahataꞌala nokokuasa namekakoꞌula nedhandiꞌaono.

Yohanes 13:35

Ane pomoa-moasiꞌaoꞌomu, kosasawindo mie damandeꞌaane putae hintimiu anaguhuku.”

1 Yohanes 3:14

Ingka dopandeꞌaanemoomu, intaodiomu ini kao-kaomo dogampiomu maiꞌao ne mate, dopesuaꞌomu ne dadi. Katipandeꞌaoꞌano mbaꞌinomo doasiꞌao bhahitieꞌintoomu. Mie tapa moasiꞌaono bhahitieno sadaa-daaꞌe nokuasaiꞌe mate.

Ibrani 11:13

Kosasawindo mie saꞌituini sanea dokokaparasaea sampe mate. Andoa miina daetahima sabhaha nedhandiꞌaono Lahataꞌala, tamaka kao-kaomo tadowoha we kodoꞌoꞌano o ae so neꞌawando mada kaowu maka doꞌiaꞌane. Pedamo aitu domangaku dembali mie humato bhe humampe we dhunia ini.

Roma 8:38

Aparasaea mpuu pae bhe so fopogaatiꞌaono bhe kanini kaasino Lahataꞌala: naetaa mate naetaa dadi, mahinggamo malaꞌekati mahinggamo kokuasano, naetaa kadhadhia ampa aitu naetaa kadhadhia mada kaowu, tawa kuasa sigaoꞌano,

1 Yohanes 2:21

Abuhiangkoomu aini suano mbaꞌinomo miina mandeꞌaoꞌomu kabanara, tamaka hampano pandeꞌaanemoomu. Ingka pandeꞌaanemoomu dua miina bhe pahaa maiꞌao ne kabanara.

1 Yohanes 3:20

Ane totono lalonto nofoꞌala kaita ⸤ hampano habu modai⸥ , ingka dopandeꞌaane Lahataꞌala nofoliuꞌe kabhalano totono lalonto, kapaꞌamo Lahataꞌala nopandeꞌaane bhahi-bhahiꞌae.