1 Yohanes 2:28 - Muna Southern Dialect

²⁸ Dadiꞌanomo anaꞌiku, dadi seꞌiseomu bhe Kristus neanomo humato namotiwoha toha Wutono, daokado dapoꞌawaane, paise daꞌumukoꞌao kaambano ne oleo kahatoꞌano.

1 Yohanes 2:28 Referans Kwoze

1 Yohanes 4:17

Nahumato oleono kafobhotusiꞌa daokadoomu dapowise bhe Lahataꞌala, hampano dadintoomu we dhunia ini pedamo dadino Kristus. Ainiꞌaemo katandaino putae kanini kaasino Lahataꞌala nosangkamo weo totono lalontoomu.

Markus 8:38

Ane doambano doangkafi kanau bhahaꞌi doambano doangkafi kafoinaꞌuku ne olotando mie modai bhe mie kodhosa dhamani aini, Anano Manusia - Idimo ini - naoambanoane dua mie aitu ane namai weo kakalabhiano Amano, dalumibu-libue malaꞌekati mongkilono.”

1 Yohanes 3:2

Bhahitieꞌiku timoasiꞌaono! Aitu intaodiomu ini anaꞌino Lahataꞌala, tamaka nada amai wutonto ini mada kaowu, miinaꞌo dafofohatoanea. Ampamo kaowu dopandeꞌaaneomu nahumato Kristus namotiwoha toha Wutono, dapototomoomu bhe Anoa, kapaꞌamo ne naꞌa damohaomu wutono Kristus peda katuno sakotu-kotuꞌuno.

1 Yohanes 3:21

Bhahitieꞌiku timoasiꞌaono! Ane paemo namoꞌala kaita totono lalonto, maka tetewei daokado dua dadumoli ne Lahataꞌala.

Kolose 3:4

Kristusmo ini kamaiꞌano dadintoomu; mada kaowu ane namotiwoha Wutono, hintimiu dua tetewei tiwohaomu bhe Anoa mesuaꞌomu weo kakalabhiano.

1 Yohanes 2:1

Anaꞌiku, abuhiangkoomu bhahi-bhahiꞌae ini keana mehabuomu dhosa. Ampamo kaowu ane bhe mehabuno dhosa, nandoomo bhe so potunduꞌa kaita ne Lahataꞌala, Anoamo Yesus Kristus umadhilino.

1 Tesalonika 3:13

Sio-siomo dua Ompu namekatangka lalomiu, neanomo mongkiloomu bhe paise kodengo-dengoomua ne wiseno Lahataꞌala Amantoomu, ne oleo kahatoꞌano Ompuntoomu Yesus bhe kosasawindo umati mongkilono.

1 Yohanes 5:14

Intaodiomu dokado dofewise ne Lahataꞌala, hampano doparasaea ane desalo nopoangkafi bhe kapoindalono, tetewei nafofetingke.

1 Petrus 5:4

Nahumato kaowu Dhaga Bhalano, hintimiu meꞌawaomu kawaꞌao kumalabhiano nefontaa-ntaa so mie fotalono. Kawaꞌao naꞌa pae bhe kasalia.

Powoha 1:7

Ondo kaitaomu, Anoa nahumato te olu kapute bhe sabhaha mie daohae, mahinggamo andoa mada kumahadae. Kosasawindo bansano liwu ne dhunia ini daoꞌaefie. Uumbe mpuu. Amin.

Ibrani 9:28

Pedamo dua anaꞌa Kristus sepaku kaowu noowa Wutono mbali kapopanga nesumbele so katitolosiꞌano dhosando manusia bhahino. Anoa namendua namai, paemo naehefu dhosaa tamaka naeowa kasalamati so mie mantagino kahatoꞌano.

1 Tesalonika 2:19

Kapaꞌamo hintimiumo neposahunaꞌao mani, kaowulaꞌano lalo mani, kaowuleꞌa mani somo kaowoseꞌano bhake mani ne wiseno Ompuntoomu Yesus humato namai. Ane pae hintimiu, laꞌae dua?

1 Korintus 1:7

Dadiꞌanomo miinamo bhe kapooli nedawuꞌaono Rohino Lahataꞌala nemokaeꞌaomiua maka taanta-antagimoomu oleo so katiwohaꞌano Ompuntoomu Yesus Kristus ne sabhaha mie.

Roma 9:33

Weo Kitabi notibuhi nopulaoꞌao kontu anaꞌa peda aini, ⸤ Ambano Lahataꞌala⸥ “Te kabhawono Sion padamo aeteiane sepoi kontu so katitunoꞌando mie, somo dua mefotiloleno mie. Tamaka laꞌae marasaeano ne Anoa pae nandidiki lalondoa.”

Titus 2:13

Ampa aini nandoo dontaa-ntaaꞌomu oleo bhalano neposahunaꞌaontoomu so meowano dawua. Ne oleo anaꞌa natiwohamo kakalabhiano Lahataꞌala Foliuno Kuasa bhe Yesus Kristus Mosalamati kaita.

2 Timotius 4:8

Aitu nokantaa-ntaamo so idi kawaꞌao so mie fotalono hampano adadi aangkafi kapoindalono Lahataꞌala. Kawaꞌao anaꞌa namaꞌa kanaꞌe Ompu ne oleo kahatoꞌano, kapaꞌamo Anoamo Fobhitahakino umadhilino. Bhahamoa suano kaowu idi so tumahimae, tamaka kosasawindo mie mokambano lalo ne oleo kahatoꞌano.

1 Timotius 6:14

Angkafi sabhaha pahinta aini, koe bhe nekaemimua, koe bhe moꞌalatikoa, ampa ne oleo so kahatoꞌano Ompuntoomu Yesus Kristus.

1 Tesalonika 5:23

Sio-siomo wutono Lahataꞌala fowaꞌaono katohopono dadi, namekangkilo lalomiu ampa naongkilo mpuu. Sio-siomo rohi, alusu bhe mbadhamiu nadhumaganie mpuu Lahataꞌala keana nokodengo-dengo ne oleo kahatoꞌano Yesus Kristus Ompuntoomu.

1 Korintus 15:23

Ampamo kaowu seemie-seemie doangkafi tulu-tulungano: Kristus mbalimo titiisa, maka mie membalino fehebuano Kristus ne oleo kahatoꞌano.

1 Petrus 1:7

Patudhuno kosasawiꞌae ini somo kaꞌudhino kaparasaeamiu, nokampuu-mpuu bhahaꞌi miina. Sanginomo bulawa o bara mobinasa doꞌudhiane efi, bhemo toha kaparasaeamiu ne Lahataꞌala, ingka nofoliuꞌe kakoharagaa bhe bulawa. Mada kaowu daꞌumudhie natipandeꞌaomo kamatangkano, maka kaparasaeamiu natipudhimo ne Lahataꞌala, meꞌawaomu kafosibhala bhe kakalabhia ne oleo kahatoꞌano Yesus Kristus.

Matius 16:27

Kapaꞌamo namada kaowu Anano Manusia namai weo kakalabhiano Amano dapoangkaꞌaane malaꞌekatino. Wakutuu anaꞌa namaꞌandamo ⸤ kabarakati tawa kahukumu⸥ ne manusia seemie-seemie naposahataa bhe habuno.

Matius 16:28

Amohatokoomu, kotu-kotuꞌu ne olotando mie meehe-eheno aitu nandoo so pataꞌo mateno, ane pae daoha kadeki Anano Manusia namai naembali Omputo weo Kafopahintaꞌano.”

Lukas 17:30

Nadamo dua anaꞌa so kumadhadhiano ne oleono Anano Manusia namotiwoha Wutono.

Efesus 3:12

Weo kaseꞌisentoomu bhe Anoa, dokadomoomu domaꞌoti wiseno Lahataꞌala hampano kaparasaeanto, lalonto miinamo napoibhahaa.