1 Yohanes 2:14 - Muna Southern Dialect

¹⁴ Hintimiu membalino anaꞌi, aebuhiangkoomu hampano pandeꞌaanemoomu Amantoomu. Hintimiu membalino ama, aebuhiangkoomu hampano pandeꞌaanemoomu ndumandoono mpini kabhao-bhaono. Hintimiu kahangku dadi, aebuhiangkoomu hampano moꞌosaomu bhe bhoasaono Lahataꞌala neate weo totono lalomiu bhe taloemoomu Kafeompuꞌando seetani.

1 Yohanes 2:14 Referans Kwoze

1 Yohanes 2:13

Hintimiu membalino ama, aebuhiangkoomu peda aini hampano ingka pandeꞌaanemoomu ⸤ Kristus⸥ ndumandoono mpini kabhao-bhaono. Hintimiu kahangku dadi, aebuhiangkoomu peda aini hampano taloemoomu Kafeompuꞌando seetani.

Kolose 3:16

Naetaa bhoasaono Kristus bhe sabhaha kabarakatino nakumabhinti totono lalomiu, neanomo naembali pofoi-foinaꞌu bhe potanga-tangahiomu maiꞌao ne totono lalo kotimbangi. Pudhiomu Lahataꞌala, mepakeomu lagu mazmur ne Kitabino Daud, lagu-laguno kapudhi bhe lagu-lagu lumebeno. Melaguomu bhe mefoampeomu katumpuno lalo ne Lahataꞌala.

Yohanes 15:7

Ane hintimiu seꞌiseomu bhe Idi bhe kafoinaꞌuku naeate we totono lalomiu, maka tamesalomoomu ampa kapoindalomiu maka tetewei umawaeꞌomu.

Efesus 6:10

Panda-pandano, fekamatangkaomu wutomiu weo Ompu, mealaomu kaꞌosa ne kuasano Lahataꞌala.

Yohanes 8:31

Nopugaumo Yesus ne miendo Yahudi marasaeano maitu ambano, “Ane mintahakiomu kansuhu kafoinaꞌuku, hintimiu kotu-kotuꞌu anaguhuꞌiku.

Yohanes 5:38

Bhoasaono miina dua naeate weo totono lalomiu, mbaꞌinomo miina marasaeaꞌomu ne Katuduno.

Powoha 2:7

Kotingalano naetaa nametingke wambano Rohino Lahataꞌala ne tombudo umati. Sasuka fotalono amaꞌanda daomaa bhakeno sau meowano dadi weo kaendeano Lahataꞌala nekonando kaendeano Firdaus.”

3 Yohanes 1:3

Nowula mpuu laloku afetingke ne bhahitieꞌi marasaeano humato kanau, detula-tulaꞌao kakampuu-mpuuno lalomu dadi angkafi kabanara. Ingka daanumo weo dadimu sadhia angkafi kabanara.

2 Yohanes 1:2

Katimoasiꞌamiu hampano kabanarano Lahataꞌala neate weo totono lalontoomu bhe nafopobhaiꞌao ampa suhue dhamani.

Ibrani 8:10

Tamaka ainiꞌaemo podhandiꞌa so nehabuku bhe miendo Israel we oleo mbuhumai, bhoasaono Ompu: pahintaku atumeiꞌe weo fekihindo, tubhoku abuhie weo totono lalondo. Idi somo Lahataꞌalando, andoa somo umatiku.

Kolose 1:11

Sio-siomo kuasano kumalabhiano Lahataꞌala namekamatangkakoomu, so kosabahaꞌaoꞌomu bhe natumuhu lalomiu potaamiꞌaoꞌomu sabhaha netompaloimiu.

2 Timotius 2:1

Dadiꞌanomo Timotius, anaku, fekatangkae lalomu weo rahamati neꞌawanto ne Kristus Yesus.

Filipi 4:13

Bhe katulumino Kristus maꞌa kanau kaꞌosa, amondoiꞌe awiseki sabhaha waweno dadi.

Powoha 2:3

Hintimiu sadaa-daa sabaha potaamiomu weo kakadee-dee hampano neaku, miina mepandeꞌaoꞌomu kawule angkafi kanauꞌomu.

1 Yohanes 1:10

Ane ambantoomu miina daehabuomu dhosa, ingka kabeanga dokonaomu Lahataꞌala nokopaha bhe bhoasaono miina naeatea weo totono lalontoomu.

Yohanes 8:37

“Apandeꞌaane hintimiu sampuꞌano Abraham, tamaka kopatudhu mongko kanauꞌomu hampano wambaku miina tumahimaeꞌomu weo totono lalomiu.

1 Yohanes 1:1

Bhoasao Fofodadino, toka ndumandoono mpini kabhao-bhaono, aituꞌaemo nefosampe ne suha aini. Insaodi padamo tafetingkee, padamo dua tawohaane wuntano mata mani. Padamo taꞌondoe ulano bhe padamo tadampasiane lima mani.