1 Yohanes 2:11 - Muna Southern Dialect

¹¹ Tamaka mie bansino bhahitieno, neate weo kahohondo bhe nekala-kala weo kahohondo. Anoa miina namandeꞌaanea bhahaꞌi nohope ne amai, hampano miinamo napomboha-mbohaa.

1 Yohanes 2:11 Referans Kwoze

Yohanes 12:35

Ambano Yesus, “Tana seendai tempono tilanga nandumandoo ne olotamiu. Tinangke nandoo bhe tilanga maitu mekala-kalamoomu, keana nohatofikoomu kahohondo. Sasuka mekala-kalano weo kahohondo miina namandeꞌaanea so kahopeꞌano.

Titus 3:3

Endefiꞌini intaodiomu dobhoheomu dua, miina daeangkaa bhe nokolilino totono lalontoomu, dembaliomu bhatuano nafusuu bhe sabhaha kapoindalono mbadha. Dadintoomu noponoꞌao podiu modai bhe kakonduano lalo, o mie dofobansi bhe intaodiomu dobansi dua mie bhainto.

Powoha 3:17

Ambamiu, ‘Idi ini ahangkaea, padamo afekahangkaea wutoku, miinamo akonikaea.’ Gahaꞌaitu miina mandeꞌaanea hintimiu itu mie ngkaasi-asi, mie timobhelaꞌaono lalo, mie mokae, mobuntono bhe melembino.

1 Yohanes 1:6

Ane ambantoomu dodadi doseꞌise bhe Anoa, gahaꞌa dodadi weo kahohondo, ingka dokopahaomu bhe habuntoomu miina namangkafi kabanara.

1 Yohanes 2:9

Laꞌae pugauno neate ne mentaleaꞌano tamaka nobansi bhahitieno, mie aitu sadaa-daaꞌe neate weo kahohondo.

2 Korintus 4:4

Kafeompuꞌando seetani kumuasaino dhamani aini nosongkowimo fekihindo mie tapa marasaeano sampe miina damoha tilangano Bhihita Metaa. Bhihita aini ingka nofofohatoꞌao kakalabhiano Kristus, ulanomo Lahataꞌala tiwohaꞌano.

Yohanes 12:40

⸤ Ambano Lahataꞌala,⸥ “Padamo afekabuntoda bhe asongko totono lalondo, keana dofowohaꞌao matando bhe dolosangiꞌao totono lalondo. Dadiꞌanomo paise dadumoli se Idi maka amekaꞌosada.”

2 Korintus 3:14

Fekihindo nopapa, kapaꞌamo taꞌampamo haꞌoleo ini kantutu endefiꞌini sadaa-daaꞌe dopakee ane debasa Kitabino podhandiꞌa ngkodau. Kantutu aini kaneꞌomo natilengka ane o mie doseꞌise bhe Kristus.

2 Petrus 1:9

Tamaka o mie tapa makesino podiu anaꞌa tapedamo mie mohawuno mata tawa kabunto, nolimpuꞌaanemo ingka dhosano endefiꞌini padamo dofekanggelaꞌiane.

1 Yohanes 2:10

Laꞌae moasiꞌaono bhahitieno, neate ne mentaleaꞌano, maka pae bhe kapoolia naehabu kakodhosaꞌa mie bhaindo.

1 Yohanes 3:15

Mie bansino bhahitieno nopototomo nofopongko, maka ingka dopandeꞌaane mie fopongkono miina bhe dadi suhue dhamani weo totono lalono.

1 Yohanes 4:20

Ane bhe mugauno, “Aoasiꞌao Lahataꞌala,” tamaka nobansi bhahitieno, mie aitu nekabuangka. Ane mie miina naoasiꞌao bhahitieno newohano, nada amai bhahaa naoasiꞌao Lahataꞌala tapa newohano?