1 Yohanes 2:10 - Muna Southern Dialect

¹⁰ Laꞌae moasiꞌaono bhahitieno, neate ne mentaleaꞌano, maka pae bhe kapoolia naehabu kakodhosaꞌa mie bhaindo.

1 Yohanes 2:10 Referans Kwoze

1 Yohanes 3:14

Ingka dopandeꞌaanemoomu, intaodiomu ini kao-kaomo dogampiomu maiꞌao ne mate, dopesuaꞌomu ne dadi. Katipandeꞌaoꞌano mbaꞌinomo doasiꞌao bhahitieꞌintoomu. Mie tapa moasiꞌaono bhahitieno sadaa-daaꞌe nokuasaiꞌe mate.

Roma 14:13

Dadiꞌanomo koemo dopofoꞌa-foꞌalaomu! Tamaka fekaꞌonu lalomiu koise mehabuomu so katitunoꞌa tawa so kaondawuꞌando bhahitieꞌimiu weo dhosa.

2 Petrus 1:10

Dadiꞌanomo bhahitieꞌiku, uleiꞌe mpuu lalomiu fotiwohaeꞌomu putae kotu-kotuꞌu hintimiu itu nobhasikoomu bhe nopilikoomu Lahataꞌala. Ane humabuomu nada anaꞌa, ingka paise mondawuomu weo dhosa tawa sumowoaneomu kaparasaeamiu.

Yohanes 8:31

Nopugaumo Yesus ne miendo Yahudi marasaeano maitu ambano, “Ane mintahakiomu kansuhu kafoinaꞌuku, hintimiu kotu-kotuꞌu anaguhuꞌiku.

Matius 18:7

Nobalaamo mieno dhunia mehabuno tingkuno dhosa. Daanumo tingkuno dhosa sadhia nonandoo, tamaka nobalaamo mie humabue.

Matius 13:21

Ampamo kaowu bhoasao aitu miina nakopahakaa weo totono lalondo sampe miina natumahaa. Sadeꞌawa kasabhano tawa kakadee-dee mbaꞌinomo doangkafi bhoasao maitu, lasao dohunsa kaparasaeando.

Filipi 1:10

Ane nada anaꞌa, mandemoomu mepiliomu foliuno kataa. Dadimiu naongkilo, pae nakodengo-dengoa ne oleo kahatoꞌano Kristus.

Yohanes 11:9

Ambano Yesus, “Ingka seꞌoleo ompulu haa dhamu. Sasuka mekala-kalano ole-oleo paise natitunoa, hampano nandoo nowoha kantaleano dhunia ini.

Yohanes 12:35

Ambano Yesus, “Tana seendai tempono tilanga nandumandoo ne olotamiu. Tinangke nandoo bhe tilanga maitu mekala-kalamoomu, keana nohatofikoomu kahohondo. Sasuka mekala-kalano weo kahohondo miina namandeꞌaanea so kahopeꞌano.

1 Yohanes 2:11

Tamaka mie bansino bhahitieno, neate weo kahohondo bhe nekala-kala weo kahohondo. Anoa miina namandeꞌaanea bhahaꞌi nohope ne amai, hampano miinamo napomboha-mbohaa.