1 Yohanes 2:1 - Muna Southern Dialect

¹ Anaꞌiku, abuhiangkoomu bhahi-bhahiꞌae ini keana mehabuomu dhosa. Ampamo kaowu ane bhe mehabuno dhosa, nandoomo bhe so potunduꞌa kaita ne Lahataꞌala, Anoamo Yesus Kristus umadhilino.

1 Yohanes 2:1 Referans Kwoze

1 Timotius 2:5

Kapaꞌamo Lahataꞌala ampamo seemie-mieno, pedamo dua poatoꞌaono manusia bhe Lahataꞌala ampamo seemie-mieno, Anoamo itu manusia Kristus Yesus.

Roma 8:34

Nandoo bhahaa so fofoꞌalano? Wutono Kristus Yesus so potunduꞌa kaita. Ingka Anoa padamo nomate, tamaka fofoliuꞌano padamo dua dofowanue maiꞌao ne mate maka ampa aini nengkoha ne suanano Lahataꞌala.

Yohanes 14:6

Ambano Yesus, “Idimo ini o kaangkaꞌa, meowano kabanara bhe fowaꞌaono dadi. Bhe naseemie paise bhe so humatono ne Amaku ane paise namangka ne Idi.

2 Korintus 5:21

Kristus tapa mehabuno dhosa, padamo nofoseꞌisee Lahataꞌala bhe manusia kodhosa, neanomo weo kaseꞌisentoomu bhe Kristus nafotahima Lahataꞌala peda mie banara.

1 Yohanes 4:4

Anaꞌiku! Hintimiu fehebuaꞌano Lahataꞌala, talodamoomu mpahaana-anabiino, hampano Rohino Lahataꞌala weo totono lalomiu nofoliuꞌe kuasano rohi weo totono lalondo miendo dhunia ini.

1 Yohanes 3:18

Anaꞌiku! Koise dofomoasiꞌao ne pugaunto tawa ne wiwinto kaowu, tamaka tabeano kotu-kotuꞌu nakoꞌula ne habunto.

1 Yohanes 3:7

Anaꞌiku! Koise kaangka-angkaomu ne mie so mekakolilinono totono lalomiu. Mie dhumalangino kapoindalono Lahataꞌala, anoamo itu mie banara, pedamo wutono Kristus nobanara.

Yohanes 8:11

Ambano hobhine anaꞌa, “Ingka miina Waompu.” Nopugaumo toha Yesus, “Idi pae dua ahumukumukoa. Kalamo, tamaka notanda aitu koemo toha mehabu dhosa.”]

Ibrani 9:24

Kapaꞌamo Kristus miina namesua weo Boloku Foliuno Kangkilo nehabundo manusia, membalino kaowu sandahano Boloku Foliuno Kangkilo sakotuꞌuno ⸤ te surugaa⸥ , tamaka Kristus nopesuamo te puuno surugaa, ampa aitu nofewise ne Lahataꞌala so sabhaha kafaraluuntoomu.

1 Yohanes 3:5

Ingka pandeꞌaanemoomu Kristus nomai notolosi dhosando manusia, Anoa miina nakodhosaa.

Efesus 2:18

Hampano nehabuno Kristus, intaodiomu naetaa miendo Yahudi naetaa suano, deꞌawamoomu kaangkaꞌa kapesuaꞌa damewise ne Lahataꞌala, saneamo weo katulumino Rohino Lahataꞌala seꞌise-isemo.

Yohanes 6:27

Koise kahadhaaꞌomu so meꞌawaꞌaoꞌomu oti so mowoloꞌano, tamaka tabeano kahadhaaꞌomu so meꞌawaꞌaoꞌomu oti tumarano ampa suhue dhamani. Oti anaꞌa namaꞌangkoꞌeomu Anano Manusia - Idimo ini - hampano Anoamo nefopoolino Lahataꞌala Amano.”

1 Petrus 3:18

Kapaꞌamo wutono Kristus nomateꞌao dhosantoomu, sepaku kaowu so suhue dhamani. Anoa mie banara nomateꞌao mie modai. Kamateꞌano ingka so natumondaꞌao hintimiu ne Lahataꞌala. Mbadha kamanusiano dopongkoe, tamaka Rohino Lahataꞌala nofowanue maiꞌao ne mate.

Efesus 4:26

Ane amahaomu, koise sampe amahamu naehabuangko dhosa. Koise hunsa-hunsa amahamu ampa nasumoo oleo,

Galatia 4:19

Anaꞌiku kamoasiꞌaoku, ampa aitu akadee-dee toha mbaꞌinomo hintimiu, tapedamo kaleano seemie ina so koanano. Kakadee-deeku ini nalumagi, sampe feꞌilino Kristus kotu-kotuꞌu natiwoha weo dadimiu.

Yohanes 10:15

Tapedamo Amaku nopandeꞌa kanau, Idi apandeꞌaane dua. Idi ini apotahoꞌao inawaku so dhumbaku.

Yohanes 5:36

Tamaka Idi bhe kasakusiiku noliuꞌe nesakusiiꞌaono Yohanes. Nepulaoꞌaoku sabhaha kahadhaa nehabuku; kahadhaa naꞌa nofotaka kanaꞌe Amaku so ahumabu. Kahadhaamo amaitu nembalimo kasakusiiku, nembalimo dua bukutiino Idi ini notudu kanau Amaku.

Lukas 10:22

Kosasawiꞌae padamo nowaꞌa kanaꞌe Amaku. Miina bhe mandeꞌaono Anano Lahataꞌala mpahinomo Amano. Miina dua bhe mandeꞌaono Amano mpahinomo Anano, bhe kosasawindo mie neꞌundaꞌaono Anano Lahataꞌala damandeꞌao Amano.”

1 Petrus 2:22

Anoa miina sepaliꞌa nakodhosaa, miina dua nakopahaa.

1 Korintus 15:34

Pandeꞌao toha lalomiu, fetumpuomu mehabuomu dhosa! Ingka nandoo ne olotamiu itu tapaꞌo mandeꞌaono Lahataꞌala. Kapugauꞌaku peda ini neanomo mepandeꞌaoꞌomu dua bhe kaambano.

Yohanes 5:14

Pada amaitu Yesus nopoꞌawaanemo weo Lambuno Lahataꞌala maka nopugauane ambano, “Aitu moꞌosamo, tiehemo mehabu dhosa keana nokantibhako dhumuluꞌano kadaha.”

Yakobus 1:27

Ane dopoindalo dembali mie koꞌagama mongkilo bhe kumampuu-mpuuno ne pomatano Lahataꞌala Amantoomu tabeano daehabu peda aini: daeꞌondofao anaꞌi moꞌelu bhe bhihinanda mosabhano, bhe dodhagani wutondo koe sampe nofotaihi kadaino dhunia ini.

1 Yohanes 5:21

Anaꞌiku, posiꞌondoomu ne sabhaha barahala!

Yakobus 3:9

O lelantoomu nembali dopakee dopudhiane Lahataꞌala Amantoomu, tamaka nembali dua dopakee debhatataꞌiane manusia nefokonandoono Lahataꞌala nosekatu bhe Wutono.

Roma 6:15

Kaowu peda ae? Naembali bhahaa daehabu kansuhu dhosa, hampano ingka miinamo damasande ne tubhono agama Yahudi tamaka dopasandemo ne rahamatino Lahataꞌala? Ingka teteweimo paise!

Yohanes 13:33

Anaguhuꞌiku, ingka paemo naomponaa aeate bhe hintimiu. Hintimiu umondofi kanauꞌomu. Tamaka pedamo pugauku ne miendo Yahudi, aitu apugauanemo dua ne hintimiu: paise mooliomua maiꞌomu we kakalaꞌaku.

1 Timotius 3:14

Bhahi-bhahiꞌae ini abuhiangkoe, mahinggamo weo posahunaꞌaoku nasee-seendai ini amai apoꞌawaangko.

Yohanes 21:5

Nopugaumo Yesus ne andoa ambano, “O sabhangka, mepooliomu kentaa?” Dotobhoosimo ambado, “Miina.”

Yohanes 14:16

Aesaloangkoomu ne Amaku, maka namaꞌangkoomu Fotulumino sigaoꞌano somo pobhaiangkoomu suhue dhamani.

Tula-tulando rasulu 7:52

Anabii laꞌae bhahaa tapa nefodee-deendo awuaꞌimiu? Bhahaa tadua dopongkomo mie katudu mefoleleno bhihita so kahatoꞌano Mie Metaano Lalo. Anoa naꞌa padamo pokanagauaneomu bhe pongkoeꞌomu.

Roma 5:10

Wakutuuno nandoo dopomodaiꞌomu bhe Lahataꞌala, Anoa nopometaa kaita noangka ne mateno Anano, mangke-mangkemo aitu padamo dopometaaꞌomu, ingka teteweimo namosalamati kaita noangka ne dadino Anano.

1 Yohanes 5:17

Kosasawiꞌae habu umala saneamo dhosa, ampamo kaowu nandoo o dhosa tapa mefosalino dadi suhue dhamani toka netahima.

3 Yohanes 1:4

Pae bhe so moliuno kawulano laloku afetingke anaꞌiku dodadi doangkafi kabanara.