1 Timotius 6:9 - Muna Southern Dialect

⁹ Mie meꞌambano kahangkaea nehimbamo notiwudhu ne modaiꞌano, kao-kaomo nokonamo ne tandono sabhaha kapoindalo sia-sia bhe fodai-daino. Kapoindalo medando ini mobinasano bhe motonduno manusia.

1 Timotius 6:9 Referans Kwoze

1 Timotius 3:7

Anoa tabeano netaa dua neano we simbalindo umati weo poliwu, keana dofoꞌalae mie bhaino sampe nakumona ne tando kataꞌono Kafeompuꞌando seetani.

Tula-tulando rasulu 8:20

Tamaka ambano Petrus, “Pesuamo narakaa bhe dhoimu itu! Saomua kadawuno Lahataꞌala doꞌoliane dhoi?

Matius 13:22

Wine mondawuꞌano weo kahoku kokihi, maꞌanano mie metingkeno bhoasaono Lahataꞌala, tamaka nobhahi dofekihi so kadadiꞌando bhe nobhohe-bhoheꞌida kahangkaeano dhunia. Kosasawiꞌae naꞌa nopesua weo totono lalondo noꞌontiꞌi bhoasaono Lahataꞌala sampe miina nakohasilia.

Yudas 1:11

Dobalaamo andoa maitu! Andoa doangkafimo kaangkaꞌano Kain ⸤ mongkono aino⸥ . Sumanomo daeꞌawa dhoi, nokolilinomo totono lalondo tadoꞌoho wutondo ne modaiꞌano, tapedamo Bileam. Andoa dabinasa mbaꞌinomo dopoewangi bhe mintahano kuasa tapedamo Korah.

2 Petrus 2:3

Hampano kakadau-daundo mpahaguru-guruno naꞌa daetula-tulaangkoomu sabhaha paha, patudhuno daealaꞌao laba. Tamaka kahukumundo nomponamo dofontaa-ntaaꞌe, Lahataꞌala miina bhe kaodoa, tetewei namobinasada.

Efesus 4:22

Ingka padamo dofoinaꞌukoomu peda aini: hunsaeꞌomu toha kodadimiu ngkodauꞌano, kapaꞌamo dadimiu ngkodauꞌano naꞌa nodai-daiꞌe sabhaha kapoindalo fofekakolilinono.

Markus 4:19

Tamaka nobhahi dofekihi so kadadiꞌando, nobhohe-bhoheꞌida dua kahangkaeano dhunia, pakade nobhahi kapoindalondo sigaoꞌano. Kosasawiꞌae maitu nopesua weo totono lalondo, noꞌontiꞌi bhoasaono Lahataꞌala, sampe miina nakohasilia.

Matius 26:15

Nopugaumo, “Maꞌa kanauꞌomu ae ane aowaangkoomu Yesus?” Lasao deꞌeapiane tolu fulu woka pera maka dowaꞌane.

Matius 19:22

Nofetingke peda naꞌa ana moꞌane maitu nosabhamo handano tanokala, kapaꞌamo nohangkaea sepaliꞌa.

2 Timotius 2:26

Ane nada naꞌa sumulimo damandeꞌao lalondo, dalumapamo maiꞌao ne kampepeno Kafeompuꞌando seetani. Kapaꞌamo kaomponae ini notapuda neangkando seetani maka nofosuhuda damangkafi kapoindalono.

1 Timotius 1:9

Nofaraluu datumandaiꞌe, tubhono agama dofokonandooꞌe suano so mie metaaꞌa, tamaka patudhuno mpuu so damewanakiꞌao podiundo mie kumangkalaꞌino sabhaha tubho anaꞌa, peda o mie modaino isikadhi, mie pata sumombaino Ompu, mie kodhosa, mie tapa koꞌagamano, mie mosibhalano dhunia, mie mongkono inano tawa amano, mie fopongkono,

Lukas 21:35

Kapaꞌamo oleo anaꞌa nakumangkanai kosasawindo mie meateno te dhunia ini.

Matius 6:19

“Koise mefoꞌonuomu kahangkaeano dhunia, kapaꞌamo nadumai-daiꞌe faa bhe hase, pakade dapombuhusiane kasoꞌo.

Lukas 12:21

Nadamo aitu so netompaloino mie mefoꞌonuno kahangkaea so wutono, tamaka miina nahumangkaea ne pomatano Lahataꞌala.”

1 Timotius 6:10

Kapaꞌamo ane dofeompu ne dhoi ingka katandaꞌanomo sabhaha modaiꞌano. Nandoo mie meꞌambano dhoi sampe dopingkamo maiꞌao ne kaparasaeando maka totono lalondo dosikisaaꞌane sabhaha kasabha.

1 Timotius 6:17

Ne mie hangkaea we dhunia ini mefeꞌulaianda, koise nelangke diundo, koise doposahunaꞌao ne bara pata titangkaꞌaono peda kahangkaea. Tamaka mefeꞌulaianda daposahunaꞌao ne Lahataꞌala, tapa megana-ganano nofowaꞌao sabhaha kafaraluuntoomu so kaetaaꞌano namisintoomu.

Titus 2:12

Noangka ne rahamatino, Lahataꞌala nofoinaꞌu kaita dakumukundo sabhaha podiu modai bhe kapoindalono dhunia. Nofoinaꞌu kaita dua damewanaki totono lalonto, daembali mie banara bhe dadumadi lumebe we dhunia ini.