1 Timotius 6:21 - Muna Southern Dialect

²¹ Kapaꞌamo nandoo seemie hodua dokona wutondo dopande sampe dekapingkamo maiꞌao ne kaparasaeando ne Kristus. Sio-siomo kabarakatino Lahataꞌala napobhaiangko!

1 Timotius 6:21 Referans Kwoze

2 Timotius 2:18

Andoa dopingkamo maiꞌao ne kabanara, kapaꞌamo dofofoinaꞌu putae kawanuꞌando mie mate ingka nokadhadhiamo, sampe dedai-daimo kaparasaendo mie.

1 Timotius 1:19

Fintahakie kaparasaeamu bhe totono lalomu metaano kumatanga-tangano. Kapaꞌamo nandoo seemie hodua miinamo daꞌumondofaanea totono lalondo kumatanga-tangano naꞌa, sampe kaparasaeando nohungga tapeda kapala tisoheno.

Kolose 4:18

Idi, Paulus apakatuangkoomu dua salam, abuhiane limaku wutoku. Koe molimpuꞌa kanauꞌomu ingka nandoo atitohongku. Sio-siomo napobhaiangkoomu kabarakatino Ompu.

Ibrani 13:25

Sio-siomo kosasawimiu itu sadhia napobhaiangkoomu kabarakatino Lahataꞌala.

Titus 3:15

Kosasawindo bhahitieꞌi pobhai kanau we ini dofosampeangko salam. Fosampe kainsami dua salam mani ini ne mie marasaeano moasi kainsami ne itu. Sio-siomo kabarakatino Lahataꞌala sadhia napobhaiangkoomu!

2 Timotius 4:22

Sio-siomo Ompu napobhaiꞌao totono lalomu. Sio-siomo dua namaꞌangkoomu kabarakatino.

1 Timotius 6:10

Kapaꞌamo ane dofeompu ne dhoi ingka katandaꞌanomo sabhaha modaiꞌano. Nandoo mie meꞌambano dhoi sampe dopingkamo maiꞌao ne kaparasaeando maka totono lalondo dosikisaaꞌane sabhaha kasabha.

1 Timotius 1:6

Nandoo mie mekapingkano ne patudhu aini, sampe nokolilino fekihindo ne sabhaha potaga-tagaliꞌa tapa kofahalaano.

Roma 16:23

Salam dua nomaiꞌao ne Gayus. Anoamo ini motiampe kanau bhe kosasawindo umati. Salam dua nomaiꞌao ne Erastus, mintahano dhoino kota, bhe Kwartus bhahitientoomu.

Roma 16:20

Lahataꞌala kamaiꞌaoꞌano katohopono dadi, napikifolongko Kafeompuꞌando seetani ne wawono aꞌemiu bhe namobinasae. Sio-siomo kabarakatino Yesus Ompuntoomu sadhia napobhaiangkoomu.

Roma 1:7

Suha aini so hintimiu meateno we Roma, nemoasiꞌaono Lahataꞌala, toka nebhasino membaliomu umatino mongkilono. Sio-siomo sadhia napobhaiangkoomu kabarakati bhe katohopono dadi maiꞌao ne Lahataꞌala Amantoomu bhe Ompu Yesus Kristus.

Matius 6:13

Koise folapasa kainsami weo kasoba, tamaka dhagani kainsami ne kuasa modai. [Kapaꞌamo Hintumo mahintano, kokuasano bhe kumalabhiano ampa suhue dhamani. Amin.]’