1 Timotius 6:13 - Muna Southern Dialect

¹³ Aitu, ne wiseno Lahataꞌala maꞌaono dadi ne sabhaha ndumandoono, ne wiseno dua Kristus Yesus mada sumakusiiꞌaono kabanara ne Pontius Pilatus, aefeꞌulaiangko:

1 Timotius 6:13 Referans Kwoze

Matius 27:11

Yesus neehe-ehemo ne wiseno gubernur. Nofeenaemo gubernur naꞌa ambano, “Nokotuꞌu hintumo ini omputo miendo Yahudi?” Ambano Yesus, “Pedamo pugaumu naꞌa.”

1 Timotius 5:21

Aitu aefeꞌulaiangko, ingka bhe wutono Lahataꞌala bhe Kristus Yesus bhe malaꞌekatino tipilino mandeꞌaane: angkafie sabhaha kafoinaꞌu aini, koe poꞌala-alaanda miea, koe dua nobhie seweta weo timbangimua.

Powoha 3:14

“Buhie dua so malaꞌekatino umati we Laodikia: pedamo aini kaowili maiꞌaono ne koneaꞌano Amin, sakusii tiparasaeano bhe banarano, kamaiꞌaoꞌano sabhaha nefokonandoono Lahataꞌala.

Powoha 1:5

bhe nomaiꞌao dua ne Yesus Kristus, sakusii tiparasaeano, kabhao-bhaono manuno maiꞌao ne mate bhe kokuasano ne sabhaha omputo ne dhunia ini. Yesusmo ini moasi kaitaomu bhe noangka ne tuhuno heano padamo nofolapa kaita maiꞌao ne dhosa.

Yohanes 5:21

Amano nefowanu mie komate-mateno bhe nofodadida, pedamo dua anaꞌa Anano nefodadi dua ampa nepoindalono.

Powoha 22:1

Pada anaꞌa malaꞌekati amaitu nofosusu kanaumo umeleno oe meowano dadi. Umele maitu nomoinda tapedamo kristal, nomawa nomaiꞌao ne kaengkohaꞌano kumalabhiano Lahataꞌala bhe Anano Dhumba,

Powoha 21:6

Nopugaumo dua ne idi, “Nopalusimo. Idimo ini Alfa bhe Omega, kabhao-bhaono bhe kafetompaino. Mie mokekeleno wuꞌu amefohoꞌutida maiꞌao ne matano oe meowano dadi, pae nakoꞌolia.

1 Timotius 6:12

Uleiꞌe lalomu weo dadimu peda seemie sarani metaano, tapedamo pogolono, neanomo moolie dadi sakotuꞌuno ampa suhue dhamani. Ingka ainimo katibhasiꞌamu ne Lahataꞌala, wakutuuno kosuahaane ne wiseno umati putae parasaeamo mpuu ne Kristus bhe dobhahi sumakusiiangko.

1 Timotius 2:5

Kapaꞌamo Lahataꞌala ampamo seemie-mieno, pedamo dua poatoꞌaono manusia bhe Lahataꞌala ampamo seemie-mieno, Anoamo itu manusia Kristus Yesus.

Tula-tulando rasulu 17:25

Lahataꞌala miina dua namaraluua daꞌumondofaane manusia kao-kaomo bhe nekaeꞌaono dua. Ingka wutono Lahataꞌala fowaꞌaonomo dadi, o inawa bhe kosasawiꞌae nefaraluundo manusia.

Yohanes 19:11

Notobhoosimo Yesus ambano, “Hintu ini miina sepaliꞌa kokuasa ne Idi ini, ane kuasa anaꞌa pae namaꞌangkoe Lahataꞌala. Dadiꞌanomo mie mowa kanau ne limamu, nobhala dhosano anoa bhe hintua.”

Yohanes 14:6

Ambano Yesus, “Idimo ini o kaangkaꞌa, meowano kabanara bhe fowaꞌaono dadi. Bhe naseemie paise bhe so humatono ne Amaku ane paise namangka ne Idi.

Yohanes 5:26

Amano kamaiꞌaoꞌanomo dadi; pedamo dua aitu Anano nowaꞌane kuasa nembali kamaiꞌaoꞌano dadi.

Matius 27:2

Dadiꞌanomo Yesus dokatapuanemo hante maka dowowoꞌoe, dofoowae ne wiseno Pilatus, gubernur ne kadie aitu.

2 Korintus 9:13

Kawaꞌaomiu naꞌa bukutiinomo kaꞌondofaomiu, maka ⸤ umati marasaeano we Yudea⸥ damekakalabhia Lahataꞌala, hampano dowoha kakampuu-mpuumiu angkafiomu Bhihita Metaano Kristus neparasaeamiu. Damudhi dua Lahataꞌala hampano bhe kalalesano lalomiu podawu-dawuomu bhe andoa bhe sabhaha mie.

Galatia 3:26

Hintimiu membalimoomu anaꞌino Lahataꞌala, hampano kaparasaeamiu ne Kristus Yesus.

1 Timotius 1:12

Notumpu laloku ne Kristus Yesus Ompuntoomu mekamatangka kanau, kapaꞌamo noabhi kanau atiposahunaꞌao, katifoparasaeaꞌakumo taka aini so ameompuꞌao ne Anoa.

1 Timotius 1:15

Nokotuꞌu mpuu bhoasao aini, dadiꞌanomo nopantasi mpuu datumahimae bhe damarasaeaꞌe: “Kristus Yesus nomai we dhunia ini nofosalamati mie kodhosa”, maka mie fofoliuno kabhahino dhosa ingka o idimo ini.