1 Timotius 5:3 - Muna Southern Dialect

³ Fosibhalada bhihinanda dumadino weo kakae samoi-moisano.

1 Timotius 5:3 Referans Kwoze

Tula-tulando rasulu 6:1

Wakutuu anaꞌa mie mangkafino Yesus sadhulu-dhulu kabhahi. Miendo Yahudi mepakeno wamba Yunani, dopahamuntuꞌao miendo Yahudi mepakeno wamba Ibrani, mbaꞌinomo bhihinandado miina natiꞌondofao metaaꞌa. Andoa ini miina daeꞌawa kafaraluu nedawu-dawundo seꞌo-seꞌoleo.

1 Petrus 2:17

Fosibhaladaomu kosasawindo mie, moasiandaomu bhahitieꞌimiu, moteꞌiomu ne Lahataꞌala, fosibhalaomu Omputo Kaisar.

1 Petrus 3:7

Hintimiu dua moꞌaneꞌi, fosibhalaeꞌomu namisino hobhinemiu weo dadino polambu. Tandaiꞌeomu andoa maitu miina napototo kaꞌosando bhe hintimiu. Fosibhaladaomu, kapaꞌamo andoa dapoowa-owa bhe hintimiu saneamo so umawano kadawuno Lahataꞌala, maꞌanano dadi suhue dhamani. Dhalangieꞌomu bhahi-bhahiꞌae ini, keana notitee sambaheamiu.

Yakobus 1:27

Ane dopoindalo dembali mie koꞌagama mongkilo bhe kumampuu-mpuuno ne pomatano Lahataꞌala Amantoomu tabeano daehabu peda aini: daeꞌondofao anaꞌi moꞌelu bhe bhihinanda mosabhano, bhe dodhagani wutondo koe sampe nofotaihi kadaino dhunia ini.

1 Tesalonika 2:6

Insaodi miina dua taeꞌondofi kapudhi, naetaa namaiꞌao ne hintimiu, naetaa ne mie sigaoꞌano, mahinggamo insaodi rasuluno Kristus sakotuꞌuꞌano takohaku taesalo ne hintimiu.

Tula-tulando rasulu 9:39

Petrus lasao nokanu maka noangkafida. Sahatono, Petrus dofofonie te wawo. Kosasawindo bhihinanda dolibu-libue bhe doꞌae, poowa dofotiwohaane bhadhu bhe pakea kasapuꞌano Dorkas nandoo noꞌuhi itu.

Lukas 7:12

Nomaꞌo bhe kaguali bhalano mesuaꞌano weo kota nandoo katongkuno mie mate dolimbaane maiꞌao weo kota. Mateꞌano naꞌa anaꞌi moꞌane kaenseemie, anano bhihinanda. Dobhahi sepaliꞌa miendo kota poangkaꞌaono hobhine naꞌa.

Lukas 2:37

Ampa aini nobhihinandamo, umuhuno alu fulu fato taꞌumo. Anoa ini miina nagumaati Lambuno Lahataꞌala, mentae mohondo nosombai Lahataꞌala, sadhia nopoasa bhe nosambahea.

Matius 23:13

Balaamoomu, pande-pande Kitabi bhe miendo Farisi, hintimiu mie mehaaꞌulano, kapaꞌamo songkoemoomu fointono Kafopahintaꞌano Lahataꞌala ne wisendo mie bhaimu. Hintimiu mokiidoomu mesuaꞌomu pakade meꞌontomiomu mie so mesuano.

Matius 15:6

maka mie aitu paemo naoafaa ane paemo namosibhala inano bhe amano. Peda kaowu anaꞌa ingka pisakieꞌomu bhoasaono Lahataꞌala maka fosibhala adhatimiu wutomiu.

1 Timotius 5:2

Kamungkulaꞌi hobhine pototoanda bhe inamu; hobhine mohangkuno dadi pototoanda dua bhe kakutaꞌamu, namaiꞌao ne fekihimu mongkilono.

Yohanes 1:47

Nowoha Natanael nomai, Yesus nopugaumo ambano, “Ondoomu, anoa ini miendo Israel sakotuꞌuno, miina namande naepaha-pahaa.”

Tula-tulando rasulu 9:41

Petrus nointahamo limano maka nofoehee. Pada anaꞌa noloꞌoimo umati mongkilo bhe bhihinandaꞌi maka nofosusuanda hobhine sumuli moꞌuhino maitu.