1 Timotius 5:13 - Muna Southern Dialect

¹³ Pakademo dua, andoa ini domantawa, tadelili-lilimo doala seꞌonue lambua. Suano kaowu anaꞌa, maka dopandemo dua doꞌumbu bhaindo, desampuru urusundo mie bhaindo bhe detula-tulaꞌao sabhaha tapa mantasiꞌano.

1 Timotius 5:13 Referans Kwoze

Tula-tulando rasulu 20:30

Bhahamoa maiꞌao ne kaseꞌisemiu nandumandoo dua so fofoguhuꞌaono tapa kumotuꞌuꞌano, patudhundo dahumela lalondo mie marasaeano damangkafi andoa.

Titus 1:11

Mie medando naꞌa tabeano dadumampue nunsundo kapaꞌamo dobhahimo polambu nedai-daindo mbaꞌinomo dofohatoanda sabhaha kafoinaꞌu tapa mantasiꞌano. Habundo naꞌa so kaowu daeꞌawaꞌao laba haramu.

Tula-tulando rasulu 20:20

Ingka pandeꞌaaneomu dua ampuu-mpuunie sepaliꞌa afohatoangkoomu kofahalaaꞌano so hintimiu. Kosasawiꞌae apadae afebhihitaiangkoeꞌomu bhe afoinaꞌuangkoeꞌomu, naetaa ne wisendo mie bhahi naetaa weo pohompu-hompuꞌa ne lambumiu.

Lukas 10:7

Meateomu ne lambu aitu, humaaꞌomu bhe fohoꞌuomu ampa kawaꞌaondo, kapaꞌamo mie kumahadhaano nopantasi naꞌumawa ponambono. Koise mebhali-bhaliiꞌomu lambu kabutuꞌa.

3 Yohanes 1:10

Dadiꞌanomo ane amai kaowu, atumalesaane sabhaha habu modaino bhe wamba kabuangkano nopulaoꞌao insaodi. Bhahi-bhahiꞌae ini miinaꞌo dua natumumpuane lalono, sampe nokiido natumahima bhahitieꞌi mengkahatono. Suano kaowu taꞌo anaꞌa, bhahamoa umati dua sigaoꞌano noꞌeleꞌaanda datumahima bhahitieꞌi mengkahato maitu. Ane miina damangkafie, nofogampida maiꞌao ne kaseꞌisendo umati.

1 Petrus 4:15

Koise bhe naseemie ne olotamiu itu so kumadee-deeno mbaꞌinomo nofopongko, tawa nosibu, tawa mie modai, tawa mie mesampuruno urusuno mie bhaindo.

Yakobus 3:10

Nomaiꞌao ne lela setangke nolimba wambano kapudhi bhe wambano bhatata. Bhahitieꞌiku, sakotuꞌuꞌano paise nada naꞌaa.

1 Timotius 5:12

Ane nada kaowu anaꞌa andoa deowa kahukumu so wutondo, hampano dofosalimo dhandido ne Kristus.