1 Timotius 3:3 - Muna Southern Dialect

³ Suano dua mie mempohoꞌuno, suano mansoꞌamahano, tamaka momaluno lalo, meowano pometaa, suano meompuno ne dhoi.

1 Timotius 3:3 Referans Kwoze

Titus 1:7

Kapaꞌamo seemie neangkando umati neꞌatoro kahadhaano Lahataꞌala, dadiꞌanomo tabeano suano mie kodengono, suano mie melangkeno diu, suano mansoꞌamahano, suano mempohoꞌuno, suano mansopogihano, suano kumadau-dauno bhe dhoi.

Titus 3:2

Fohatoda dua koise dofoꞌumbu, koe dopotaga-tagali, tamaka dapometaa bhe damotiwoha kamaluno lalondo ne sabhaha mie.

Efesus 5:18

Koise mololanuomu, kapaꞌamo kalolanu neowa nafusuu fodai-daino, tamaka naetaa umulei lalomiu sadhia nakumabhintikoomu Rohino Lahataꞌala.

1 Timotius 3:8

Pedamo dua anaꞌa mie so umondofaono umati tabeano mie metaano diu, koise nokohaꞌa lelando, koise dempohoꞌu, koise dokadau-dau bhe dhoi.

Yakobus 4:1

Nomaiꞌao ne amai bhahaa powengke-wengkeꞌa bhe potaga-tagaliꞌamiu itu? Ingka nomaiꞌao ne kapoindalono mbadha pogihaꞌano kansuhu weo totono lalomiu.

1 Petrus 5:2

Aesalo mpuu ne hintimiu kamungkulaꞌi, ondofaandaomu umatino Lahataꞌala nefoparasaeano ne hintimiu itu. Kapaꞌamo andoa maitu kanggetumo kawaino dhumba, hintimiu o dhagano. Koise nokobuku lalomiu tamaka nahumelasi lalomiu dhumaganidaomu, noposahataa bhe kapoindalono Lahataꞌala. Koise dua ondofaandaomu so kolabaꞌaoꞌomu, tamaka kotu-kotuꞌu patudhumiu meompuniꞌidaomu.

Ibrani 13:5

Koise membaliomu bhatuano dhoi, netaamo notumpu lalomiu ne kanandoomiu. Kapaꞌamo Lahataꞌala padamo nokobhoasao, “Paise sepaliꞌa akumatahokoa, paise sepaliꞌa ahumunsakoa.”

Titus 2:3

Pedamo dua kamungkula hobhine, tangahida dadumadi metaa peda mantasiꞌano so mie meompuno ne Lahataꞌala, koise dofoꞌumbu, koise nofobhatuada kafohoꞌu. Andoa tabeano damande dafofoinaꞌuꞌao metaaꞌano,

Powoha 1:9

Idi, Yohanes o bhahitiemiu; peda hintimiu aenamisi dua kasabha, aeala dua dawu weo Kafopahintaꞌano Lahataꞌala bhe akosabaha dua apotaami aantagi kahatoꞌano Yesus. Idi doꞌoho kanau ne liwutono Patmos, hampano aefolele bhoasaono Lahataꞌala bhe kafohatono Yesus.

Yudas 1:11

Dobalaamo andoa maitu! Andoa doangkafimo kaangkaꞌano Kain ⸤ mongkono aino⸥ . Sumanomo daeꞌawa dhoi, nokolilinomo totono lalondo tadoꞌoho wutondo ne modaiꞌano, tapedamo Bileam. Andoa dabinasa mbaꞌinomo dopoewangi bhe mintahano kuasa tapedamo Korah.

2 Petrus 2:3

Hampano kakadau-daundo mpahaguru-guruno naꞌa daetula-tulaangkoomu sabhaha paha, patudhuno daealaꞌao laba. Tamaka kahukumundo nomponamo dofontaa-ntaaꞌe, Lahataꞌala miina bhe kaodoa, tetewei namobinasada.

Titus 1:11

Mie medando naꞌa tabeano dadumampue nunsundo kapaꞌamo dobhahimo polambu nedai-daindo mbaꞌinomo dofohatoanda sabhaha kafoinaꞌu tapa mantasiꞌano. Habundo naꞌa so kaowu daeꞌawaꞌao laba haramu.

1 Tesalonika 5:14

Taesalo dua, bhahitieꞌi, mefeꞌulaiandaomu mie mantawa. Fekatangkaomu lalondo mansoteꞌino. Tulumidaomu mefaraluuno katulumi. Sabahaomu ne sabhaha mie.

Roma 16:18

Kapaꞌamo mie pedando itu miina dameompu ne Kristus, Ompuntoomu, tamaka dofeompu kaowu ne iꞌino handado. Pugaundo nokesa, wambado nomeko, tamaka debhohe-bhoheꞌi kaowu mie kaangka-angkano.

Tula-tulando rasulu 20:33

Miinaꞌo sepaliꞌa akonimesaloa ne laꞌae-laꞌaemoa, nasalaka, nabulawa, tawa o pakea.

Matius 21:13

Yesus nofohatoda ambano, “Nandoo tibuhino weo Kitabi peda aini, ‘Lambuku dakumonae lambu kasambaheaꞌa, tamaka hintimiu habueꞌomu mbali lia kaꞌonuꞌando mie modai.’ ”

2 Timotius 3:2

O manusia damosibhalamo wutondo, daembalimo bhatuano dhoi. Pugaundo taꞌo sangke-sangkeꞌano wuto, naelangke diundo, dafoꞌumbu, paemo daeangka ne kamungkulando, paemo daepandeꞌao katumpuno lalo, paemo dua daefadhuli agama.