1 Timotius 3:1 - Muna Southern Dialect

¹ Nokotuꞌu mpuu bhoasao aini: mie mobhalano lalo naembali neangkando umati nepoindalo kahadhaa mokesa.

1 Timotius 3:1 Referans Kwoze

Titus 1:7

Kapaꞌamo seemie neangkando umati neꞌatoro kahadhaano Lahataꞌala, dadiꞌanomo tabeano suano mie kodengono, suano mie melangkeno diu, suano mansoꞌamahano, suano mempohoꞌuno, suano mansopogihano, suano kumadau-dauno bhe dhoi.

Tula-tulando rasulu 20:28

Dadiꞌanomo dhagani wutomiu, dhaganieꞌomu umati marasaeano, peda dhagano dhumba noꞌondofao kadadi kakaneano. Kapaꞌamo hintimiumo nesangkeno Rohino Lahataꞌala membaliomu neangka so dhumaganino umatino Lahataꞌala. Umati andoa ini fehebuaꞌano Lahataꞌala, notolosianda heano Anano.

1 Petrus 5:2

Aesalo mpuu ne hintimiu kamungkulaꞌi, ondofaandaomu umatino Lahataꞌala nefoparasaeano ne hintimiu itu. Kapaꞌamo andoa maitu kanggetumo kawaino dhumba, hintimiu o dhagano. Koise nokobuku lalomiu tamaka nahumelasi lalomiu dhumaganidaomu, noposahataa bhe kapoindalono Lahataꞌala. Koise dua ondofaandaomu so kolabaꞌaoꞌomu, tamaka kotu-kotuꞌu patudhumiu meompuniꞌidaomu.

1 Timotius 1:15

Nokotuꞌu mpuu bhoasao aini, dadiꞌanomo nopantasi mpuu datumahimae bhe damarasaeaꞌe: “Kristus Yesus nomai we dhunia ini nofosalamati mie kodhosa”, maka mie fofoliuno kabhahino dhosa ingka o idimo ini.

1 Petrus 2:25

Kapaꞌamo endefiꞌini hintimiu pedamo dhumba kolilinono, tamaka ampa aitu sulimoomu ne Mie dhumaganikoomu, umondofaono alusumiu.

Ibrani 12:15

Dhaganieꞌomu koise bhe mekapingkano maiꞌao ne rahamatino Lahataꞌala, koise dua bhe so membalino peda kantisa mopaꞌi kohasu ne olotamiu itu, kapaꞌamo hasuno naeowa kasabha bhe naedai-dai mie bhahi.

2 Timotius 2:11

Ingka nokotuꞌu mpuu bhoasao aini, Ane padamo domateomu bhe Anoa, ingka mada kaowu dadumadiomu dua bhe Anoa;

1 Timotius 4:9

Nokotuꞌu mpuu bhoasao aini, dadiꞌanomo nopantasi mpuu datumahimae bhe damarasaeaꞌe.

Filipi 1:1

Suha aini nomaiꞌao ne insaodi Paulus bhe Timotius, palima-limano Kristus Yesus. Tapakatue so kosasawimiu umati mongkilono Lahataꞌala seꞌiseno bhe Yesus Kristus meateno we Filipi, poowa-owaomu dua bhe neangkaꞌindo bhe umondofaono umati.

Lukas 15:10

Amohatokoomu, nadamo dua anaꞌa malaꞌekatino Lahataꞌala daoꞌia hampano seemie kodhosa metompaꞌaono dhosano.”

Titus 3:8

Wamba aini nokotuꞌu. Gaoku mpuu fohatoandae kosasawiꞌae ini bhe fekagilie katangahimu, neanomo kosasawindo marasaeano ne Lahataꞌala kotu-kotuꞌu daꞌumulei lalondo dahumabu metaaꞌano. Kapaꞌamo aitumo metaaꞌano bhe kofahalaaꞌano mbali manusia.

Efesus 4:12

Katiwaꞌaoꞌano bhahi-bhahiꞌae ini, damotoka umati mongkilono so kahadhaando daꞌumondofao Ompu bhe mie bhaindo, neanomo mbadhano Kristus sadhulu-dhulu kabhala bhe kamatangka.

Tula-tulando rasulu 1:20

Notibuhi weo Kitabino Laguno Daud, ‘Heruane ae lambuno naolinomoa, hunsaꞌanomo koe bhe meatefiea.’ Notibuhi dua peda aini, ‘Heruane ae sodano damalae sigaoꞌano.’

1 Petrus 4:15

Koise bhe naseemie ne olotamiu itu so kumadee-deeno mbaꞌinomo nofopongko, tawa nosibu, tawa mie modai, tawa mie mesampuruno urusuno mie bhaindo.

1 Tesalonika 5:14

Taesalo dua, bhahitieꞌi, mefeꞌulaiandaomu mie mantawa. Fekatangkaomu lalondo mansoteꞌino. Tulumidaomu mefaraluuno katulumi. Sabahaomu ne sabhaha mie.

Roma 11:13

Apugau ne hintimiu, bansano liwu suano Yahudi! Hampano idi ini o rasulu so bansano liwu suano Yahudi, maka taka kaꞌondofaoku ini afosibhalae mpuu.