1 Timotius 1:5 - Muna Southern Dialect

⁵ Patudhuno katangahiku ini amodhulu o kanini kaasi. O kanini kaasi naꞌa tabeano namaiꞌao weo totono lalo mongkilo, weo totono lalo metaa kumatanga-tangano, bhe weo kaparasaea kumampuu-mpuuno ne Ompu.

1 Timotius 1:5 Referans Kwoze

1 Timotius 1:19

Fintahakie kaparasaeamu bhe totono lalomu metaano kumatanga-tangano. Kapaꞌamo nandoo seemie hodua miinamo daꞌumondofaanea totono lalondo kumatanga-tangano naꞌa, sampe kaparasaeando nohungga tapeda kapala tisoheno.

Galatia 5:22

Tamaka ane mie dodadi nokuasaida Rohino Lahataꞌala, hasilino ingka dopomoa-moasiꞌao, nowula lalondo, notohopo lalondo, dokosabaha, nomalu lalondo, netaa lalondo, notai lalondo,

2 Timotius 2:22

Dadiꞌanomo fekakodoꞌoe nafusuundo kahangku dadi, uleiꞌe lalomu angkafi kapoindalono Lahataꞌala, fekatangkae kaparasaeamu, dadi weo kanini kaasi bhe kapometaa bhe mie bhaimu. Dadimo peda anaꞌa bhe mie metondalano ne Ompu maiꞌao ne totono lalo mongkilono.

2 Timotius 1:5

Afeꞌulai dua kaparasaeamu kumampuu-mpuuno, tapedamo dua kaparasaeando Lois, awuamu hobhine bhe Eunike inamu. Miina apoibhahaanea, kaparasaeamo medano anaꞌa dumadino dua weo totono lalomu.

2 Timotius 1:3

Notumpu laloku ne Lahataꞌala nefeompuniꞌiku maiꞌao weo totono lalo mongkilo kumatanga-tangano, pedamo dua nehabundo awuaꞌiku endefiꞌini. Mentae mohondo taenomo asambahea, sadhia dua afeꞌulaiko.

1 Petrus 3:21

Kadhadhia aitu nembalimo kaꞌibahatino kakadiu sarani, mosalamatikomoomu ampa aitu. Kakadiu sarani miina nakopatudhu namekanggelaꞌi sabhaha mohakuꞌano ne mbadha, tamaka patudhuno desalo kangkilono totono lalo kumatanga-tangano ne Lahataꞌala. Kanandooꞌano bhahi-bhahiꞌae maitu mbaꞌinomo Yesus Kristus nowanumo maiꞌao ne mate.

1 Petrus 3:16

Ampamo kaowu totono lalomiu kumatanga-tangano, tabeano namoinda. Patudhuno ane o mie daꞌumumbukoomu mbaꞌinomo dadi metaamiu peda mie mangkafino Kristus, tadaoambanoꞌaomo wutondo.

1 Petrus 1:22

Hampano meangkaomu kafoinaꞌu banarano, totono lalomiu nomoindamo bhe nohelasimo pomoni-moniniꞌaoꞌomu. Dadiꞌanomo pomoa-moasiꞌaoꞌomu sampuu-mpuuno lalomiu.

2 Petrus 1:7

Kalebeno dadi napotubhahi bhe kanini ne bhahitieꞌinto; kanini ne bhahitieꞌinto napotubhahi bhe kanini kaasi ne kosasawindo mie bhainto.

Roma 10:4

Kristus nofekakoꞌulamo kosasawiꞌae tubhono agama Yahudi, neanomo kotika marasaeano ne Anoa natumahimada Lahataꞌala peda mie banara.

Titus 1:15

Mbali mie mongkilono totono lalo, o ae maka dua nepake sanea nongkilo ⸤ nohalala⸥ , tamaka mbali mie mohakuno fekihi bhe tapa marasaeano ne Kristus, nepakeno miina bhe mongkiloꞌanoa ⸤ sanea noharamu⸥ , kapaꞌamo naetaa fekihindo naetaa totono lalondo kumatanga-tangano saneamo mohakuꞌano.

1 Timotius 3:9

Andoa tabeano damintahaki kabanarano kaparasaea ne Kristus toka nefekantaleaꞌino Lahataꞌala, maiꞌaono ne totono lalo mongkilo kumatanga-tangano.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

1 Petrus 4:8

Tamaka fofoliuꞌano, pomoa-moasiꞌao sampuu-mpuuno lalomiu, kapaꞌamo ane dopomoa-moasiꞌao dohelasimo dua dopomaꞌa-maꞌafuꞌao, mahingga nobhahi kaꞌalando.

Yakobus 4:8

Fekamaꞌo wutomiu ne Lahataꞌala, maka Anoa namaꞌotikoomu dua. Hintimiu mie kodhosa, fekangkilo dadimiu. Hintimiu kohaꞌano totono lalo, fekamoinda totono lalomiu.

Tula-tulando rasulu 23:1

Paulus notonto Sahano Agama maitu maka nopugau ambano, “Bhahitieꞌiku, weo dadiku ampa seꞌoleo itu totono laloku nandoo nongkilo ne wiseno Lahataꞌala.”

1 Yohanes 3:3

Sasuka mie posahunaꞌaono ne Kristus peda anaꞌa, namekangkilo dadino maiꞌao ne sabhaha dhosa, pedamo wutono Kristus nongkilo.

Ibrani 10:22

Hampano bhahi-bhahiꞌae naꞌa, haa kaitaomu domaꞌotiomu Lahataꞌala, weo kahelasino lalo bhe kaparasaea tumangka; wobhano handantoomu dofekangkiloemo, totono lalontoomu kumatanga-tangano nohempomo, ⸤ miinamo naekenda-kendaꞌao habu modai⸥ , mbadhantoomu nongkilomo mbaꞌinomo padamo dokadiuane oe moinda.

1 Korintus 13:1

Mahinggamo naembali apugauꞌao sabhaha wambado manusia bhe wambado malaꞌekati, tamaka ane pae bhe kanini kaasiku ne mie bhaiku, ingka taꞌapototomo bhe mbololo menduu-nduuno tawa ndengu-ndengu mendii-ndiino.

Roma 14:15

Tamaka ane fekalea lalono bhahitiemu mbaꞌinomo nehumaamu, ingka habumu itu nopotagali bhe kanini kaasi. Koe dai-dai mie bhaimu dhohono oti nehumaamu, ingka Kristus padamo nomate dua so mie aitu.

Roma 9:1

So nepugauꞌaoku ini nokotuꞌu; ingka aseꞌise bhe Kristus, miina akopahaa. Totono laloku neatono Rohino Lahataꞌala netanga-tangaꞌaomo dua kakotuꞌuno pugauku.

Tula-tulando rasulu 24:16

Dadiꞌanomo weo dadiku sadhia aꞌulei laloku ampuu-mpuuni kangkilono totono laloku ne pomatano Lahataꞌala bhe mie bhaiku.

Tula-tulando rasulu 15:9

Lahataꞌala miina napoꞌala-alaandaa bhe intaodiomu; totono lalondo padamo nofekangkiloe hampano doparasaea.

Matius 12:35

Mie metaa nefolimba metaaꞌano maiꞌao ne kampebuniꞌano lalo metaaꞌano. Pedamo dua aitu mie modai nefolimba modaiꞌano maiꞌao ne kampebuniꞌano lalo modaiꞌano.

Matius 5:8

Dokodawua mpuu mongkilono lalo, kapaꞌamo damoha Lahataꞌala.

1 Yohanes 3:23

Pahintano peda aini: damarasaeaꞌomu ne Yesus Kristus Anano Lahataꞌala, bhe dapomoa-moasiꞌao pedamo dua pahintano Kristus ne intaodiomu.

Ibrani 13:18

Sambahea kainsamiomu. Tapandeꞌaanemo mpuu totono lalo mani kumatanga-tangano nongkilo, hampano kapoindalo mani ne ae maka dua sadhia tadumadi metaa.

Ibrani 9:14

bhemo toha heano Kristus! Weo kuasano Rohino Lahataꞌala dumadino suhue dhamani, Kristus nofoampe Wutono mbali kapopanga pata kodengono ne Lahataꞌala. Dadiꞌanomo heano tetewei namekangkilo totono lalontoomu maiꞌao ne sabhaha podiu meowano mate, neanomo naembali dameompuomu ne Lahataꞌala dumadino.

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Roma 12:9

Kamoasiꞌaomiu ne mie bhaimiu tabeano nahelasi. Fekakodoꞌo wutomiu ne modaiꞌano, fintaha ne metaaꞌano.

1 Timotius 1:18

Timotius anaku, taka aini aposahunaꞌaane ne hintu, aangkafi kaowilino Lahataꞌala nefosampendo ana-anabii weo umati dopulaoꞌao hintu. Kaowili aini somo katangkaꞌaomu weo poewangiꞌamu potunduꞌao metaaꞌano.

1 Yohanes 3:10

Mie tapa mangkafino kapoindalono Lahataꞌala bhe tapa moasiꞌaono bhahitieno, suano anaꞌino Lahataꞌala. Ainiꞌaemo poꞌalaꞌano anaꞌino Lahataꞌala bhe anaꞌino Kafeompuꞌando seetani.